Jeremia 4:9 - ŊWÀʼ NYÙY

⁹ Nyùy Tàr lò, e yòŋ jii, «Wíy lòo dzə e kishiíy fóo fèy, é tímé kpú fon wùn aàtǎr ntoʼo. Shilív shé atàá cù shi wíy tum, aàŋgàa ntum Nyùyi wíy a yàʼ.»

Jeremia 4:9 Referans Kwoze

Lim Aŋgàa Ntum 13:41

« ‹Ven ve á shéʼ Nyùyi yuúrí. Vèn wíy a ker gháʼ, a kpukír. M wíy yiì kinyo e věn ghan, é vèn wáa yu, e làa yòʼ a biimé.› »

Jeremia 52:7

wír vée Babilone nèn tòʼ kay yeé ŋkàlaʼ. Fòn Tsədekiya wùn à vé rər vəə́ nèn woòné vitsə́ʼə́, e fəə̀ fó ŋkàlaʼ dzə́ə fó shùu kày, e nsàn virə̀v vé kày see sibaà, e ghaa kiboo keé ntoʼ, a wír veé Babilone kì ràŋ ne ŋkàlaʼ, e tàr. Áwune tósín, a leʼ, a dù dzə́ə fó kiwoóy ké ndzəv yee Jordan.

Jeremia 37:19

Aŋgàa ntum fòne sà bèé lèn, áwune ve vé‑eè tiísi ntum Nyùy e fòn ji bó fòn woó Babilon yòʼ yíi kìʼ wun, e kìʼ woŋ və́ e rə́r sí á?

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Aysaya 19:16

Vinyo vìn vi wíy lòo koóy, é wír veé Ejivi wáa fàn fan moo vikìy. Nyùy Tàr woo Taà Mànjòŋ wíy nàn kiwó ji wun sí dzəv áwune shó, é fan ye tavíné sum áwune, aá wáa yàʼ.

Aysaya 19:3

Wír veé Ejivi yòʼ kfə̀n wíy a ker melív mé a taamé kifá sho. M kù wíy a bvəə́r antaŋ vév bvəərín. M wíy bvəə́r antaŋ vév. Bìʼ bey, aáwune nèn kù a tàʼ ntir a dzə̀ fo anyùyi, a tàʼ fo wír ve á mbaa aŋkfəə. Á wíy a dù fo vé ŋgàŋe, a dù fo wír ve á shwéŋ vinyóo.

Nsùyrì Nyùy 102:4

M dzə̀ moo jíy ye yí yumen ne, a bvəʼə́y, shuu wómé kpú fó viyikìr.

2 Afòn 25:4

wír vée Babilone tóʼ kay yeé ŋkàlaʼ. Fòn wùn à və́ vé rərí nèn woòné vitsə́ʼə́, e meè fó mvə̀m ŋkàlaʼ, e fəə̀ fó shùu kày e nsàn virə̀v vé kày see sibaà, e ghaa kiboo keé ntoʼ, a wír veé Babilone kaárí ne ŋkàlaʼ, e tàr. Áwune tósín, e lèʼ, e nèn a dù e dzəə̀ kiwòóy kee Jordan.

Jeremia 48:41

Ŋgaà vibàn wíy nəə́ ŋkà se laʼ see fó e rə́r sí, e tòn, e sàʼtì virə́ʼ vév ve tavkín ví. Melív me vé rər veé Moav mè wíy a buʼ e kishiíy fóo fèy, moo shilív shé wiíy wo wù lúmé.

Aysaya 28:19

Kúŋ wíy a fəə, a fə̀m dzə̀ é ghàn ka, é wù kú a leér ven. Ke kí dzəə̀n kí dzə̀ jii, wù wíy a fəə mo kijàvndzə ki dzəə̀n, a fəə e shùy, a fəə vitsə́ʼə́.» A vèn yù ntum rə̀n, e kìíy nsàv, bo tímé kù‑úù kpú fo věn bvə̀m.

Jeremia 2:26

«Mo shòŋ yii woóme e ghan se á koon, dzə̀ mo Isray yíi a woomé. Áwune yíi a woomé wùn aàfon véví, aàtǎr ntoʼo, e lì atàá cù vév wùn aàŋgàa ntum Nyùy vév vé kisaŋe.

Jeremia 25:34

Nyùy Tàr suuy jii: «Ven vee anshìy wìr vém, vèn wáa toŋ, a dìy. Ven ve á sáʼ wír vém, vèn wáa dzəŋrí e kibvə̀r. Ghán se á yíi seerí ven sí ghèén ne. Vèn sí yìi gbù, e bvəʼkír moo kíŋ mbóm ye tayíné.