Jeremia 4:3 - ŊWÀʼ NYÙY

³ Nyùy Tàr nén a suúy e wír veé Juda wùn à veé Jerusaleme jii: «Vèn lim kwáʼ sén se sí tíy là lim si. Lá vèn yòʼ wày kiŋgway e kighìn.

Jeremia 4:3 Referans Kwoze

Hosea 10:12

Vèn yú ke m suuy ki. Vèn ku wày ŋgoòy liì wo juŋ, é vèn yiì kàv koŋ ye m koŋ wíri. Vèn shev nsay ye dzəə̀n shilív shén she tavín shin shi, bìʼ fo lèn siìn ghán se vèn lo, e bìnkìr, e kfən fo Nyùy Tàr. Kfə́né, é wù yii vinyo vee réŋ ví e vèn, e səə̀vì ven.

Ŋwàʼ Luk 8:14

Ŋgoòy ye yì tumkin é mvə̀m vikwìíy wáa dzə wír ve á yú kinyo ke Nyùy, lóo bìn ndzə̀m, á nèn a yaŋrí a dzə̀ vifá, a tàʼ vikuʼùy, a kòŋ fó a yi a dzə̀ vitú. Kinyo ke Nyùy ki nèn lày kisáŋ aáwuné meliv.

Ŋwàʼ Luk 8:7

Símóʼ see ŋgoòy si túmkír é mvə̀m vikwìíy, e wìy fəə̀, vikwiíy ví kúy, e sə̀tí, vifá vee shooy vi saásí.

Matio 13:7

Símóʼ see ŋgoòy si túmkír é mvə̀m vikwìíy. Vikwiíy ví kúy, e shaàsìn, vifá vee shooy vi saásí, e làa yòʼ dzə́ə wayrí.

Maak 4:7

Símóʼ see ŋgoòy si túmkír é mvə̀m vikwìíy. Vikwiíy ví nèn kùy, e shaàsìn, vifá vee shooy vi saásí, e làa yòʼ dzə́ə wayrí.

Matio 13:22

Ŋgoòy ye yì tumkin é mvə̀m kikwìíy dzə̀ wír wo wù yú kinyo ke Nyùy, wù wàa kwàʼtì a dzə̀ dzəʼə̀m yeé ndzə fèn, a tàʼ vikuʼùy. Kí nen yiì, kinyo ke Nyùy ki búŋ kirə́ʼ e wùn shiliv, e lày kisáŋ.

Kèʼlo 3:18

Vikwiíy vé njoŋ vi wùn à kivi wíy a fəə e nsay, aà kù wíy a lùŋ a dzə̀ fó vifa ve à lìmèn é nsay.

Ŋwàʼ Fəə 23:11

Yii bèy, lóo dzə e kee saàmbà ki, é vèn nèn kwìír, e màʼtì là káv ji aŋgàa kitàn vee věn mvəmé wáa yikír sa fo fo, é nyám seé kwaʼ si wáa yi sa kibér. Kù dzə̀ sá mo vèn yíi a yiì e súm vitiír vé *vayin vi, à wó vici vé *oliv vi bey.