Jeremia 4:6 - ŊWÀʼ NYÙY

⁶ Á túy á cícíwàr, é wú wáa dìn dzəə Sion. Á wáa nyeŋ, e fíʼ bòy, lá wìr yòʼ a tiytíy. M wiy e mbvəərì fo mbìv yee kuy. Ŋgeʼ ye tavín yíi gbù.› »

Jeremia 4:6 Referans Kwoze

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Jeremia 51:27

Á fəə́r sáʼ, é yí du é vitum, e tòŋ sóŋé, é yí ghánén fó e dzə̀m. Á báʼtí vitúm, é ví taámé Babilon e rə́r sí. Á bí Ararat wùn à Minni, à Ashkenas, aá nəə́ fó. Á shóʼ mfòómé wo wù li vé rərí, e nə̀ə́ sho fo, e tsə̀nsí nyám se ŋkoʼ fo nyanyày moo ŋguùmé bey.

Jeremia 51:12

Á fó sáʼ, aá bvə́ʼ virə́v vé kày yeé Babilon. Á dzəsi vé shìyi, aá sə́tí fó sətín, e lèm ámóʼó é virə̌ʼ virə̀ʼ, aá kóʼ ŋkiy, e kfə̀n lèm sa ámóʼó, aá laáy laayín é virə̀ʼ. Nyùy Tàr kù yíi yiì kinyo ke wù‑uù wayin ji wun yii. Wù kù yíi lovtí e wír veé Babilone mo wù‑uù yòŋèn.

Jeremia 25:9

bo m yíi tsənsí vitúm veé mbìv yee kuy wùn à kilìmbìy kév kee Nebukadnessar, wo dzəə̀n fon woó Babilon, a wù dzə̀ ji ŋgaà lìm wom. M yíi tsənsí, aáwune wiy, e kìʼ woŋ wón e rə́r sí, e tatí wir dzə̀m wo wù dzə́ fo, à vitúm vidzə̀m ve ví kaarin fó vi. M yíi bvəʼə́y fó ŋkuuŋkùŋ, é fóo wáa beemé, wíri lóo leéy, aá wáa ndzəə, é vèn wáa dzə kifá ke nshéʼmé ki, e wìy dù, e mày. Suuy mo woo Nyùy Tàr.

Jeremia 6:22

Nyùy Tàr suuy jii: «Vèn leéy, e yèn, mànjòŋ wiy fo wòŋ kùyi. Kitúm ke wiy kí bàʼtí ne rə́r, a mèʼèm, a wìy fo ndzəywoŋ.

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Jeremia 4:21

M kù wíy gòʼ, a yen cícíwàr rər vən, e gòʼ, a yu kiléŋléŋ ké sǒŋ rər kin bèn, e dù, e meé e le?

Aysaya 62:10

Wír veé Jerusalem, vèn fəə́ ŋkàlaʼ yen, e nàŋsín dzə́ə ye wír véné wáa kfən sho fo kwaʼ nsàm. Vèn náŋsín virə́ʼ ve ví birin é dzəə ví vidzə̀m, e tsə̀ʼ tíyí fó fo. Vèn navtì, á kòʼór cícíwàr, é vitúm vidzə̀m vi yén.

Tsəfaniya 1:10

Wíy lòo dzə e kishiíy kee shooy, é tóŋe wáa koʼ fo shùu kày wo á yoŋ ji wó sə. Shirəə́ shi wíy a koʼ fo mvə̀mlaʼ ye fíy, aá wáa yu kiléŋléŋ ké lav se sí keesì fo gwan. Suuy mo woo Nyùy Tàr.

Jeremia 51:54

«Vèn yuúrí, e yù, tóŋe sí kóʼ fo Babilon. Á sí laar ŋkàlaʼ Babilon e dzəə ye biibí, a léŋe kóʼ fo nsay foo fèy.

Jeremia 50:22

Á yú á mo léŋ rərí sí kóʼ fo wòŋ foo fèy, ŋgeʼ ye tavín nə̀ə́ ne fo.

Jeremia 21:7

M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Jeremia 18:11

Á bèy Jeremia, bo dzə̀ lèn ji à yoŋ e wír veé Juda wùn à ve á dzə́ e Jerusaleme ji Nyùy Tàr suuy a jii, ‹Vèn leéy, e yèn, m sí siysì ŋgeʼ ye m lo, e kìʼ ven shó, báʼti mo m lo, e nəə́ ven shó. Wìr mòʼón mòʼón kú a kuvsín liì və, a màʼtì liì və wo bi, e màʼtì yíi kisaŋe.›

Jeremia 22:7

M yíi tsənsí wíri, aá bvə́ʼə́y fó, wír wùn à vifá və́ vé lìm vi. Á yíi shètì vitóm vee *sidar vee fó, e lì, e màʼ e və̀y.

Sekariya 6:6

Wú kù lò fo Nyùy si lèn bèn, a kiténtén ke nyám se ŋkoʼ se sənér sí səŋè ki du e Babilon, e mbìv yee kuy, a ke nyám se ŋkoʼ se fəvír sí səŋè ki du e mbìv yee fo shùy yii nəə. Ké nyàm se ŋkoʼ se sí shomkìr, fəə́si ki du kfə́ é mbìv yee tsə́n.»

Jeremia 10:22

Vèn yuúrí, e yù, léŋe sí wiyì, ŋkfə̌n vé rərí keèmè ne, a wìy fo vitum veé mbìv yee kuy. Á sí lo, e bvəʼə́y ŋkà se laʼ seé Juda, é fóo kfə́n ji kirə́ʼ ke yii dzə́ kuúrá shó.

Esiker 9:1

Nyùy Tàr lò, e sùŋnín kitávín, m yú a wù yoŋ jii, «Ven vee anshìy ve á lo, á tsəə̀né wír e kisəə, vèn fəə́kír fen. Wìr wáa fəə e kifá kfə́ ké kileemé kí kiwo.»

Esiker 9:2

Wíri meékír ntuùfú fó shùu kibùʼ keé mbìv yee kuy, e lò fo lav cù, a wìr mòʼón mòʼón kù kér kifá kfə́ ké kileemé é kiwo. Wùmòʼ wáa dzə fo, a wù máʼ ndzə̀y, a sí dzə̀ ji lèvrì lèvrì, kér mbvə̀ʼə̀r vifa ve á sáŋ ŋwàʼ sho. Áwune nèn wìy, e tìím e ghaa kiy cù woo kisha kee *brons.