Biblia Todo Logo
Bib sou entènèt

- Piblisite -




Jeremia 4:4 - ŊWÀʼ NYÙY

4 Ven vee wír veé Juda wùn à ve á dzə́ e Jerusaleme, vèn kú a tiy a dzə̀ e mǒ *mensàŋ me m gwàrìn vèsən. Vèn su melív men mè, é mè wáa tiy e mò woo Nyùy Tǎr wùn. Là bey, bo dòʼshwíiy wom yíi koʼ moo və́y, a dzə̀ bìʼ vinyo vén ve bi ví, lóo tòn ven, é la wìr wóo ndzəmér yòʼ a dzə.»

Gade chapit la Kopi




Jeremia 4:4
36 Referans Kwoze  

«Kí nén a dzə jii, kèʼ fo lèn, vèn kú a yunín a dzə̀ Nyùy Tàr, e làa yòʼ dzə́ə a tav kitú,


Mo vèn áwune tatin, wù nen nàŋsín ven ji wír Nyùy. A bó wù yoʼ nàŋsín ji wun səə̀m a dzə̀ wún fó ndzə mo wír veé Judàa yii səəmè. Kristu nàŋsín kfə́ a dzə̀ shilív, la shí yòʼ dzəə́ a tiy e vinyò ve mensə́ mè taʼà.


Nyùy Tàr woo Nyùy won wíy naŋsín melív men, e naŋsín me ŋgwàʼ sén, e yiì, é vèn wáa kòŋ wun shilív shidzə̀m, e fo kitú kén shó, e wìy bonén, e shiíy.


Kù dzə̀ jii, wír veé Ejiv, à veé Judàa, à veé Edome, à veé Ammone, à veé Moavi, à wìr dzə̀m wo wù dzə́ e kirə̀ʼ ké woʼ kí, wo á kèŋrìn kitú kfə́ fó mbìy, áwune kù dzə̀ ben, á sàŋ mbèʼ sév, aá náŋsin a dzə̀ wún. Wír veé Israyi wáa dzə adzə̀m feyì, a melív mev mè kù dzə̀ ben là náŋsín.»


Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.


Ven vee rám Joosev, vèn ku kfə̀n é bàm e Nyùy Tǎr wùn, e wìy lùŋ. A vèn tèn, bo wù yíi wìy moo və́y wo wú mey virə́ʼ, e tòn ven, e səʼsí, a bó wìr yòʼ yíi a dzə e Betel wo a dzə̀ wù ndzə̀mér.


é bo kishiíy ké Nyùy Tàr kí wáa wìy. Kishiíy, ke wù wíy dìn dòʼshwíiy və wo tavín. Kishiíy, ke wù wíy màʼ ŋgeʼ e věn kitu, e feér ven mo shwéri fèér mvə́y.


E ké ru kí, mo m dzəə̀n Nyùy Tàr woo Taà Ndzə, a m dzə̀ shó e tin, m suuy e vèn jii, ‹M kù wíy a dzə Fon won, a neèr tásháʼ, a saʼ ven e vitaáví vém ví vidzə̀m.


«Jerusalem, à yiì ne liì visàkì, e lì *kifàn. M mùm ne feyì ji à maʼti á liì joònè visàkì, e fíʼ ran, à gháʼ. Bó yòʼ kfə̀n dzə̀ à ràn, a bó m máysí dòʼshwíiy wom wo wù koʼon, e kfə̀tì e wò kitu.


Kilòŋ ké Nyùy Tàr kí‑iì shwìíy, e tònén, wù dìn dòʼshwíiy və wo tavín. Wù‑uù màʼ və́y é Sion, fóo bò, à kinsə̀ŋ ki shó.


M ku nèn màʼtì mensə́ mèn e vilan e ŋgèŋgèr, e làa yòʼ sətí. M lóo yen, é dòʼshwíiy wom wáa koʼ, é m fiʼ siìr ŋkfə́tír.›


M yíi dìn dòʼshwíiy wom e wò, e laàr wò e kpúu, áà kiíy mo shií wo m kíyri wò dzəə̀n.


Bìʼ bey, m lo, e dìn dòʼshwíiy wom aáwuné kitu. Bó m yòʼ lo, e leéy, e bavtí, a bó m yòʼ yíi a rər mendzən mev. Aáwune fèn tòŋ e mǒ vitùʼùr, a waamé waamén, bo bó m yòʼ yíi yuurí.»


Ve á dzəə̀n kwaʼdáa wíy kpu wó kifə̀ʼ, é ve á dzəə̀n fó ghaŋe kpú é shùu rər, é kibér ki kpú jíŋ e mvə̀m ŋkàlaʼ, a rə́r sí sə́tí ne fó. Á mo m wíy yiì aáwune bey, é bo dòʼshwíiy wom may.


À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»


Vèn leéy, e yèn dòʼshwiiy Nyùy Tàr. Wù kòʼ ne moo kinsəm, a wìy moo kiìkir wo biibí, a wù lo, e shùʼùy e vé yìi kisaŋé kitu.


Mómò kitú kém, mo kí nyarin mo é ŋàŋ, dòʼshwíiy wom kóʼ, m yíi fùnèn ven vitaáví vém vidzə̀m.


Wír veé Jerusalem, vèn lo é yuv, vèn lokir é yuv. Vèn ŋáʼáy, e tìím e yuv, e yìmrì vitú vén ví. Vèn nò ne bàr ŋgeʼ wo dòʼshwiíy kivin Nyùy Tàr, wù fó ji vèn nó. Vèn nò ne, à kidzə́ŋ kí shó, e lò, a tùŋkìr.


bo m yíi shwiíy kilòŋ ke biibí kí, e shwivír ven, e dzə̀sì ŋgeʼ e věn kitu, é sí foy, e shaà sé mbìy si kàŋ saàmbà, kù bey, bìʼ vinyo vén ve bi ví.


M kù yíi a kwaʼtí sa wó yém e dù, e meé mo dòʼshwíiy wom‑ee rəsin. Suuy mo woo Nyùy Tàr.»


Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?


«Dòʼshwíiy wom wíy baarí ji və́y. Wú wíy tòn kifá kidzə̀m ke kí kúyí, e tòn bèn, e dù, e meé e loònsay. Wú wíy tòn kifá kidzə̀m, a kinsə̀ŋ ke agwan ki wíy bò.


Kí nén a dzə jii, a vé‑eè lì ne wò e liì woó Juda, e sàŋ *mbèʼ ji à sì wir Nyùy, bo à kù kér fó a lèm sa nsər Nyùy, é bo wù wáa yen náŋsín yee shooy ji kinyo. Là bey, bo yí lày kisáŋ.


e yiì, m méŋ sá áwune, e tsə̀nsí aàŋgaà vév vibàné nsay, aáwune fen tuùné bèy, e kùvsín melív mev, e biìmé ji ŋgeʼlàʼ yev dzə̀ á bìʼ vinyo vév ve bi ví,


Nyùy Tàr woo kikaʼày keé Isray wíy wìy e njà və̀y, e tòn áwune. Wun woo Ŋgaà wo Ranén woó Isray wíy a dzə ji kiliímé ke və̀y. Wù wíy lò kishiíy kimòʼón, e laàr Assiriya, e laàr à vimbìn ví, à vitiír vé njoŋ vi, é ví kfə́n ji kiyúy.


Rúrú, e kèʼ fo yàŋgùʼ, Nyùy Tàr‑iì bàʼtí ne kirə́ʼ kee fo á wíy tòn dzə́n fòn. Wù tùŋ ne kíy, wú fáŋ, e kfə̀n shoò, e fiì meŋkaʼ sho, və́yí wáa shwi, a bò. Kiyoy ke Nyùy Tàr kí dzə̀ moo kiliímé ke və̀y, a kí wíy sə̀ʼ meŋkaʼ mèn, é mè wáa shwi.


Nyùy Tàr kfə́n a suúy jii, «Á yuúrí, e yù, kishiíy kí wíy gheén, é m maʼ ŋgeʼ e wìr dzə̀m wo á sáŋ mbèʼ sə́ ji á náŋsin a dzə̀ wún.


Mo bó yòʼ‑oò dzə̀ Nyùy Tàr wàa kòmèr liì won kisaŋ wùn à vinyo ve joònè ve vèn yii, nsay yen nèn lày kisáŋ, a dzə kinjúm, e kfə̀n ji kifá ke liy ki, a dzə là wír, kù mo yì dzəə̀n lán və̀n.


Vèn màʼtì ne ambuʼŋgàŋ, á nəə́kír e mǒ lav cù. Wír vìn, a bó á yoʼ sàŋ mbèʼ sév, a bó melív mev mè yòʼ tíy e mǒ wùn. Vèn máʼtí, á wáa wìy e kirə̀ʼ fo vèn yii cu sém e fóm se nyàm si, à mensə́ mè, e nèn bìvír kirə́ʼ kém ké cù. Vèn shòʼór ne *mensaŋ me mò‑oò gwàrìn vèsən, e nèn dzə̀sì jay və̀n e kitu ke joònè wo vèn yii e dzə̀m.


Wír veé wòŋàne màʼày ne mo, a tòn kiláy, a cù anyùy sho, a ŋaʼár dòʼshwíiy wom e mebvə̀m me áwune fèrìn e wó yéví. Á bèy, m yíi lovtí e woŋàne mo dòʼshwíiy wom dzəə̀n, a wù baári moo və́y, a wìr wóo ndzəmér yòʼ dzə̀.»


M wíy yiì, é vèn wáa rèŋ vikwàn fo aŋgaà vén vibàné e wòŋ wo vèn yòʼ kiìn. Dòʼshwíiy wom yii kóʼó, wù wàa baarí moo və́y, e làa yòʼ a ndzəmén.»


Swiv nou:

Piblisite


Piblisite