Jeremia 42:1 - ŊWÀʼ NYÙY

¹ Amfòómé rər adzə̀m wùn à Johanan woo wan Karea, à Jesania woo wan Hoshayia, à wìr dzə̀m, e kèʼ fo wo terí, e dù e wo kuʼùn nèn wìy,

Jeremia 42:1 Referans Kwoze

Jeremia 41:11

Johanan woo wan Karea wùn aàmfòómé rər ve wùn áwune‑eè dzəə̀né yú kinyo ke kisaŋ ke Ishmael woo wan Netania mùmèn kin,

Jeremia 40:13

Wáa dzə e kishiíy kímóʼ kí, Johanan woo wan Karea wùn aàmfòómé rər ve á yòʼ‑oò ló ne fò shiŋkfə́ŋe wìy e Mispa, e yèn Gedalia fo,

Jeremia 6:13

«Wìr dzə̀m kù dzə̀ wir bvə̀mkúʼ, diy a dzə̀ seʼ ŋgwaákínyé. Feyì feyì, e kèʼ fo wo terí, e dù e wo kuʼùn, à wìr wo dzəə̀n ji ŋgaà ntum wom, à taà cù, wìr dzə̀m kù sí shwiv a dzə̀ kinshwìv.

Jeremia 44:12

M yíi laàr wír vee kibér ke rám Juda ve vé‑eè wayin ji á kù du, a dzə e nsay Ejiv. Rə́r wùn à jiŋ kù yíi laàr áwune, e kèʼ fo wìr wo terí, e dù, e meé e wo kuʼùn. Áwune wíy kpu yé rər wùn à yé jiŋe, a dzə vé lòné, wíri lóo leéy, é wúné wáa beemé áwune, é yír yéví kfə́n ji liy, aá wáa jàʼ áwune jáʼan.

Jeremia 42:8

Jeremia nèn kùm Johanan woo wan Karea wùn aàmfòómé rərí adzə̀m ve wùn áwune‑eè dzəə̀n, wìr dzə̀m báʼtí, e kèʼ fo wo terí, e dù e wo kuʼùn.

Jeremia 40:8

Amfòómé víne yú bey, e nèn dù e Mispa, e yèn Gedalia fo. Áwune‑eè dzə̀ jii, Ishmael woo wan Netania, Johanan wùn Jonatan vee wón Karea, wùn à Serayia woo wan Tanhumet, à wón Efay woo wír woó Netofàa, e bóo lì Jesania woo wír woó Maaka, wír wùn à wír véví.

Lim Aŋgàa Ntum 8:10

Wìr dzə̀m ku nèn a yuurí shúu və́, à wír ve kuʼkìné shó, a suúy jii, «Simon və̀n dzə̀ nyùy wùmòʼ wo á yoŋ ji Vitaáví ve Ghaʼán ví.»

Jeremia 8:10

Mo kí dzəə̀n ben, m wíy fo vikìy vév e wír ve səné, e fo kwáʼ sév e wír ve á wíy tòn fene, bìʼ fo wìr dzə̀m, à wo terí, à wo kuʼùn, kù sí diy a dzə̀ seʼ ŋgwaákínyé. Aŋgàa ntum Nyùy wùn aàtàá cùu, à wìr dzə̀m lò ne, a shwìv a dzə̀ kinshwìv.

Matio 15:8

« ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Esiker 33:31

Áwune lo, á wìy, e yèn wò mo wìr yii du fo wìr wùn. Wiyì, á dzə̀ʼə̀m e wò si moo wír vém, a yuurí kinyo ké, a bó á yòʼ yíi yiì kinyo ke à suuyì. Lám wóví kù dzə̀ wó kinjàŋ.

Esiker 11:1

Mo m yenen vinyo vìy bèy, Kiyoy ke Nyùy ki shúr mo é yuv, e dù sho e shùu kibùʼ keé mbìv yee fo shùy yii tó, e lò fo lav cù. Ké ru kí, m yén wír e shùu kibùʼ fèy nshòv sitàn e mbaà. E mvə̀m wìr fèn, m yén Jaasania woo wan Asur, e yèn Pelatia woo wan Benaya, wír vee abaà vin ve kù dzəə̀n vilìmbìy ve wìr veé Isray.

Esiker 8:11

Vilìmbìy veé Isray vi‑iì dzə̀ fó msaàmbà, tíy e vifá vìn ví si, a Jaasania woo wan Shafan tíy aáwuné mvəm. Wìr mòʼón mòʼón‑eè tíy, kér kikáŋ ke kilay é kiwo, a kindzə́ʼ ke kilay kí dzəm, kóʼ fo fo.

Jeremia 42:20

Vèn sí taʼ e yiì jay wo tavín, vèn dzə́n kidzə́n e kitu ke koŋ. Vèn‑eè tùm mo fo Nyùy Tàr woo Nyùy wón wùn ji m du, e mbaà wun. Wù suuy kinyo ke wù suuyin, m fèr á e vèn kidzə̀m, é vèn yii á mo kí dzəə̀n.

Jeremia 41:16

Johanan wùn aàmfòómé rər ve wùn áwune‑eè dzəə̀né nèn lì wir dzə̀m ve áwune bòyìrìn fó Gibeon, a dù sho, aá dzə̀ jii, vé rərí, e lì vikìy wùn à wóné, aàtǎr saʼa, a dzə̀ ji wir dzə̀m wo Ishmael‑iì yuyrin Gedalia, e koò fó Mispa, a dù sho ji vé sháŋé.

Aysaya 48:1

Ven vee rám Jakov, vèn yuúrí kin ki. Vèn yuúrí, ven ve á yoŋ e meŋkfəm ji Isray, ven vin ve dzəə̀n rám Juda. Vèn dzə̀ kén wír, aá lóo yiì kilìʼ, á wàa kàn a dzə̀ yír Nyùy Tàr, a vèn naarì vitú vén ji á ghvə́m Nyùy wìr veé Isray. Yii bèy, vèn kù ghvə́m wun a dzə̀ fó shuù, a bó vèn yòʼ tíy rú e wun wùn.

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

2 Afòn 25:23

Vilìmbìy ve rər vidzə̀m wùn à vé rər ve á yòʼ‑oò ló ne fò shiŋkfə́ŋe nèn lò, e yù ji fòn woó Babilon kòʼór ne a Gedalia ji taà saʼ, á nèn wìy wùn à wír véví, e tàtí Gedalia e Mispa. Vilìmbìy ve rər vin vi‑iì dzə̀ jii, Ishmael woo wan Netania, Johanan woo wan Karea, Serayia woo wan Tanhumet woó Netofa, e bóo lì Jaasania woó Maakat.

Jeremia 37:3

Fòn Tsədekiya nèn lò, e tùm Jehukal woo wan Shelemia, wùn taà cù Tsəfaniya woo wan Ma‑Aseyia, ji á du, e yèn á Jeremia woo *ŋgaà ntum Nyùy, e yòŋ sho a ji kii wun, wù kú a bùnrì a Nyùy Tàr woo Nyùy wov, ji wù sə́ á áwune.

Jeremia 41:18

bìʼ fo áwune‑eè fan wír veé Babilon. Vé‑eè fan áwune bey, bìʼ fo Ishmael woo wan Netania‑aà yuyrin ne Gedalia wo fòn woó Babilon‑eè lèmèn ji wù wáa saʼ a woŋ.

Jeremia 43:2

Mo wù màysìn, Asaria woo wan Hoshayia wùn à Johanan woo wan Karea, à vimbaa ve wìr vímóʼ ví vidzə̀m vi nèn sàyín e Jeremia wùn jii, «À bóʼti a dzə̀ kimboʼtì. Bó Nyùy Tàr woo Nyùy wor yoʼ tùm wò ji à wiy, e yòŋ ji lá vèr yòʼ dù, a dzə e Ejiv.