Jeremia 42:4 - ŊWÀʼ NYÙY

⁴ Jeremia nèn bìnèr aáwune jii, «M yù ne, a m yíi a lon rú Nyùy Tàr woo Nyùy won mo vèn suuyin. Wù suuy kinyo kidzə̀m ke wù suuyin, é m ku nèn fèr e vèn, e làa yòʼ ber kímóʼ kí gheéy.»

Jeremia 42:4 Referans Kwoze

Nsùyrì Nyùy 40:10

M yòʼ litì fó a fèr mo à yii luŋèr wír vé. M kù sùúy ne e wíri ji à yii tíy a vèsən, luŋèr ver. Bó m yòʼ yar fó a fìʼtì kùm wò e màŋgòŋ wìr vée, a m fer mo à koŋ wír vé e dù, e mày, tíy e kinyò ke à kàʼàn ver shó.

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.

Ŋwàʼ Fəə 8:29

Mooser nèn sùúy jii, «Fòn yén á rì, m sí maʼtì a wun, a dù. M du, e bùnrì Nyùy Tàr ji nyanyày vifə̀r vin ku màʼtì a fon wùn à vé saʼ vəə́, à wír vəə́ kibvəə́shí. Dzə̀ cáʼ ji lá Fòn yòʼ kfə̀n dzəə yiì sùŋnín a lám kisaŋe, e tèn fóo màʼtì wíri ji á du, e cù Nyùy Tàr.»

Lim Aŋgàa Ntum 20:20

A vèn kfə̀n kì sá kijuŋ ji mò‑oò rə́si yéʼey ven kinyo ke Nyùy e virə̀ʼ vé kintatì, kfə̀n ghán, yéʼey e melav, e làa yòʼ a lìtì kinyo ke dzə̀ kí sə̀ ven gheéy.

Jeremia 23:28

Á bèy, ŋgaà ntum wo shiin njèm wun kú a fìʼtì a dzə̀ njèm rə, é ŋgaà ntum wo tumen mo wun kú a fìʼtì kinyo kém mo kí dzəə̀n. Vishaárín vi kfə̀n tàtí ka lèn e mvə̀m sàŋ? Suuy mo woo Nyùy Tàr.

Ŋwàʼ woó Rom 10:1

Afə̀r vem, kinyo ke kí tíy e mǒ shiliv féyì, a m lón fo Nyùy ki dzə̀ jii, wír veé Isray vìne ku waà wìy lùŋ.

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

Esiker 2:7

Ku yòŋ jí sém sí aáwune, kìn vee yú, kìn vee tén yú mo áwune dzəə̀n antavkìtu.

Jeremia 23:35

Kinyo ke wìr kì yíi a dzər e ŋkar rə, kìn e fər və kí dzə̀ jii, ‹Nyùy Tàr yòŋ ji ka?› Kìn jii, ‹Nyùy Tàr sùúy ji ka?›

Jeremia 26:2

Wù‑uù sùúy jii, «Dù tìím e maàndzə yeé shùu lav cù Nyùy Tàr, e sùŋnín e wìr dzə̀m wo wù wìyìn fó ŋkà se laʼ seé Juda ji wun yii cu e Nyùy Tǎr lav. Tiísí kinyo kidzə̀m ke m suuyin e wò ki aáwune, é la kfəʼ yòʼ tùm fó fo.