Jeremia 4:21 - ŊWÀʼ NYÙY

²¹ M kù wíy gòʼ, a yen cícíwàr rər vən, e gòʼ, a yu kiléŋléŋ ké sǒŋ rər kin bèn, e dù, e meé e le?

Jeremia 4:21 Referans Kwoze

Jeremia 6:1

«Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Jeremia 4:19

Éè mò, nyár yémé ghàʼ ne, a yòʼ dzə̀ m kùʼtí. Nyár ye yí dzəə̀n e mǒ shiliví dzə̀ féyì. Shilív shém shí búʼ e ŋàŋ féyì. Yòʼ dzə̀ m gòʼ kisə́sə. M yú mo sóŋé súŋninè, yú, a leŋ rərí wiyì.

2 Wòŋ 36:17

Á bèy, Nyùy Tàr nèn tsə̀nsí fon woó Babilon, wù wìy, e nə̀ə́ áwune e rə́r sí, sí teè vilum, e dù, e mèé e lav cù. Fòn woó Babilon yòʼ‑oò lo rə̀r mendzən me wìr, kìn wánlè ŋgòn, kìn wánlè nsùm, kìn ŋgàywìr, e lì taàta wìr. Nyùy‑iì wày áwune adzə̀m e fòn woó Babilon kiwo.

2 Wòŋ 36:10

Mo wù‑uù kèʼèn sáʼ rə́ é kimgbù ke wuu, Fòn Nebukadnessar woó Babilon túm wíri, á koó wun, e kfə̀n kùúy vifá ve ker veé lav cù veé kilùm, e tàtí wùn à fòn, e dù sho e Babilon. Á bèy, Nebukadnessar nèn kòʼór Tsədekiya woo fər Fòn Jehoyiacin ji fon wo wù wáa saʼ Jerusalem, a saʼ Juda.

2 Wòŋ 36:3

A kí dzə̀ jii, Fòn Neko woó Ejiv‑iì wìy é Jerusalem, e sù wun, e yòŋ ji wír veé Judàa wáa fo a nshwì, *kisha ke mbàm ke fəvír kí akilu kishóv ghii kweè aànsə̀kìi ataár (3,400), ke baar kí akilu nshòv sikweè e mtaár.

2 Wòŋ 35:25

Jeremia‑aà sàŋ yòvdìy wóo ghvəm Fòn Josia sho. Kèʼ fo ghan fóo fèy, e wìy shem lán, vé yòv vee vilum wùn à vee vikìy adzə̀me lóo yòv yòvdìy, á kù a taŋ Fòn Josia. Yòvdìy və̀n lò ne, e kfə̀n ji liì woó Isray, aá sàŋ ne e ŋwàʼ wo dzəə̀n Ŋwàʼ Yòvdìy.

Jeremia 4:20

Ŋgeʼ wiy, bátir yìmòʼ. Woŋ və̀ne bvə̀ʼə́m ne e dzə̀m. Á lò ne, e sàʼày táv sér, e sàtì ndzə̀y sə́ e vinsàr vinsàr.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 42:14

a yòŋ a dzə̀ ji vèn kù du e wòŋ woo Ejiv, fo vèn yòʼ dzəə́ wìy a yu kikum ke rər, kìn sóŋ rər ye yí diyì, a bó jìŋ yòʼ dzəə́ wìy a yar ven, vèn wàa kiíy.