Jeremia 41:1 - ŊWÀʼ NYÙY

¹ Wìy lòo dzə e saàmbà ŋwee woó kiya foo fèy, Ishmael wìy wùn à wíri e ghvə̀m, e yèn Gedalia e Mispa. Ishmael‑iì dzə̀ wan Netania woo wan Elishama, a dzə̀ kfə́ə wón ntoʼ. Yì‑iì dzə̀, é bo á wáa tòn ntoʼ, a wù dzə̀ wír wo kuʼùn é ntoʼ. Ishmael wùn Gedalia dzə̀ʼə̀m, e lòo yikír e Mispa,

Jeremia 41:1 Referans Kwoze

Jeremia 40:8

Amfòómé víne yú bey, e nèn dù e Mispa, e yèn Gedalia fo. Áwune‑eè dzə̀ jii, Ishmael woo wan Netania, Johanan wùn Jonatan vee wón Karea, wùn à Serayia woo wan Tanhumet, à wón Efay woo wír woó Netofàa, e bóo lì Jesania woo wír woó Maaka, wír wùn à wír véví.

Jeremia 40:6

Jeremia nèn dù e Mispa, e yèn Gedalia woo wan Ahikam, wùn áwune, à wír ve vé‑eè berin é nsay Judàa wáa dzə.

Nsùyrì Nyùy 41:9

Fə̀m ŋkar yem tìm kù shòʼ ne sa e mǒ bàm, ŋkar yem ye mò‑oò wayin shilív é wùn wó feyì, a vèr wun‑eè yíkir kighín kimòʼón.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Esiker 17:13

Wù‑uù ghàr wan ntoʼ wùmòʼ, e yiì, wùn wun gwár *mensaŋ, aá koó ne kfə́m sé wìr fo wòŋ sidzə̀m, e dù sho.

Jeremia 36:20

Áwune yòŋ bèy, e nèn lì kiŋkur ke ŋwàʼ kìy, e lèm e wàn lav wo yì‑iì dzəə̀n wo Elishama woo ŋgaà saŋ, e nèn dù e taa kibùʼ, e bùn fon, e fìʼtì kinyo kidzə̀m sho.

Jeremia 36:12

e nèn fəə̀, e dù e ntoʼ, e nə̀ə́ e lav yee fo ŋgaà saŋ woó ntoʼ yii dzə́, a vé sáʼa‑aà kér dzəʼə̀m fo. Vé‑eè dzə̀ jii, Elishama woo ŋgaà saŋ, Delaya woo wan Shemayia, Elnatan woo wan Akbor, Gemaria woo wan Shafan, Tsədekiya woo wan Hananiya, e lì vé saʼa adzə̀m.

Ŋgàn 27:4

Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Ŋgàn 13:10

Kiŋkoʼòrwùn kí fəər a dzə̀ kitáŋnìn, a wìr wo wù kér vifií dzə̀ wo wù yú ntir.

Nsùyrì Nyùy 109:5

Á siir vinyo vém ve juŋ vi a dzə̀ e ve bi ví. M koŋ áwune, aá kù ban mo bánen.

2 Wòŋ 22:10

Ataliya woo yìy à Fòn Ahasiya kiíy ji á yùyrí ne a Ahasiya woo wán və, wù nèn lò, e yùyrí wón ntoʼ adzə̀m vee kfə́ə fòn woó Juda.

2 Afòn 25:25

Yii bèy, wìy lòo dzə e ŋwee woo saàmbà e kiya foo fèy, Ishmael woo wan Netania wìy kfə́ wùn à wíri e ghvə̀m, e ghàr Gedalia, e yùyrí. Ishmael‑iì dzə̀ wan wàn Elishama, a dzə̀ kfə́ə wón ntoʼ. Wù‑uù yùyrí Gedalia bèy, e kfə̀n yùyrí sa wír veé Juda wùn à veé Babilone, ve wùn áwune‑eè dzəə̀n é Mispa.

2 Afòn 11:1

Ataliya woo yìy à Fòn Ahasiya‑aà yèn ji á yùyrí a ne Fòn Ahasiya woo wán və, wù nèn lò, a yuyrí kfə́ə wón ntoʼ.

2 Samuel 3:27

Abner nəə́ é Hebron, Joav kwàr wun, wùn wun dù e shùu kày moo ji wùn wun kér a visúŋnìn vee wír abaà bey, wù nèn sòv wun fo bvə̀m, e yùyrí. A wù sov bèy ji wun siir á ŋkfə́tír wo Abner‑iì yuyrin Asahel woo fə́r və.

Jeremia 39:14

nèn tùm, á dù, e lì Jeremia fo kibùʼ ke nsheèlav. Á lì, e wày e Gedalia woo wan Ahikam kiwo, wù tsəə́né, e dù sho fo laʼ, a Ahikam və̀n dzə̀ wan Shafan. Jeremia nèn dù, a dzə wùn à wír vəə́.

Jeremia 40:5

Aà koŋ, e gòʼ fèn, bo dzə̀ à wàa kfən, e yèn Gedalia wo tàr wov dzəə̀n Ahikam woo wan Shafan. Fòn woó Babilon lèm ne wun ji wù wáa saʼ ntèʼ seé Juda. Ku dù, é vèn áwune wáa dzə. Kí búŋ fó bèy, à wàa dù rì fo à kòŋèn.» Wù yòŋ bèy, e nèn fò viyíkìr sho, e kfə̀n fò wun afómo, wù wáa dù.

Jeremia 40:13

Wáa dzə e kishiíy kímóʼ kí, Johanan woo wan Karea wùn aàmfòómé rər ve á yòʼ‑oò ló ne fò shiŋkfə́ŋe wìy e Mispa, e yèn Gedalia fo,

2 Afòn 25:22

Nebukadnessar woo fon woó Babilon‑eè kòʼór Gedalia woo wan Ahikam, a kfə̀n dzə̀ wan wàn Shafan, ji taà saʼ woó Juda ji wù wáa saʼ a kibér ke wìr ke á yòʼ‑oò lo lì, e dù sho e Babilon.

Jeremia 40:7

Amfòómé rər adzə̀m wùn à vé rər ve á yòʼ‑oò ló ne fò shiŋkfə́ŋe yú ji fòn woó Babilon kòʼór ne a wan Ahikam woo Gedalia ji wù wáa saʼ a woŋ. Wù lèm ne a wir dzə̀m wo bó á yòʼ‑oò lo koò, e dù sho e Babilon e wun sar, à vilum, à vikìy, à wóné, a kù dzə̀ aghéʼncey veé nsay foo fèy.