Jeremia 41:3 - ŊWÀʼ NYÙY

³ Ishmael‑iì yùyrí sá wír veé Juda adzə̀m ve vé‑eè dzəə̀n e Gedalia ghaŋ, e kfə̀n yùyrí sa vé rər veé Babilon ve vé‑eè dzəə̀n fó.

Jeremia 41:3 Referans Kwoze

Yòvdìy 1:2

Wù bur tóŋ vitsə́ʼ vifur, bur bèy, a mensíy mè sə́y, su sí. Vé viŋkar və́ adzə̀me dzə̀ lèn, a bó wìr wo wù shám wun yòʼ kfə̀n dzə̀. Ŋkar sə́ sidzə̀m si fiìnè ne wun, e kfə̀n ji aŋgaà və́ vibàn.

Ŋgaà Tàrvìnyò 9:18

Vifií ví bòŋ, e shaà vifá ve rər, yii bèy, wìr yúŋsi, jáy kinyo, kí bìvír vinyo vinín.

2 Afòn 25:25

Yii bèy, wìy lòo dzə e ŋwee woo saàmbà e kiya foo fèy, Ishmael woo wan Netania wìy kfə́ wùn à wíri e ghvə̀m, e ghàr Gedalia, e yùyrí. Ishmael‑iì dzə̀ wan wàn Elishama, a dzə̀ kfə́ə wón ntoʼ. Wù‑uù yùyrí Gedalia bèy, e kfə̀n yùyrí sa wír veé Juda wùn à veé Babilone, ve wùn áwune‑eè dzəə̀n é Mispa.

Jeremia 41:2

Ishmael wùn à wír vee ghvə̀m vìne nèn tùm, e yùyrí Gedalia e nyùy rə̀r, a dzə̀ wun wo fòn woó Babilon‑eè shoʼon ji wù wáa saʼ a woŋ.

Jeremia 41:4

Kishiíy kí shaà, ndzə jàv, é bo wíri yiì a gwàrìr ji á yùyrí ne a Gedalia,