Jeremia 42:3 - ŊWÀʼ NYÙY

³ Á lon Nyùy Tàr woo Nyùy wò ji wù din á fo vèr du, e kfə̀n sùúy a kinyo ke vèr yii.»

Jeremia 42:3 Referans Kwoze

Ŋgàn 3:6

À lóo yiì vinyo ve à yii vidzə̀m, à kù a tiír a dzə̀ Nyùy fo mbìy, é wù wáa naàrì wò.

Nsùyrì Nyùy 86:11

Éè Nyùy Tàr, yéʼéy mo kinyo ke à taʼ ji m wáa yiì, é m wáa ghan e wò mbòv, a yiì vinyo ve ru ví. Yìi, é shilív shém shí wáa tiy e wò wùn ghán sidzə̀m.

Mayka 4:2

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri a dzə̀ fó Jerusalem foo fèy.

Jeremia 6:16

Nyùy Tàr‑iì yòŋ e wír vəə́ jii: «Vèn tiím é mentàrnín, e lèéy. Vèn taʼ dzə́ə a dzə̀ yee tìítiy, a jùmrì, a ghan e mǒ mbòv, mo mò‑oò dìnèn e vèn fó mbìy, é vèn nèn a dzə dzə́ yee nyaáŋé.» Yii bèy, áwune‑eè bìnèr jii, «Vèr yòʼ yíi a jùmrì.»

Esra 8:21

M nèn yòŋ, vèr lém jíŋ e ghaa ndzəv yee Ahava rə̀n, a neŋ e Nyùy si, a lon ji wù fó á vèr à wóné ghán ye juŋe, a kìŋsìn saa kifá kér kidzə̀m.

Aysaya 2:3

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri, a dzə̀ fó Jerusalem foo fèy.

1 Afòn 8:36

à kù yù é yuv, e làysìn ajay aŋgàa lìm vé vee wír veé Isray. Ku làysìn, a yeʼéy áwune mo á wáa ghan e wò mbòv, e nèn tsə̀nsí wuú é nsay ye wò‑oò foon e wír vée ji vitsə́ʼ vév.

Remrí 5:29

Kì yée fó a dzə feyì ji á mo shilív shév shí dzəə̀n ben ghán sidzə̀m. Áwune kì yèe fó a fàn mo, a lèm nsər sém sidzə̀m, é kí fiʼ yiì, aáwune wáa ker vishí ve juŋ vi, à rám yéví shó, e wìy dù, e mày.

Remrí 5:26

Bó kí yòʼ‑oò yiì ne kòóy ji wìr fo wìr yú, a Nyùy wo wù dzəə̀n shó e tin súŋnin fo mvə̀m və̀y mo vèr yuun, ŋgaàŋ góʼ e tin.›

Nsùyrì Nyùy 27:11

Éè Nyùy Tàr, yéʼéy mo, é m wáa ghan e wò mbòv, a dànèr mo é dzəə ye yì dzəə̀n é leŋ, bìʼ fo aŋgaà vém vibàné dzəə̀n anín.