Jeremia 4:8 - ŊWÀʼ NYÙY

⁸ Bo dzə̀ ji vèn kúr vinsàʼ ve ndzə̀y ví, a toŋ, a dìy. Nyùy kù dzəə́ shwiiy kilòŋ vèsən áwune é ŋàŋ.

Jeremia 4:8 Referans Kwoze

Jeremia 6:26

Àshè, wìr vem, vèn kúr vinsàʼ ve ndzə̀y ví. Vèn wáa dzəŋrí e kibvə̀r. Vèn wáa dìy, a səʼə́r mensíy, moó ghan se màyshó wàn tinen fo wìr koy. Ŋgaà vibàn wo wù laar ven sí lo, e sàsìn, e bvəy.

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Aysaya 32:11

Ven vee vikìy ve vèn dzə́, yí vitú, vèn wáa yàʼ. Ven ve vèn yén ji á mèé, vèn wáa fàn, é wúné wáa dzən ven dzə́nén. Vèn shóʼóy ndzə̀y sí fo věn wùn, e kùr a dzə̀ sé kpu.

Aysaya 10:4

Bó wìr yòʼ wíy a ker fóo dù, e shaà ji á kù wíy yuyrí wun yúyrín é shùu rər, kìn ji á koó wun, a sə̀ŋ, a dù sho moo vé sháŋé. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Aysaya 5:25

Bìʼ bey, Nyùy Tàr shwìíy ne kilòŋ wùn à wír vəə́. Wù‑uù nàn kóy və́ é yuv, e màʼ ŋgeʼlàʼ aáwuné kitu. Agwane‑eè səʼsì, a dzə́n sé wíri sí néŋnin e dzəə moo tóo nàʼ. Fə̀m mo vinyo vee shooy vi‑iì kooyin bey, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín móo shaà fo mbìy, a dzə̀sì ŋgeʼlàʼ aáwuné kitu.

Amos 8:10

Yòʼ jòʼsì kee shooy, m wíy bìnèr vishiíy vén vé ŋkàʼ, é ví kfə́n ji vishiíy vé kindzəə̀mè. M wíy bìnèr luŋ sén sé kisheʼrì, é sí kfə́n ji sé kpu, e yiì, é vèn kwaay vitú, e màʼ ndzə̀y sé kpu. Vèn wíy a dìy, a shèŋ kitú moo kfəə́ ye màyshó wan wov shèsìn. Kinyo kidzə̀m ke kí wíy a koóy e kishiíy fen ki kù wíy a dzə ké mendzə̀n ki.»

Esiker 30:2

«Wàn wìr msòŋ, tiísí ntum yem, e sùúy jii, ‹Ke Nyùy Tàr woo Taà Ndzə suuy kùm Ejiv ki dzə̀ á jii: « ‹Vèn wáa rəəmé, a toŋ kitávín jii, «Èhéè, mbeème kishìíy sì.»

Esiker 21:12

Wàn wìr msòŋ, á toŋ, a dìy. Nyùy rə̀n dzə̀ ye yì yíi laàr wír vém. Yì yíi laàr vilìmbìy veé Isray vidzə̀m. Á wíy tatí wùn à wír vémé adzə̀m, e laàr. Á bèy, kú a dzə̀vtì vikàkàŋ vé vi.

Jeremia 48:20

Á yíi bìnèr ji á shòór ne a Moav, fóo sáʼkír. Vèn wáa toŋ, a dìy. Vèn wáa fìʼtì e ŋguùŋè ndzə̀v yee Arnon, ji á bvə̀ʼə́y ne a Moav.

Jeremia 30:24

Dòʼshwiiy Nyùy Tàr wo ghaʼán və̀n yòʼ wíy mày, a bó wù máysí lim rə́ ye yí dzəə̀n e wun kwàʼtì. Wíy lòo dzə e vishiíy ve ví wiyì, é vèn nèn kìíy vinyo vìn.

Aysaya 13:6

Vèn wáa toŋ, a dìy, bìʼ fo kishiíy ké Nyùy Tàr kí siìn fó mentsə̀m, Kishiíy ke wun woo Ŋgaà Vitaàví Vidzə̀m wíy laàr wíri, e laàr bèn à nsay yev shó.

Aysaya 9:21

Wír veé Manassèe kù sí funèn afə́r vév vee rám Efrayim. Áwune lo, á suùsín, a ghiʼ afə́r vév vee rám Juda. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Aysaya 9:17

Bìʼ bey, Nyùy Tàr yòʼ yíi bavtí wón vév vee vilum, a bó wù yòʼ yíi rər mendzən me wón aŋkfə, a bó wù yòʼ fə̀m yíi rər me vikǐy ŋkfə vév. Dzə̀ jii, wìr dzə̀m kù sí ŋwáy yéʼéy Nyùy Tàr ŋwáyín, kù yú kinyo ji vinyo ve buʼtìn ví, suuy vinyo a dzə̀ vé kisáŋ vi. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Aysaya 9:12

Veé Siiriàa wáa wìy fo mbìv ye shùy yii tó fo fo, veé Filistiàa wáa wìy fo mbìv ye shùy yii nəə sho. Áwune tátí kitúm kee Isray, e sə̀ʼsí kidzə̀m. Fə̀m mo ŋgeʼ sìn sidzə̀m si siìn e wír veé Israyí kitu, Nyùy Tàr kù dzəə́ shwiiy kilòŋ wùn áwune, a wù dzə̀ kibáʼtín ji wun lo, e shaà fo mbìy, a dzə̀sì ŋgeʼlàʼ aáwuné kitu.

Nsùyrì Nyùy 78:49

Wù‑uù shwìíy kilòŋ wùn áwune é ŋàŋ, e yiì, á yútí, e yù mo dòʼshwíiy və koó. Wù báʼtí ŋgeʼ ye biibí, e màʼ aáwuné wùn, yì wìy moo nsheèlav se Nyùy se sí loòn ntum ji sí li áwune, e lì, e dù laàr e kisəə.

Kintaŋ 25:4

e sùúy e Mooser jii, «Lì wír ve á tíy mbìy e kinyò fène, e sə̀ŋ áwune é ŋgèŋgèr e Nyùy Tǎr si, é dòʼshwíiy wom tsəʼ wún fo wír veé Israyí wùn.»

Yòvdìy 1:12

Wù kfə̀n tóŋ jii, «Ven vee anshaàdzəə̀, kinyo kìn ki yoʼ kùm ven gheéy a? Vèn ku lèéy, e yèn, ŋgeʼ si dzə̀ shó moo sém á? Ŋgeʼ se sí gbuùn e mǒ kitu. Ŋgeʼ se Nyùy Tàr shwiiyin kilòŋ, e màʼ e mǒ kitu.

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Jeremia 25:34

Nyùy Tàr suuy jii: «Ven vee anshìy wìr vém, vèn wáa toŋ, a dìy. Ven ve á sáʼ wír vém, vèn wáa dzəŋrí e kibvə̀r. Ghán se á yíi seerí ven sí ghèén ne. Vèn sí yìi gbù, e bvəʼkír moo kíŋ mbóm ye tayíné.

Mayka 1:16

Éè wìr veé Juda, vèn kwaay vitú vi, a dìy wón véné. Á sí lo, e lì áwune ve dzəə̀n ji melív men féyì. Vèn ku kwaày vitú vi, é ví feésí moo kitú ke kilùŋŋgùrúʼ. Á sí lo, e kuúy wón fo věn ghaŋ, a dù sho e kwaʼ nsàm.