Jeremia 4:7 - ŊWÀʼ NYÙY

⁷ Ŋgaà wo wù wiy ji wun bvə́ʼə́y vitúm fəə̀ ne, a wìy. Wù wiy moo bvərə̀ʼ wo wù fəən fo wun kileèmè. Wù màʼtì ne kirə́ʼ kfə́, a wìy ji wun laar nsay yen. Ŋkà se laʼ sén sí lo, e kfən e vifə̀m, é la wìr yòʼ dzə́ə a kùm fo.

Jeremia 4:7 Referans Kwoze

Jeremia 5:6

Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Jeremia 2:15

Abvərə̀ʼə́ nyam wun, kokìr feyì kitávín. Á laàr ne woŋ wóv, a ntèʼ sí sì sisaʼtìn, a bó kifá ki yòʼ kum sho.

Aysaya 6:11

M nen dzə̀r e Nyùy Tàr jii, «Nyùy Tàr, kí wíy koóy bèy, e dù, e meé e le?» Nyùy Tàr bínér e mò jii: «Kí kù wíy a dzə bèy, e meé mo ŋkà se laʼ seé Isray si wíy dù e vifə̀m, a tiynín kisáŋ, a wìr yòʼ dzəə́ kum fo, e meé mo lav sév sí wíy kwiíy, a wìr yòʼ dzəə́ shiiy sho, a nsay sí tíy kisáŋ ji ŋkfə̀ŋkìkì.

Aysaya 1:7

Á màʼày ne kitúm kén, kí kfə́n é vifə̀m, aàŋgaà vén vibàné tòn ne ŋkà sén sé laʼ. Áwune kù sí káv vifá fo věn sum sí, yí e věn si. Vitúm ve sən ví sə̀ʼsí ne viyíkìr fo věn nsay, e bìvír nsay yen.

Daniel 7:4

Nyam mbìy‑iì shwínin bvərə̀ʼ, yii bèy, a yì kér vav moo sé lùŋ wo wiy. M kú a leéy, e lòo leéy, e yèn, aá shóʼtí vav sə́, e nàn fo nsay, yì tiím e wun shwin moo wír, a ker vifií moo wír.

Jeremia 50:17

Nyùy Tàr suuy jii: «Wír veé Israyi dzə̀ moo njiì wo abvərə̀ʼə́ jùmèn, wù táʼrí. Wìr mbìy wóo kèʼ, a laàr áwune‑eè dzə̀ fon woó Assiriya. Fòn Nebukadnessar woó Babilon nèn màysì, e bvə̀ʼə́y.

Jeremia 25:9

bo m yíi tsənsí vitúm veé mbìv yee kuy wùn à kilìmbìy kév kee Nebukadnessar, wo dzəə̀n fon woó Babilon, a wù dzə̀ ji ŋgaà lìm wom. M yíi tsənsí, aáwune wiy, e kìʼ woŋ wón e rə́r sí, e tatí wir dzə̀m wo wù dzə́ fo, à vitúm vidzə̀m ve ví kaarin fó vi. M yíi bvəʼə́y fó ŋkuuŋkùŋ, é fóo wáa beemé, wíri lóo leéy, aá wáa ndzəə, é vèn wáa dzə kifá ke nshéʼmé ki, e wìy dù, e mày. Suuy mo woo Nyùy Tàr.

Jeremia 49:19

Á yuúrí, e yù, m wíy sàsìn, e bvəy, e taʼár wír veé Edom, kù moo bvərə̀ʼ wo wù fəən fó kòv woó Jordan, e dù, e taʼár njiì fo jiy, aá sám fo áwuné nsay. M yii bèy, é m nèn shòʼ wír wo kòŋèn mo, e lèm ji kilìmbìy kév. Wìr woo moo mo dzə̀ la? Wìr wo a dzə̀ vèr wun tàm dzə̀ la? Kilìmbìy ke a dzə̀ kí kàr kinyo kém kí dzə̀ la?»

Jeremia 34:22

Vèn yuúri yù, m wíy fo sáʼ, é vé rər veé Babilone kfə́n, e nə̀ə́ ŋkàlaʼ rə̀n e rə́r sí, e sùm fó, e tòn e və́yí. M wíy laàr sa ŋkà se laʼ seé Juda, é fóo du é vifə̀m, é la kiŋkwir ke wìr ki yòʼ a kùm fo. Suuy mo woo Nyùy Tàr.»

Jeremia 33:10

Nyùy Tàr suuy jii, «Mo wíri yoŋ ji kirə́ʼ kin ki lày ne kisáŋ, a bó wíri, kìn nyám si yòʼ dzə̀ fó, dzə̀ rú. Ŋkà se laʼ seé Juda wùn à dzə́ə seé Jerusalem si dzə̀ lèn ji làykìsáŋ kirə̀ʼ, bó wíri kìn nyám si yòʼ kum fo. Yii bèy, aá kù kfə̀n wíy a yu

Jeremia 26:9

Yiì ka, é bo à wáa fìʼtì ji Nyùy Tàr yoŋ ji lav cù rə̀n yíi a dzə moo Shilo, é ŋkàlaʼ rə̀n du é vifə̀m, a dzə là wír?» Wìr dzə̀m nèn lò, e gìm Jeremia e maàndzə yeé lav cù, e kaàrí, e tàr.

Jeremia 25:38

Nyùy Tàr fəə̀ ne mo bvərə̀ʼ fəə̀ fo wun kirə̀ʼ ké kilìr, a woŋ wóví kù sí lo, e lày làyìn, bìʼ rə́r se aŋgàa vibàné lo, e nəə́ áwune shó, a dzə̀ bìʼ dòʼshwiiy Nyùy Tàr.

Aysaya 5:9

M yù ne, a Nyùy Tàr woo Taà Mànjòŋ suuy kiránén, liʼ jii, «Rúrú, lav se vé kifàʼa kùvrìn sin si yíi kfən e vifə̀m, é lav se á bomen sikuʼkìn, a sí kiʼ sijuŋ si kú a tiynín kisáŋ kisáŋ.

2 Afòn 24:1

Fòn Jehoyiakim kú a saʼ bèy, Nebukadnessar woo fon woó Babilon nèn lò, e nə̀ə́ rə́r é Juda, Fòn Jehoyiakim fó shiŋkfəŋ, e nèn a yu sáʼ a dzə̀ fo wun. Wù kú a yu sáʼ bèy, wáa meé e bǎm viya vitaár, wù bvə̀rkìr, e tàv kitú.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.

Jeremia 50:44

«Á yuúrí, e yù, m wíy sàsìn e bvəy, e taʼár wír veé Babilon, aá sám fo áwuné nsay, kù moo bvərə̀ʼ wo wù fəən fó kòv woó Jordan, e dù, e tàʼár njiì fo jiy. M yii bèy, é m nèn shòʼ wír wo kòŋèn mo, e lèm ji kilìmbìy kév. Wìr woo moo mo dzə̀ la? Wìr wo a dzə̀ vèr wun tàm dzə̀ la? Kilìmbìy ke a dzə̀ kí kàr kinyo kém kí dzə̀ la?»

Jeremia 27:8

« ‹Yii bèy, a kitúm kee shó, kìn woŋ woo shóo lòo dzə, e tèn fó a lìm fo Nebukadnessar woo fon Babilon, a yiì mo sáʼ rəə́ taʼà, bo m lo, e màʼ ŋgeʼ fo. Rə́r sí yíi nəə́ fo, é jìŋ koó, é kifə̀ʼ ki wiy, e meé mo m yíi màʼtì Nebukadnessar, é wù laar fó ŋkuuŋkùŋ. Suuy mo woo Nyùy Tàr.

Jeremia 9:11

Nyùy Tàr suuy jii, «M yíi yiì, é Jerusalem kfə́n é vikfər vikfər, e dù ji kirə́ʼ kee fo kuúrá yii shiiyì. M yíi yiì, é ŋkà se laʼ seé Juda si kfə́n ji vifə̀m. Kirə́ʼ ke bó wìr yòʼ yii dzə́ fo.»

2 Afòn 25:1

Tsədekiya nèn wìy lò, a tav kitú fo Fòn Nebukadnessar woó Babilon. Á bèy, wáa dzə, a wù sí sáʼ ji kiyá bvə̀ʼə̀, Nebukadnessar wùn à vé rər və́ adzə̀me nèn wìy e kishiíy kee ghvə̀m fo ŋwee woo ghvə̀m, a nəə́ Jerusalem e rə́r sí. Á tám kiláʼáy kév é ghaa ŋkàlaʼ, e nèn ràŋ kay, e kaàrí ŋkàlaʼ sho ye yòʼ dzə̀ wìr fəə̀.

Jeremia 4:29

Vé nyàm se ŋkoʼ wùn à vé kintee yíi koʼór ŋkèŋ, é wíri sám fó ŋkà se laʼ sidzə̀m. Aámóʼó léʼ, e tòkír e kòv sí, aámóʼó kóʼ é vilála. Ŋkà se laʼ sidzə̀m si yíi kfən sighá, é la wìr yòʼ kfə̀n a dzə fo.

Jeremia 22:7

M yíi tsənsí wíri, aá bvə́ʼə́y fó, wír wùn à vifá və́ vé lìm vi. Á yíi shètì vitóm vee *sidar vee fó, e lì, e màʼ e və̀y.

Jeremia 44:2

Ntum rə̀n‑eè dzə̀ jii, Nyùy Tàr woo Taà Mànjòŋ, wun woo Nyùy wìr veé Isray suuy a jii, «Vèn yèn ne ŋgeʼ se tavkín sí sidzə̀m se m màʼàn é Jerusalem, e màʼ e ntèʼ seé Juda si sidzə̀m. Vèn leéy, e yèn, fóo sì é vifə̀m, e wìy shem lán, a bó wìr yòʼ dzə́ fo,

Esiker 12:20

Ŋkà se laʼ se wíri‑iì dzəə̀n shó nyanyày si wíy a tiy e vifə̀m, é nsay kfə́n ji nsay ŋgaŋ. Kfə́né, aáwune nèn kìíy ji m dzə̀ á Nyùy Tàr.› »

Esiker 21:31

M wíy màʼ dòʼshwíiy wom e wò kitu. M wíy fam wò e və́y dòʼshwíiy womé, e way wò e wír tàkìŋàʼá wo. Wír, aá táŋ ne mo á yii laar wír, e màysì.

Esiker 32:2

Wù yòŋ jii, «Wàn wìr msòŋ, màʼ lúŋ kpuu, a dìy, a taŋ Farao woo fon woó Ejiv sho, a yòŋ jii: « ‹À lì kitú ké ji bvərə̀ʼ e vitúm ví nsàn, yii bèy, aà dzə̀ kigàgǎʼsòŋ é rìbà ndzə̀v. À wur ndzə́v yé fo à dzə́, tov kishaʼàr e wuú yée, a ndzə́v sí tsəʼə̀mè.›

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.

Cù 26:33

Fo kén kí, m wíy taʼár ven, é vèn sáŋrí e vitúm vímóʼ ví nsay, é m kfə́n a ròn wúu yén e rə́r sí. Woŋe siiy bèy, é wú nèn dù e vifə̀m, é ŋkà se laʼ sén si kerkir.

Jeremia 8:16

E ké ru kí, nyám se ŋkoʼ se aŋgàa vibàn vér sí sì, a sí yoysìn fo mbìv Dan. Lúm sév sé nyàm si tóŋé, virə́ʼ ví sə̀ʼsì. Aáwune sí nəə, e fòr nsay yer, e fòr kifá kidzə̀m ke kí dzəə̀n shó. Á sí nəə, e fòr ŋkà se laʼ sér, à wìr dzə̀m wo wù dzə́ fo.

Jeremia 22:6

Kinyo ke Nyùy Tàr suuy kùm ntoʼ Juda ki dzə̀ jii: «Yì yaáne fo mò moo nsay Gilead, rəsìn moo Gwan Lebanon. Yii bèy, a m yíi siìr fó ji wóʼ. Fóo yíi kfən ji ŋkàlaʼ yee là wír.

Jeremia 46:18

Nyùy Tàr woo Taà Mànjòŋ dzə̀ Fon. Wù suuy jii, «Mo m dzəə̀n shó e tin, ŋgaà vibàn yíi nəə́ ven, a wù dzə̀ moo Gwan Tabor, wo wù somen, e shaà agwan, e kfə̀n a dzə̀ moo Gwan Karmel, wo wù jáʼ e kitu ke rìbà ndzə̀v.