Jeremia 4:13 - ŊWÀʼ NYÙY

¹³ «Vèn leéy, e yèn, ŋgaà vibàn və̀ne, a wù wiy moo mbàʼ. *Viténtén vév vé rər ví wiy moo kiìkir bèy. Nyám sév sé ŋkoʼ si féŋ kinyeŋ, shaa lùŋ wo wiy. Ŋgeʼ si nə̀ə́ ne vèsən, vèsən kù lày ne bèn.

Jeremia 4:13 Referans Kwoze

Aysaya 19:1

Sáʼ Nyùy yee kùm Ejivi rə̀ne. Yí dzə̀ jii: Vèn yuúrí, Nyùy Tàr sí du e Ejiv, a wù du a dzə̀ é mvə̀m mbàʼ ye yì shaa ji ghàár. Wù yíi meé fo, áànyùy veé Ejivi wáa fàn, a yàʼ, é tím wìr dzə̀m woó Ejivi kpú, e rə̀.

Aysaya 66:15

Rúrú, Nyùy Tàr wíy a wìy e mvə̀m kinsəm, a və́yí kaárí wun, e tàr, a wìy moo ŋgaà rə̀r wo wù wiy e wun kitentén ke səŋ nyám se ŋkoʼ. Wù wíy a wìy ji wun maʼ ŋgeʼlàʼ e wír ve bií kitu, a màʼ ŋgeʼ, a dòʼshwíiy və baári moo və́y.

Habakuk 1:8

Nyám se ŋkoʼ sév sí léʼ e ŋàŋ, shaa baá, guutì shúu rər, shaa akoosàʼ ve á guutì nyám yée koo. Bàràʼ nyàm wov kív dzə́ə, du fo mbìy, aá wiy kwaʼda, féŋ moo lùŋ wo wiy, wo wù sə́ʼəy, e koo kifá.

Yòvdìy 4:19

Aŋgàa vibàn vérí meè ne ji věv, e shaà mo lùŋ wo wiy yii sə́y fo ntoò yùv. Áwune jùm ne ver áàŋkoŋ, e nèn a teʼ lèn e kirə̀ʼ ké woʼ kí.

Aysaya 5:28

Áwune sày ne mvən sév, e daà vinte vév, a shìy kifá ké a lov shíyin. Nyám sév sé ŋkoʼ si dzə̀, a wuú sí dzə̀ ji tíy, a kár sév sé *vitentén vé rər sí binkìr cércér moo kinsəm.

Nahum 1:3

Nyùy Tàr yòʼ táv shwiiy kilòŋ, yii bèy, a wù kér vitaáví ve wiy ví. Wù maʼ ŋgeʼ e mbùʼtìvìnyò kitu, a bó yòʼ dzə̀ wù bàvtí wun. Nyùy Tàr shaa e kirə̀ʼ, kiìkir kòʼ. Mbàʼ dzə̀ kibvər ke wúu rəə́ tsər, a kí kóʼó.

Aysaya 13:5

Áwune wìykìr fo vitum kwaʼda, a ví dzə̀ féyì ji é ndzəywoŋ. Dzə̀ Nyùy Tàr mo wù sí wiy wùn à vé rər vəə́, wiy ji wun din á mo dòʼshwíiy və dzəə̀n, e tatí woŋ, e laàr e dzə̀m.

Remrí 28:49

«Nyùy Tàr wíy tsənsí kitúm, é kí lo ntàmda fo ndzəywoŋ, e səy, e gbù e věn kitu moo lùŋ wo wiy. Wíy a dzə kitúm, a vèn yòʼ yú lám wóv.

Jeremia 4:31

M yú tóŋ moo yé wiíy wo wù lúm wán. M yú dzəm moo yé wiíy wo wù jonsì wán və mfùmèn. Dzə̀ tóŋ ŋgònjuù yee Sion, mo yì yoysìnè. Yì ramsì kiwó, suuy jii, «Lòné shòv ne mo. M gbù ne e vé kinjuyrìí wo, aá sí lo, e yuy mo.»

Ŋgaà Yen 1:7

Vèn wáa kiíy ji Jesus waà sí wiyì, a wù wíy fəəsín a dzə̀ fó mvə̀m mbàʼ, é wìr dzə̀m yén e sí yéví. Wír ve vé‑eè sòvìn nsaŋ rə e kòŋé víyi wíy yen sa, é vitúm veé kitu ke nsay vidzə̀m vi yén wun, a yàʼ, a toŋnín. A kù dzə̀ mo kí wíy a dzə. Amen.

Matio 24:30

Aá nèn yèn mo kisəəm ké ŋgaà wo yírí dzəə̀n Wanwìr ki yénsin e yuv. Vitúm vidzə̀m vi wíy a leéy, a dìy, lóo yen, é ŋgaà wo yírí dzəə̀n Wanwìr və̀n nèn bvə̀ysín e mvə̀m mbàʼ, a wù sí kér vitaáví wùn à vikuʼùy ve ghaʼán ví.

Hosea 8:1

Nyùy Tàr suuy jii: «Tóŋ sóŋé, aŋgàa vibàné sí ghíʼ nsay Nyùy Tàr, ghíʼ moo lùŋ wo wiy wo wù féŋ, giimè kifá. Dzə̀ bìʼ fo wír vémé bivirin ne *mensaŋ mem, e tèn fó a yunín yéʼéy yém.

Daniel 7:4

Nyam mbìy‑iì shwínin bvərə̀ʼ, yii bèy, a yì kér vav moo sé lùŋ wo wiy. M kú a leéy, e lòo leéy, e yèn, aá shóʼtí vav sə́, e nàn fo nsay, yì tiím e wun shwin moo wír, a ker vifií moo wír.

Jeremia 10:19

Wír veé Jerusaleme wáa toŋ jii, «Óboóy, vèr lèm ne e dzəə ye biibí, a kileémé kér kí dzə̀ é ŋàŋ féyì. Vèr‑iì kí kér ji kí yií a dzə a e dzəə ye dzə̀ vèr kùʼtí.

2 Samuel 1:23

«Saul wùn Jonatan, wír, aá tó sí, a wíri leey, koŋè. Vé‑eè dzə̀ kintatì fə̀m á mvə̀m kpu. Vé‑eè shwìr, e shaà lùŋ wo wiy, vé‑eè tàv, e shaà bvərə̀ʼ.

Aysaya 3:8

Rúrú, vilìmbìy veé Jerusalem wùn à veé Juda vi bàyrìn ne, e gbùkìr. Wír vìne kù sí tsə́y kóy wùn à Nyùy Tàr é vinyò ve á suuy wùn à ve á yii vi. Á kù sí tún vikuʼùy vé Nyùy Tàr túnén e kúmé.

Jeremia 4:12

Kinsəm ke kí wiy e Nyùy vitaaví kin ki dzə̀ kibiíbí. Dzə̀ mo woo Nyùy Tàr mo m wiy, e saʼ wír vém.»

Jeremia 9:19

Kiléŋléŋ ké toŋ ki wiy fo Sion jii, «Vèr sàʼkìr ne. Vèr sì é nshoórmé ŋkuuŋkùŋ. Vèr kù‑úù fəə́ fo věr nsay, mo á sàʼtìn ne lav sér, sí gbúkír.»

Jeremia 49:22

Á ku lèéy, e yèn, ŋgaà vibàn wíy sàsìn e bvəy fo taa moo lùŋ wo wiy, e sàŋrì vav, a səy ji wun gwév Bosra. Melív me vé rər veé Edom mè wíy a buʼ e kishiíy fóo fèy, moo shilív shé wiíy wo wù lúmé bèy.

Esiker 26:10

Nyám sév sé ŋkoʼ si wíy a dzə nyanyày, e koʼór kibvər ke dzə̀ kí sùm ven. Á wíy bvəʼ kay, fòn wùn à vé rərí lóo sheemé e ŋkàlaʼ wùn à nyám se ŋkoʼ si, à viténtén vé rər ví, é njèʼèr wáa koʼ, é virə́v vé kày vi wáa sə̀ʼ.

Esiker 38:9

Vèn à shúu rər wóo wíy sàsìn, e nəə́ áwune moo kinsəm. Vèn à mànjòŋ wò e dzə̀m wíy sùm áwune mo mbàʼ sùm kirə́ʼ.

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.

Mayka 2:4

Kishiíy kin ki wíy gheén, é wíri wáa yòv luŋ kùm vinyo vìn, a tinsín ven shó. Á wíy a toŋ, a te lám, a bìʼtì ven jii, ‹Á laàr ne ver ŋkuuŋkùŋ. Nyùy Tàr faàsì ne nsay yer yee vitsə́ʼ vér, e fò e wír ve vé‑eè tònèn verí, wír ve vé‑eè tònèn ver é kwaʼ rər.› »

Jeremia 6:23

Áwune wiy, kér vinte wùn à nyùy sév sé rər sí, a dzə̀ vé bvə̀m ŋgeʼe, aá yòʼ rə́r mendzən fo wìr. Áwune kòʼ ne nyám se ŋkoʼ, a wìy, a yòr moo rìbà ndzə̀v. Éè Jerusalem, á bàʼtí ne rə́r é mbòŋén, a taamé wò.»

Jeremia 46:18

Nyùy Tàr woo Taà Mànjòŋ dzə̀ Fon. Wù suuy jii, «Mo m dzəə̀n shó e tin, ŋgaà vibàn yíi nəə́ ven, a wù dzə̀ moo Gwan Tabor, wo wù somen, e shaà agwan, e kfə̀n a dzə̀ moo Gwan Karmel, wo wù jáʼ e kitu ke rìbà ndzə̀v.

Jeremia 48:40

Nyùy Tàr suuy jii: «Á leéy, e yèn, ŋgaà vibàn wíy sàsìn, e bvəy fo taa moo lùŋ wo wiy, e sàŋrì vav, a səy ji wun gwév Moav.

Sekariya 6:1

M sii kfə̀n lòo nàn sí, e yèn *viténtén vé rər vikweè, a səŋ nyám se ŋkoʼ, wiy sho fo nsàn agwan abaà, aàgwan vìne kù dzə̀ féyì ji kisha kee *brons.