Jeremia 42:2 - ŊWÀʼ NYÙY

² e yèn Jeremia woo *ŋgaà ntum Nyùy, e sùúy sho jii, «Kii wò, ku yiì kinyo ke vèr lón wò sho ki. Ku mbaà Nyùy Tàr woo Nyùy wò ji wù sə́ á ver adzə̀m ve á berin. Vèr‑iì dzə̀ wír agháʼán, a kù bèr ne ve à yén lèn vìn.

Jeremia 42:2 Referans Kwoze

Jeremia 36:7

À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»

Cù 26:22

Dzəsì, é m kfən tsə̀nsí nyám se bi sí e věn mvəm, é sí wáa yuyrí wón vén, a laàr nyám sén, a fàr ven, é vèn wáa dzə ashàr, é dzə́ə sén sí kfə́n é vifə̀m.

Jeem 5:16

M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.

Lim Aŋgàa Ntum 8:24

Simon nèn a lon Pita wùn Joon jii, «Vèn kú a bùnrì fo Nyùy Tàr ji lá kinyo kímóʼ kí fo ve vèn suuy vìn ki yòʼ kòóy mo.»

Yòvdìy 1:1

Á ku yèn búʼú, Jerusalem sí tíy là wír, kirə́ʼ, a wìr‑iì dzə̀ fó nyanyày. Fóo sí sóm moo wiiy ŋkfə, kirə́ʼ, a vitúm vidzə̀m vi‑iì ghvə́mé. Ŋkàlaʼ, a yì‑iì dzə̀ féyì ji yaà, e ŋkà se laʼ sí mvəm, lèn wáa dzə, a yì sí reŋ a dzə̀ vikwàn.

Aysaya 37:4

Mfòómé woó Assiriya kì wìy, a kuùrì Nyùy wo wù dzəə̀n shó, kuùrì bèn mo tàr wov woo fon kì tsənsin ji wù wàá wiy, e kuùrì. M lón ji Nyùy Tàr woo Nyùy wò ku yuùrí a liy sìn, e nyèr áwune. Á bèy, á bùnrì fo kibér ke wìr ke kí dzə̀ə́ sho ki.»

Aysaya 1:9

A là fo Nyùy Tàr woo Taà Mànjòŋ wáa ber wír ámóʼó fo vèsə́n ram, bo vé‑eè laàr ne vèsən moo wír veé Sodom, e sə̀ʼsí vèsən moo wír veé Gomorra.

1 Samuel 12:19

Á nèn a suúy e Samuel jii, «Bùnrì Nyùy Tàr woo Nyùy wò fo aŋgàa lìm vée, fo á kpúkír. Vèr kfə̀n yiì ne kinyo ke bi kí mó a tàʼ fon, e tatí vímóʼ ví ve vèr‑iì sí yii.»

1 Samuel 7:8

a suúy e Samuel jii, «Lá à yòʼ yàr fó a toŋ e Nyùy Tàr woo Nyùy wor, e fò e vèr ji wù ku fə̀ə́r ver á fo wír veé Filistiàá wo.»

Jeremia 37:20

Nyàr, éè tàr wor, m lón a ji á ku sə̀ á mo. Lá á yòʼ dzəə siìr a mo é sháŋ woo Jonatan lav fo m yiì kpù á fo.»

Jeremia 37:3

Fòn Tsədekiya nèn lò, e tùm Jehukal woo wan Shelemia, wùn taà cù Tsəfaniya woo wan Ma‑Aseyia, ji á du, e yèn á Jeremia woo *ŋgaà ntum Nyùy, e yòŋ sho a ji kii wun, wù kú a bùnrì a Nyùy Tàr woo Nyùy wov, ji wù sə́ á áwune.

1 Afòn 13:6

Fòn nèn sùúy e ŋgaà ntum Nyùy jii, «Ku lòn Nyùy Tàr woo Nyùy wò, e fò e mò, é wù fíʼ yiì, é kóy wómé bónén.» Ŋgaà ntum Nyùy nèn kù lòn Nyùy Tàr, wù yiì, kóy fòne bónén, a dzə mo wú kì dzəə̀n fó mbìy.

Remrí 28:62

Fə̀m mo vèn‑eè dzəə̀n nyanyày moo mejiy meé yuv, wíy bòy ashàr wìr, bìʼ fo bó vèn yòʼ‑oò lo yùnín Nyùy Tàr woo Nyùy won.

Ŋwàʼ Fəə 8:28

Farao nèn sùúy jii, «M yíi màʼtì, é vèn du, e cù Nyùy Tàr woo Nyùy won é kirə̀ʼ ké woʼ kí, a bèn dzə̀ ji bó vèn yòʼ du a kwaʼda. Vèn lón ri Nyùy, e fò e mò.»

Matio 24:22

A là fo Nyùy far vishiíy vé ŋgeʼ yee shooy, bo bó wìr yòʼ kì wíy lùŋ. A wù fàr bèy bìʼ wír ve wù‑uù shoʼtin ji və́.»

Esiker 12:16

Yii bèy, a m wíy yiì, áàshàr wìr fo áwuné mvəm boy fó rər, e bòy fo jiŋ, e kfə̀n bòy fo ayàsí. Á boy bèy, aá nèn lò, a tuuné liì virìm wov e dzə̀m, aá dzə̀ é vitum fo á dùkìn, e nèn kiíy rú ji m dzə̀ á Nyùy Tàr.› »

Jeremia 42:20

Vèn sí taʼ e yiì jay wo tavín, vèn dzə́n kidzə́n e kitu ke koŋ. Vèn‑eè tùm mo fo Nyùy Tàr woo Nyùy wón wùn ji m du, e mbaà wun. Wù suuy kinyo ke wù suuyin, m fèr á e vèn kidzə̀m, é vèn yii á mo kí dzəə̀n.

Jeremia 21:2

m ku bùʼ á wó e Nyùy Tàr, bìʼ rə́r se Nebukadnessar woo fon woó Babilon sí nəə áwune shó. M ku lòn á ji kìn Nyùy Tàr‑íì yii viŋgaʼnìn və́ vé vinyò mo wù yii yii, e kiír Nebukadnessar fo áwuné wùn.

Aysaya 1:15

Vèn wíy nàn wó e yuv ji á bunrì, é la m yòʼ lèéy, à leéyi shó. Fə̀m mo vèn gísin, bunrì mo akàŋ akàŋ, bó m yòʼ wíy yuurí ven. Vèn yùyrí ne wíri, a wó yéné kù sì wó mensəə.

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.

Remrí 4:27

A kí dzə̀ jii, Nyùy Tàr wíy taʼár ven, é vèn dukir é vitum vímóʼ ví. Vèn du fo, aá kár, e wìy bèr wír ashàr.

Ŋwàʼ Fəə 9:28

Ku lòn Nyùy Tàr, bìʼ fo kishèv wùn à mentíy me biibí mèn mè siìn é ŋàŋ. M lo, e màʼtì ven, é vèn wáa dù, vèn yòʼ kfə̀n dzəə́ goʼ fèn.»

Jeremia 15:11

Nyùy Tàr bìnèr e mo jii, «E ké ru kí, m yíi lùŋèr wò, áà wáa dzə e shií, ŋgeʼ si lóo nəə́, vinyo vi lóo ghaʼ, é m kú a yiì, áàŋgaà vé vibàné wáa wìy, a mbaà a dzə̀ wò.

Jeremia 38:14

Fòn Tsədekiya nèn lò, e tòóy Jeremia woo ŋgaà ntum Nyùy, á wìy sho e shùu ràŋ fo fòn yii shaa, e bó a nəə́ e lav cù. Fòn nèn yòŋ e Jeremia jii, «M dzə́r kinyo ke m dzə́r e wò, lá à yòʼ lìtì kinyo fo mò.»

Jeremia 40:15

Johanan nèn sə̀mrì e Gedalia jii, «Màʼtì, é m du, e yùyrí Ishmael, é la wìr yòʼ kìíy. Á maʼtì ji wù laar wò, é wír veé Juda adzə̀m ve á kaarin wòo táʼrí, é wír vìn ve á berin é Judàa lay a?»

Hosea 8:10

Fə̀m mo áwune duùn ne e vitum, e yùn aŋgàa ntom vév, ké lèn ki, m lo, e baʼtí áwune, e màʼ ŋgeʼ aáwuné kitu. Taà saʼ woó Assiriya sí lo lèn, a nyàvrì aáwune, aá wáa yu nyár.

Amos 7:2

Ŋguùmé siy si ndzəə́y kifá kidzə̀m fo kwaʼ, m tóŋ e Nyùy Tàr jii, «Éè Nyùy Tàr, wò woo Taà Ndzə, ku làysìn ajay wìr vée. Rám Jakovi dzə̀ wír ashàr, a bó á yòʼ kér kitar, a dzə̀ áwune yèe le, e bóo lùŋ?»

Remrí 28:63

Mo Nyùy Tàr‑iì keerin shií wó a yiì, é vèn wáa yu vijuŋ, e kfə̀n a yiì, é vèn wáa kùʼ, bo kù dzə̀ mo Nyùy Tàr wíy keerí shií wóo laàr ven, e səʼsí, e meé mo wù wíy tuŋ ven, e fəə́r fo nsay ye vèn sí du, e nəə́ sho ji á yov.

Nsùyrì Nyùy 119:170

Ku yù bunrì yémé, e fə̀ə́r mo fó ŋgeʼ, kù mo wò‑oò kàʼàn.

Aysaya 42:20

Wù lo, wù yèn vinyo vinín, yii bèy, a wù yòʼ gwarìr kímóʼ kí. Vituʼùr və́ ví dzə̀ virə́, yii bèy, a bó wù yòʼ yú vinyo.»

Jeremia 2:27

Ven vin, vèn yoŋ e kicí kí jii, ‹À dzə̀ tàr wor,› yoŋ e kilán ki jii, ‹À dzə̀ yè wor wo wù‑uù dzəən ver.› Vèn yòʼ wiy fo mǒ wùn, vèn kù sí bin a dzə̀ ndzə̀m e mò. Yii bèy, ŋgeʼ si nəə, vèn nèn a toŋ ji m wiy, e sə̀ ven.