Jeremia 4:2 - ŊWÀʼ NYÙY

² Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Jeremia 4:2 Referans Kwoze

Aysaya 65:16

Á bèy, wìr dzə̀m wo wù wíy a lon kisəəvì é nsay Isray, wù kù wíy a kàn a dzə̀ yír Nyùy wo ru, é wìr wo wù yí kilìʼ, kú a lìʼ, a kàn a dzə̀ yír Nyùy wo ru. Kí wíy a dzə bèy, bìʼ fo m wíy neèr dòʼshwíiy wom, e làysìn vinyo ve bi veé fiirí.»

Jeremia 9:24

Ghèén é wìr wáa sùmrì wún a dzə̀ ji, wun kìíy ne a mo kijuujùŋ, ji m dzə̀ á Nyùy Tàr wo wù yii shám wíri, tínen kinyo tìítiy, yii vinyo réŋ é kitu ke nsay. Á vinyo ve m yii tíy sho. Suuy mo woo Nyùy Tàr.»

Kèʼlo 22:18

Mo à yuun jí yem, e lèm, m wíy shaà fo wò ram, e səə̀vì vitúm veé kitu ke nsay vidzə̀m.»

2 Korin 10:17

Kér kí dzə̀ ke á saŋen jii, «A wìr taʼ, a sùmrì wún, wù kù a sùmrì a dzə̀ é kinyò ke yiìn Nyùy Tàr.»

1 Korin 1:31

Kí nén a dzə jii, a dzə̀ wìr kù a yiì a dzə̀ kinyo ke vé‑eè saŋen é Ŋwàʼ Nyùy jii, «A wìr taʼ ji wun wáa sùmrì wún, wù kù a sùmrì a dzə̀ é kinyò ke yiìn Nyùy Tàr.»

Remrí 10:20

Vèn wáa ghvəm Nyùy Tàr woo Nyùy won, a lìm fo wun, e kù a yeʼtí e wùn wó, lóo yiì kilìʼ, vèn wàa kàn yír rə́.

Galatia 3:8

A Ŋwàʼ Nyùyi‑iì ló a dìn fo ghan ji wír ve bó yòʼ dzəə̀n veé Judàa wíy way sa shilív e Nyùy wùn, é wù li áwune ji wír vee là jay. Á kinyo ke kí‑iì yiìn, bo Nyùy fiʼti sáʼka və wo juŋ və̀n e Abraham fo ghan. Wù‑uù sùúy shó jii, «M wíy shaà fo wò, e səə̀vì vitúm veé kitu ke nsay vidzə̀m.»

Jeremia 12:16

Vitúm vìn vi dzə̀, a ví‑iì dànèr wír vém, á wáa kàn a dzə̀ nyùy woo *Baal. Yii bèy, aáwune kùvsín lèn, a jùmrì liì wìr vém, a yiì mo wù dzəə̀n, a kàn a dzə̀ yír yém ji Nyùy Tàr dzə̀ shó e tin, bo áwune sí yìi tuúy e wír vémé mvəm.

Aysaya 45:25

Nyùy Tàr wíy sù njò rám Isray, aá luŋ adzə̀m, a sheʼrí, a burí wun.

Nsùyrì Nyùy 72:17

Yír fòne kú a tiy fo ghán sidzə̀m, é leŋ vəə́ kú a dù duùn, mo woŋe wíy mày. Wíri kù wíy a lon kisəəvì fo Nyùy, a dzə̀ ke wù‑uù səə̀vìn fon sho, a vitúm vidzə̀m vi wíy a yòŋ wun ji ŋgaà mbùʼmé.

Sekariya 8:8

M fəərì, é m siir é Jerusalem, aá wáa dzə fo, a dzə wír vém, é m wáa dzə Nyùy wov, a leéy áwune e suuyrú, a leéy e dzəə yee tìítiy.»

Aysaya 45:23

M yì ne kilìʼ e mǒ yir, suuy kinyo, a m kì rú ji á mo kí wíy a dzə, a bó yòʼ dzə̀ kí wìy shaà fo ghaŋ. Kí dzə̀ jii, wìr dzə̀m kù wíy tsəm e mǒ si, a binsí mo woo Nyùy e shuu wóví.

1 Afòn 3:6

Solomon bìnèr jii, «Wò‑oò din koŋ ye wiyí e tàr wor Davir woo ŋgaà lìm wò ghán sidzə̀m, bìʼ fo wù‑uù dzə́, ghán e wò mbòv shilív shimòʼón, yúnin wò, yii mo à taʼà. Lèn, aà kù dzəə́ du fo mbìy, din koŋ yé yee shooy e wun, mo à foon wun wán wo wù yí ntaʼ və, a saʼ wíri.

Filipi 3:3

Dzə̀ vèsən vin ve Nyùy naŋsin ne rú ji wír və́. Vèsən ghvə́m wun woo Nyùy, a bánri Kiyoy kfə́ vèsən. A vèsən sumrì wún bìʼ fo á dzəə̀n wír Jesus Kristu, a bó vèsən yòʼ wáy vifií é vinyò ve á yii ji bìʼ liì wòŋ gheéy.

Hosea 2:19

«Isray, m wíy way wò e lav ji wíiy wom. M wíy a suúy suuyrú e wò, a yiì vinyo vee réŋ ví e wò. M wíy dìn koŋ yém ye ruú wùn à shammèndzə̀n wom e wò, e lì wò ji wíiy wom, é wòsò goʼ ŋkuuŋkùŋ.

Jeremia 5:2

Yii bèy, mo áwune fə̀m dzə́, kan yír Nyùy, yoŋ ji Nyùy Tàr dzə̀ shó e tin, á kan kisáŋ.»

Nsùyrì Nyùy 99:4

Fon wo ghaʼtín, wò wo à koŋ kinyo a dzə̀ kee tìítiy, à tùúy ne kinyo keé nsànloŋ e Isray. À yiì ne, wíri wáa yiì vinyo tìítiy, a dzə là jay.

Remrí 4:30

Vinyo vee shoon vi wíy lóo koóy ven, ŋgeʼ ye tavín nəə ven, é vèn nèn bìnkìr, e kfə̀n e Nyùy Tàr woo Nyùy wón wùn, a yunín wun.

Ŋwàʼ Rut 3:13

Gòʼ fen, yì ráné, aá sov ji wìr woo shooy sà‑áà lem wò a. Wù biíme, é kí boŋ. Wù téné, e Nyùy yir, bo m lem wò. Neèm a buuné, e dù, e meé mo ndzə yíi ran.»

Jeremia 3:17

Wíy lòo dzə e ghan see shooy, aá nèn a yòŋ Jerusalem ji kàvàʼ Nyùy Tàr, é vitúm vidzə̀m vi wáa baʼtí fo, a cù mo woo Nyùy Tàr. Áwune yòʼ dzəə́ wìy a yiì vinyo ve kisaŋ ve melív mev mè koŋè.

Jeremia 7:5

« ‹Ké ru kí, a vèn lòo dzə, e kùvsín liì won, e kùvsín yii yén, e làa yòʼ a loʼ rú afə́r vén,

Jeremia 10:10

Yii bèy, dzə̀ wò Nyùy Tàr, Nyùy wo ru. Dzə̀ wò Nyùy wo tin, a vifon vé ví wíy shaàrì. Aà shwìíy kilòŋ, kitú ke nsay ki sə̀ʼsì, dòʼshwíiy wò kóʼ, la vitúm vi yòʼ tìím.

Jeremia 12:15

M shaʼàr vitúm bèy, é m kfən wìy shàm áwune, a lì kitúm kimòʼón kimòʼón, a kfən sho aáwuné nsay fo vitsə́ʼ vév ví dzəə̀n.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Jeremia 33:9

Ŋkàlaʼ rə̀n wíy a fo mo vijuŋ wùn à kishéʼrì ki, à ghvə́me, é wáa dzə kiŋkoʼòrwùn kém e vitúm ví si. Vitúm vidzə̀m veé kitu ke nsay vi wíy lòo yu vinyo ve juŋ ve m yii e wír vémé, à mo m səəvì ŋkàlaʼ rə̀n, aá wáa fàn, a yàʼ.»

Joel 2:12

Yii bèy, Nyùy Tàr kù dzəə́ kér shíi won. Wù suuy e vèn jii: «Vèn kfə́n é bàm e mǒ wùn shilív shén shidzə̀m, a lèm jíŋ, a toŋ, a dìy.»

Remrí 6:13

Vèn wáa ghvəm Nyùy Tàr woo Nyùy won, a yu a dzə̀ fó fo, lóo yiì kilìʼ, vèn wàa kàn a dzə̀ yír rə́.

1 Samuel 20:3

Davir nèn sùúy jii, «Tàr won kì kijuŋ feyì ji à koŋ a mo. Á kifá ke kí yiìn, la wù yòʼ yiì ji à kiíy á kinyo ke wù taʼ e yiì, bìʼ fo kí yíi a nyar wò. M wáa suúy e wò, a kàn yír Nyùy Tàr ji kpú yémé sì á e kiwo.»

Malakay 1:11

Yír yémé dzə̀ e gháʼtín e vitúm ví mvəm. Wíri kù ghvə́m mo, e kèʼ fo shùy yii tó, e dù, e meé fo yì yii nəə. Á ton kiláy, suyrì mo virə́ʼ vidzə̀m, cu mo e cu yee réŋé. Rúrú, yír yémé dzə̀ e gháʼtín e vitúm ví mvəm. Suuy mo woo Nyùy Tàr woo Taà Mànjòŋ.