Jeremia 4:16 - ŊWÀʼ NYÙY

¹⁶ Á yoŋ jii, ‹Á ku yiì, é vitúm vi kiíy. Á ku fìʼtì e Jerusalem ji aŋgàa laàri waà wiyì. Áwune lò ne fo vitum vee kwaʼda, a wìy. Á wiy, búʼ shirəə́ she rər kùm ŋkà se laʼ seé Juda.

Jeremia 4:16 Referans Kwoze

Esiker 21:22

Fo wun koy yìyí, é fú yee kùm Jerusaleme fəə́, e tàŋ jii, báʼtí lúm se vici se á yíi a fùn kay sho si, e bùʼ shirəə́ she rər shí, e kfə̀n sìysì lúm se vici se á yíi a fùn shuu se kày sho. Fúm sá nsay e wǔn kày, e bàʼrì virùmèn ve ŋkiy vi.

Jeremia 5:15

Isray, fo ké ki, m wíy yiì, é kitúm kee kwaʼda ki wiy, e nə̀ə́ ven e rə́r sí. Suuy mo woo Nyùy Tàr. Kitúm kìn ki dzə̀ kindzə̀n ke kitum, a dzə̀ kintav ke kitum. Kitúm, a vèn yòʼ kì lám wóv, a bó yòʼ dzə̀ vèn yù kinyo ke á suuyì.

Aysaya 39:3

Aysaya woo *ŋgaà ntum Nyùy nèn dù, e yèn Fòn Hesekiya, e dzə̀r shó jii, «Wír vìne wìy a dzə̀ fó feé, aá wìy bèy, e sùúy e wò ji ka?» Hesekiya bìnèr jii, «Á wìy fo wòŋ wúmóʼó kwaʼda feyì. Á wìy fo Babilon.»

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Jeremia 39:1

Yì‑iì dzə̀, a Tsədekiya sí sáʼ ji kiyá bvə̀ʼə̀ mo wù‑uù yiin vifon e Juda, Fòn Nebukadnessar woó Babilon wùn à vé rər və́ adzə̀me nèn wìy e ŋwee woo ghvə̀m, e nə̀ə́ Jerusalem e rə́r sí, e gìm fó.

Jeremia 31:10

«Éè vitum, vèn yuúrí kinyo ke Nyùy Tàr kí, e sàmèr e virə̀ʼ ve ví dzəə̀n é ghaa rìbà ndzə̀v é ndzəywoŋ. Vèn ku fìʼtì jii, wun wo wù taʼarin wír və́, kù wíy baʼtí áwune, a leéy fo fo, kù mo nshìy lèéy fo wun ŋgoo nyàm.

Jeremia 16:6

Áwune kù wíy kpukír e wòŋàn, à wo kuʼùn, à wo terí. Wìr wó a dzəə̀mè áwune yòʼ wíy a dzə, kìn wo wù wáa dìy áwune. Wìr yòʼ wíy a dzə wó a jàʼtì wún, kìn wó a kwaày kitú ji wun din mendzən.

Jeremia 6:18

Bìʼ bey, Nyùy Tàr nèn yòŋ e vitúm vi jii, «Vèn yuúrí, e yù. Vèn tiím vinjen vi, e wày síi, e yèn kinyo ke kí yíi koóy wír vém kí.

Jeremia 5:6

Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Jeremia 4:17

Á yíi gìm Jerusalem, e tar mo vé shìyi gìm kwáʼ.› Kù dzə̀ bìʼ fo Jerusalem tavin kitú vèr áwune. Suuy mo woo Nyùy Tàr.

Jeremia 2:15

Abvərə̀ʼə́ nyam wun, kokìr feyì kitávín. Á laàr ne woŋ wóv, a ntèʼ sí sì sisaʼtìn, a bó kifá ki yòʼ kum sho.

Aysaya 34:1

Ven vee vitúm, vèn kóʼtí e mǒ mentsə̀m, e yuùrí. Wíri, vèn fó vituʼùr ví. Woŋ e dzə̀m wùn à kifá kidzə̀m ke kí dzəə̀n shó ki yuúrí. Kitú ke nsay wùn à kifá kidzə̀m ke kí fəə́ fo fo ki səəm jí sìn.

Jeremia 1:15

Kú a kiíy jii, m sí lo, e toóy vitúm veé mbìv yee kuy vidzə̀m. Afon véví yíi wìy, e màʼ akàvàʼ vév é shuù se kày seé Jerusalem. Á yíi nəə́ Jerusalem e rə́r sí, e bvəʼ kay yév e dzə̀m, e kù yiì bèy ŋkà se laʼ seé Juda sidzə̀m. Suuy mo woo Nyùy Tàr.

Jeremia 8:19

Á ku yù, tóŋ wìr vérí ghamnìn nsay e dzə̀m. Á tóŋ jii, «Nyùy Tàr yòʼ dzə̀ə́ e Sion à? Dzə̀ ji Fòn Sion yòʼ dzə̀ə́ à?» Nyùy Tàr súŋnín jii, «Áwune wáy nyár e mǒ shiliv ji ka? Áwune fèr mebvə̀m, a ghvəm anyùy vitum.»

Jeremia 6:19

Àshè nsay, yuúrí e yù. M sí wiy e ŋgeʼ ye tavín e wír vìné kitu. Dzə̀ seʼ antaŋ ve áwune‑eè bá. Áwune yòʼ yú kinyo kém, aá tèn ne yéʼéy ye m lèmèn aáwune.

Jeremia 6:22

Nyùy Tàr suuy jii: «Vèn leéy, e yèn, mànjòŋ wiy fo wòŋ kùyi. Kitúm ke wiy kí bàʼtí ne rə́r, a mèʼèm, a wìy fo ndzəywoŋ.

Jeremia 6:23

Áwune wiy, kér vinte wùn à nyùy sév sé rər sí, a dzə̀ vé bvə̀m ŋgeʼe, aá yòʼ rə́r mendzən fo wìr. Áwune kòʼ ne nyám se ŋkoʼ, a wìy, a yòr moo rìbà ndzə̀v. Éè Jerusalem, á bàʼtí ne rə́r é mbòŋén, a taamé wò.»