Jeremia 4:5 - ŊWÀʼ NYÙY

⁵ «Á wáa dù, e tòŋ sóŋ, é yí ghánén woŋ e dzə̀m. Á wáa fìʼtì e Juda, e kfə̀n fùŋ sá e Jerusalem ji Nyùy Tàr yoŋ a jii, ‹Á báʼtí, a nyeŋ, a dù e ŋkà se laʼ see vikum.

Jeremia 4:5 Referans Kwoze

Jeremia 8:14

Wíri wíy a kàn ndzə jii, «Vèsən dzə́, yii ka fen? Vèsən báʼtí, a nyeŋ, a dù e ŋkà se laʼ see vikum, e kpù fó. Nyùy Tàr woo Nyùy wòsən shòv ne vèsən, e fò e kpúu. Wù nòór vèsən e mendzə́v mè, a ndzəʼ dzə̀ shó. A kù dzə̀ bìʼ fo vèsən yiìn ne kibí e wun.

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Joshua 10:20

Joshua wùn à vé rərí ku nèn a gwàtì wír veé Amor gwátin, e meé mo vé‑eè laàrìn áwune ŋkuuŋkùŋ. Yii bèy, ámóʼó ku yòʼ lèʼkír, e jeètí, e nə̀ə́ aáwuné ŋkà se laʼ.

Hosea 8:1

Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Amos 3:8

A bvərə̀ʼ lò, a nyàmkìr, bo wìr wo a dzə̀ wù wàa dzə là fan dzə̀ la? A Nyùy Tàr woo Taà Ndzə lòo dzə, e sùŋnín, bo wìr wo a dzə̀ wù tèn fóo lò ntum rə dzə̀ la?

Amos 3:6

Aá tòŋ sóŋ rər é ŋkàlaʼ, la wír vee fóo yòʼ a fàn à? A dzə̀ kinyo ke tavín kí kòóy é ŋkàlaʼ, a bó yií Nyùy Tàr á?

Jeremia 35:11

Fòn Nebukadnessar woó Babilon‑eè nə̀ə́ rə́r é wòŋàn, vèr nèn yèn ji ghèén, é vèr lo, e dù, e beè e ŋkàlaʼ Jerusalem, e fíʼ leʼ a vé rər veé Babilon wùn à veé Siiriàa. Vèr ku nèn gòʼ, a dzə e Jerusalem fèn.»

Jeremia 11:2

«Yuúrí ntò se *mensàŋ mem mè, e naàrì e wír veé Judàa wùn à veé Jerusaleme.

Jeremia 9:12

M nèn dzə̀r e Nyùy Tàr jii, «Nsay yèe, e bóo bir, e kfən e ghá moo wóʼ, a bó wìr yòʼ kfə̀n shaa fo? Dzə̀ la wo wù kér vifií vée kiíy kinyo kìn? Nyùy Tàr, à naàrì kinyo kìn a dzə̀ e la wo dzə̀ wù sùúy e wíri?»

Jeremia 5:20

Nyùy Tàr kfən sùúy jii, á ku sàmèr a sáʼ e rám Jakovi e dzə̀m, e fìʼtì e wír veé mbìv Judàa ji wun suuy a jii,

Kintaŋ 10:3

Á wíy lòo toŋ sóŋ yee baà e dzə̀m, bo dzə̀ ji màŋgòŋ woó Isray e dzə̀m ku bàʼtí e wò si e shùu *kibàn ké ntàsín.

Esiker 7:14

Á tòŋ ne sóŋ, e bàʼtí, e taàmé rə́r, yii bèy, a bó wìr wo wù‑úù du é shùu rər yòʼ dzə̀, bìʼ fo dòʼshwíiy wom siìn e wìr dzə̀m kitu.»

Joel 2:1

Vèn tóŋ sóŋé é Sion. Vèn búʼ shirəə́ shi e mǒ gwan wo ranén. Wìr dzə̀m wo wù dzə́ e nsay Juda wáa yàʼ, bìʼ fo kishiíy ké Nyùy Tàr kí sí wiyì, a kí sí méʼ fo mentsə̀m.

Kintaŋ 10:2

«Fèr sóŋé e baà e *kisha ke mbàm ke fəvír, ke á dzə̀vtìn kí. Á wíy a toŋ sóŋ é ghan se á báʼti wír veé Isray, a toŋ e ghan se wír veé Israyi sí yiì a ŋaʼáy, a dù.

Aysaya 28:19

Kúŋ wíy a fəə, a fə̀m dzə̀ é ghàn ka, é wù kú a leér ven. Ke kí dzəə̀n kí dzə̀ jii, wù wíy a fəə mo kijàvndzə ki dzəə̀n, a fəə e shùy, a fəə vitsə́ʼə́.» A vèn yù ntum rə̀n, e kìíy nsàv, bo tímé kù‑úù kpú fo věn bvə̀m.