Jeremia 43:3 - ŊWÀʼ NYÙY

³ Bàyír Baruk woo wan Neria wò e věr bàm ji à wiy, e fíʼ way ver e wír veé Babiloné wo, aá yúy, kìn aá koórí ver, e dù sho e Babilon.»

Jeremia 43:3 Referans Kwoze

Jeremia 43:6

Vé‑eè lì sá vilum adzə̀m, à vikìy, à wóné, à wón ntoʼ vee vikìyí, ve Nebusaradan woo mfòóme anshìy fòn woó Babilon‑eè lèmèn e Gedalia, wo tàr wov dzəə̀n Ahikam woo wan Shafan. Á kfən lì sa Jeremia woo *ŋgaà ntum Nyùy wùn Baruk woo wan Neria.

Jeremia 38:4

Vé saʼ vìne nèn dù, e bùn fon jii, «Á ku lì a jwè və̀n, e dù sho a e kisəə. Wù semèr a kóy vé rər ve á berin á e ŋkàlaʼ fèn e vinyo ve wù táŋri vi, kfə̀n semèr a wó wìr dzə̀m. Bó kfə́ kí yòʼ dzə̀ á ji wun sə́ wíri, wù bá kfə́ a dzə̀ á menàŋ.»

Jeremia 36:26

Fòn lò bèy, e nèn tùm wan ntoʼ woo Jeraameel wùn à Serayia woo wan Asriel, à Shelemia woo wan Abdeel ji á koó á ŋgaà saŋ woo Baruk wùn *ŋgaà ntum Nyùy woo Jeremia. Yii bèy, a Nyùy Tàr kì lìtì ne áwune.

Jeremia 36:10

Kù‑uù dzə̀ kishiíy kin ke Baruk‑iì duùn é lav cù, a yòŋ kinyo ke Jeremia‑aà suuyin fó ŋwàʼ, wìr dzə̀m wáa yuurí. Wù‑uù nə̀ə́, e tìím a dzə̀ e Gemaria shùu lav, a lav rə̀n dzə̀ é maàndzə yee fó yuv, e dzəə ye yì nəə e lav cù fo Shùu Kày wo Fíyi. Gemaria və̀n‑eè dzə̀ wan Shafan woo ŋgaà saŋ wo kuʼùn.

Jeremia 36:4

Jeremia ku nèn jàŋ Baruk woo wan Neria, a yòŋ vinyo vidzə̀m e naáy naáy, a dzə̀ ve Nyùy Tàr‑iì tiisin e wun, Baruk wáa saŋ e kiŋkur ke ŋwàʼ.

Ŋwàʼ Luk 6:26

«A vèn dzə́, a wìr dzə̀m búri ven búrín, bo ŋgeʼ dzə̀ yéen. Vèn wáa kiíy jii, kù dzə̀ mo atǎr wìr vee shooyi‑iì búri wír, a dzə̀ ve vé‑eè bóʼti áwune ji á dzə̀ *aŋgàa ntum Nyùy.

Nsùyrì Nyùy 109:4

M koŋ áwune, bunrì fo áwune, aá kù tóy vinyo tóyín e mǒ bàm.

Jeremia 32:12

e fò e Baruk wo tàr wov dzəə̀n Neria woo wan Maaseyia. A mò‑oò fó, a Hanamel woo fə́r wom wùn aànjen vém ve vé‑eè wayin kiwó e ŋwàʼ, à wír ve vé‑eè dzəə̀n é kibùʼ ke nsheèlav adzə̀me yéné.

Jeremia 41:18

bìʼ fo áwune‑eè fan wír veé Babilon. Vé‑eè fan áwune bey, bìʼ fo Ishmael woo wan Netania‑aà yuyrin ne Gedalia wo fòn woó Babilon‑eè lèmèn ji wù wáa saʼ a woŋ.