Jeremia 4:11 - ŊWÀʼ NYÙY

¹¹ Ghán see shooy si yíi gheén, aá wáa fìʼtì e wír veé Jerusaleme ji Nyùy Tàr yoŋ a jii, «Kinsəm ke biibí kí sí wiyì, kí wiy fo vitu ve agwan veé woʼ, e teè wír vém, a bó kí yòʼ wiy e njà shwer wo wú feési virə́ʼ feesín.

Jeremia 4:11 Referans Kwoze

Hosea 13:15

Fə̀m mo vikuʼùy ví nəə áwune, shaa afə́r vév, m yíi tsənsí shwér wo yumérí fó kirə̀ʼ ké woʼ, é wú yúmér ntòŋ sév sé ndzəv, e yùmér ndzə́v sév se tuŋén sí. Á yíi faàsì kifá kidzə̀m ke áwune lèmèn é vitàv, e kuúy bèn, e dù sho.

Esiker 17:10

Vé‑eè lò bìy, yii bèy, kí kù yòʼ wíy a dzə sho, a tèʼ a? Shwér sané wíy tòn, é kí tén yúm a? Bó kí yòʼ wíy yum bèn e kibvəə̀ fo vé‑eè bìyìn, kí téʼ, e rə̀ŋsìn à?› »

Ŋwàʼ Luk 3:17

Wù wíy lòo wìy, é wù wàa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Matio 3:12

Wù wíy lòo wìy, é wù wáa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Hosea 13:3

Bìʼ bey, áwune yíi ŋeemé, e lày moo mbàʼŋkfəə́mé yee kijàvndzə, e yuumé moo ŋweʼ ye yí gbuùn kijàvndzə. Áwune wíy a dzə moo mvə́y se shwéri feer feèrín, a dzə moo kindzə́ʼ ke kí dzəm, fəə́ fo shùu wundu.

Esiker 19:12

Fo bàm, á mén kitiír kin e dòʼshwiíy, e mèn, à gháŋé shó, e sàn é nsay. Shwér sané wìy, e yùmér, báŋ sə́ sí kuùy. Tám və́ wo tavíné yúm, və́yí nèn wìy, e laàr tám və̀n.

Yòvdìy 4:6

Ŋgeʼ ye yì gbuùn e wír vém veé Jerusalemé kitu tàv é ŋàŋ, yì tàv, e shaà ye yì‑iì gbuùn e Sodom kitu. Ké Sodom ki dzə̀ a Nyùy‑iì bvə̀ʼə́y fó kàŋ mòʼón, a bó yòʼ dzə̀ moo ke yii wír.

Yòvdìy 4:3

A fə̀m dzə̀ nyám yee koosàʼ, bo yì kù yii nyoor wón və́. Yii bèy, aàyǐy won veé Jerusaleme lóvti e véví, moo shinə́n sheé woʼ shee *ostrish she shí lo, shí yàʼáy wúm.

Yòvdìy 3:48

Mensíy mè dan fo mǒ si moo ndzə́v, a kù dzə̀ bìʼ wír vém ve á laàrìn.

Yòvdìy 2:11

M tòŋ ne bèn, síi kóʼkír fo mǒ kitu, a bàŋ. M sì a dzə̀ é mvə̀m nyar. Tímé kpù ne fo mǒ bvə̀m, a dzə̀ bìʼ aŋgàa vibàn ve á laàrìn ne wír vém veé Jerusalem. Wón ve á kàŋkìn ne wùn à ve terií sí toóŋe jíŋ, ghán ghanén é shuù se dzəə seé ŋkàlaʼ.

Jeremia 23:19

Vèn leéy, e yèn dòʼshwiiy Nyùy Tàr. Wù kòʼ ne moo kinsəm, a wìy moo kiìkir wo biibí, a wù lo, e shùʼùy e vé yìi kisaŋé kitu.

Jeremia 14:17

Nyùy Tàr nèn sùúy ji m yoŋ á kinyo kìn e wír vìne jii: «Mensíy mè kú a dàn dànèn fo mǒ si, a dàn e shùy, a dàn vitsə́ʼə́, là may. Wír vém ve mò‑oò shoʼoné sì é mvə̀m ŋgeʼ ye tavín, aá dzə̀ é nyar ye ghaʼáné lèn.

Jeremia 9:7

Á bèy, wun woo Nyùy Tàr woo Taà Mànjòŋ nén a suúy jii: «Vèn yú, m yíi mùmrì áwune lèn e və́yí, e yen mo á dzəə̀n. Wír vémé kù sí yii a dzə̀ liì kisaŋ, bo a siì dzə̀ m kfə̀n yèe le lèn?

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Jeremia 8:19

Á ku yù, tóŋ wìr vérí ghamnìn nsay e dzə̀m. Á tóŋ jii, «Nyùy Tàr yòʼ dzə̀ə́ e Sion à? Dzə̀ ji Fòn Sion yòʼ dzə̀ə́ à?» Nyùy Tàr súŋnín jii, «Áwune wáy nyár e mǒ shiliv ji ka? Áwune fèr mebvə̀m, a ghvəm anyùy vitum.»

Aysaya 64:6

Vèr kfə̀n ne ji vé *kifàné adzə̀m, fə̀m vinyo ve juŋ ve vèr yiìn ví kù kóʼoy kòʼòyín, kóʼoy, kù moo kinsàr ke ndzə̀y ke mensə́ mè lorin ne. Vinyo vér ve bi ví yiì ne, vèr soóy moo vav se vici, vav se shwéri feer, du sho.

Aysaya 41:16

Vèn wíy buʼ, e fetí, é shwéri li kibvər, é kinsəm ki kú a taʼár, a dù sho. Á bèy, é vèn nèn a sheʼrí mo woo Nyùy Tàr, a tuy shwín bìʼ mo woo Ŋgaà wo Ranén woó Isray.

Aysaya 27:8

Nyùy Tàr‑iì sə̀r áwune sə́rin, mo a yì‑iì dzə̀ á kù sə̀r, e fə̀ə́r, e tsə̀nsí e kwaʼ nsàm. Wù‑uù jùm áwune e dòʼshwíiy və, a wù lum moo shwér woó kirə̀ʼ ké woʼ kí.

Aysaya 22:4

Á kinyo ke kí yiìn, é bo mo woo ŋgaà yen wáa suŋnín e wíri, a suúy jii, «Vèn maʼti mo bey, m kér fó a dìy e ŋàŋ, a jeetí, bìʼ fo á laàrìn ne wír vém. M lóo dìy, lá wìr yòʼ a mùm ji wun sə́mér mo.»

Yòvdìy 4:10

Vikìy ló, a naá wón vév ji vifá ve yi, áwune, aá yii rə́r mendzən me wìr e ŋàŋ. Á sí kfə́r wón vév ji á fiʼ bòy fo jiŋ, jíŋ, ye yì sùmèn ŋkàlaʼ.

Nsùyrì Nyùy 11:6

Ké wìr ve á méŋ wun, Nyùy Tàr kù yíi màʼ və́y aáwuné kitu, a dzə̀ və́y wo wú shwí, baári moo mekàŋ, aáwune kù yíi a yu, a virə́ʼ ví ríʼsin rìʼsín.

Jeremia 4:12

Kinsəm ke kí wiy e Nyùy vitaaví kin ki dzə̀ kibiíbí. Dzə̀ mo woo Nyùy Tàr mo m wiy, e saʼ wír vém.»

Jeremia 13:24

Nyùy Tàr suuy jii: «M kù yíi taʼár ven moo mvə́y, mvə́y se taʼarin shwér woó woʼ.

Habakuk 1:6

Vèn yuúrí, m sí nan kitúm kee Babilon, wír, aá nyárninè, a bó á yòʼ mvəʼ si, yén wír, ghán kitú ke nsay kidzə̀m, faasì virə́ʼ ve bó yòʼ dzəə̀n vév fáasin.

Habakuk 1:11

Á kù wiy moo kinsəm, nèn shaa, du fomóʼó. Á li vitaáví vév ji nyùy wov, aá ghán bèy, kù túr a dzə̀ njò.»

Hosea 4:19

Á wíy kuúy áwune, e dù sho e kwaʼ nsàm, kù mo kùúy shwér. Áwune wíy a woomé bìʼ anyùy kisaŋ ve áwune cu.»