Jeremia 4:1 - ŊWÀʼ NYÙY

¹ «Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.

Jeremia 4:1 Referans Kwoze

Joel 2:12

Yii bèy, Nyùy Tàr kù dzəə́ kér shíi won. Wù suuy e vèn jii: «Vèn kfə́n é bàm e mǒ wùn shilív shén shidzə̀m, a lèm jíŋ, a toŋ, a dìy.»

Jeremia 3:22

Nyùy Tàr yóŋ jii, «Éè wǒn kisaŋe, vèn binkir, é m yiì màyìr liì won kisaŋ.» Wíri bínsí jii, «Vèr sí kfə́n, e yen wò, kù dzə̀ wò Nyùy Tàr woo Nyùy wor.

Esiker 43:9

Kí nén a dzə lèn jii, áwune neer á mebvə̀m me ghvəmén mè, e shwèy fə́m se cuùn sí kwaʼda, é m nèn a dzə aáwuné nsàn ŋkuuŋkùŋ.

Jeremia 25:5

Á kù‑uù fiʼtì jii, ven adzə̀me ku màʼtì a liì won kisaŋ, e màʼtì a yii yén ye bií, e wìy gòʼ e nsay ye Nyùy Tàr‑iì yiìn ne fò e vèn aàtàr véné ji yéen ŋkuuŋkùŋ.

Jeremia 3:12

Dù ri, a fìʼtì ntum yem e Isray, kitúm, a dzə̀ keé mbìv yee kuy ji m suuy a jii: « ‹Isray, wò wo à ŋwayin mo, ku kfə̀n é bàm, e mǒ wùn. Suuy mo woo Nyùy Tàr. M yòʼ dzəə́ yiì a shwiíy kilòŋ wòsò, mo m dzəə̀n ŋgaà nshámmé. Kù suuy mo woo Nyùy Tàr. Bó m yòʼ kù wíy gòʼ, a shwiíy kilòŋ wòsò.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Kèʼlo 35:2

Jakov nèn sùúy e kfə́ə rəə́ wùn à wír ve wùn áwune‑eè dzəə̀né jii, «Vèn tsəʼ mebvə̀m me anyùy vitume fo věn ghaŋ, mebvə̀m me vèn kérí. Vèn bvəti vishí vén, e màʼ ndzə̀y se ranén sí.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

Hosea 2:2

«Yii bèy, lèn və̀n, vèn roome Isray woo yè won. Bó wù yòʼ dzə̀ə́ yeè lav wom, a m yòʼ dzə̀ə́ lúm və. Vèn ku roòmè ji wù yar á liì joònè, e yàr viŋkar ve wù gháné.

2 Wòŋ 33:8

A wír veé Israyi gòʼ, a yiì vinyo vidzə̀m ve m yòŋèn aáwune, a ví dzə̀ jii, á yúnín á nsər sém sidzə̀m wùn à sáʼ yémé, à vinyo ve m tinen ví, vinyo vidzə̀m ve mò‑oò foon aáwune, e shaà fo Mooser, bo áwune yòʼ dzəə́ wìy lò a fo nsay ye mò‑oò foon áàtàr véví.»

2 Wòŋ 15:8

Fòn Asa yú kisúŋnìn ke Asaria woo wan Oded kìn, e kùr shilív, e fə̀ə́r mebvə̀m me mè‑eè kóʼoy mèy fo nsay Juda e dzə̀m wùn à ye Benjamin, à fó ŋkà se laʼ se wù‑uù faàsìn é wòŋ agwan woó Efrayim. Wù kfən nàŋsín kíy cù Nyùy Tàr wo wú‑uù tíy e mbìy shùu lav cù.

2 Afòn 23:24

Fòn Josia kfə̀n‑eè jùm vé ŋgàŋe wùn à wír ve á mbaa aŋkfəə fó wòŋ, e shàʼàr anyùy veé lav, à mebvə̀m mè, à vifá ve koʼoyín ví vidzə̀m ve wíri‑iì lim sho e wòŋ woo Juda wùn ǎ Jerusalem, e bó a cù anyùy. Wù‑uù yii bèy ji wun yuŋri á nsər se sí dzəə̀n é ŋwàʼ wo Hilkia woo taà cù‑uù boŋen fo Nyùy Tǎr lav.

2 Afòn 23:13

Wù kfən bvə̀ʼə́y sa virə́ʼ vé cù ve Fòn Solomon‑eè bomen é Jerusalem, e mbìv Gwan Vicì vé Oliv yee tsə́n, ji á wáa cù anyùy vitum fo, vee *Ashtoret woo nyùy wìr veé Sidon wùn à *Kemosh woo nyùy wìr veé Moav, à *Molek woo nyùy wìr veé Ammon, aànyùy vìn adzə̀me kù‑uù dzə̀ kifá ke koʼoyín kí e Nyùy Tǎr si.

1 Samuel 7:3

Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»

Atǎr Nsaʼ 10:16

Wír veé Israyi nèn tsə̀ʼ mebvə̀m mee anyùy kisaŋe fo áwuné ghaŋ, a sùyrì a dzə̀ Nyùy Tàr. La Nyùy Tàr yòʼ dzəə yù fóo kur tím, a yen mo wír veé Israyi yén ŋgeʼ e ŋàŋ.

Hosea 7:16

e bìnkìr, a kìʼ kifá, a bó yòʼ dzə̀ Nyùy. Áwune dzə̀ kév moo kinte ke bó yòʼ dzə̀ kí tè kifá. Atǎr saʼ véví sévti mo, aá kù yíi kpu yé rər. Kpú bèy, é wír veé Ejivi wáa sheʼ áwune.»

Esiker 18:13

Wù lo ji wun foor mbàm, wù sə̀ séʼ ŋkuŋ, kìn wù wáyri wàyrín. A dzə̀ wír woo bey, wù bòy á? Bó yòʼ dzə̀ wù bòy. Wù buʼtì vinyo vìn vidzə̀m, a wù kù kér fóo kpu, é njò rə wáa dzə e wun kitu.

Esiker 11:18

A kí dzə̀ á jii, ‹Áwune wíy kfən fo, e fəə́r mebvə̀m me mè dzəə̀n fó, à vifá ve koʼoyín ví vidzə̀m.

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Jeremia 15:4

M wíy lovtí aáwune ye vitúm veé kitu ke nsay vi wáa leéy, é wúné wáa beemé áwune, a kù dzə̀ bìʼ kinyo ke Manasse woo wan Hesekiya‑aà yiìn é Jerusalem, e ghan se wù‑uù sáʼ vifon e Juda.

Jeremia 4:4

Ven vee wír veé Juda wùn à ve á dzə́ e Jerusaleme, vèn kú a tiy a dzə̀ e mǒ *mensàŋ me m gwàrìn vèsən. Vèn su melív men mè, é mè wáa tiy e mò woo Nyùy Tǎr wùn. Là bey, bo dòʼshwíiy wom yíi koʼ moo və́y, a dzə̀ bìʼ vinyo vén ve bi ví, lóo tòn ven, é la wìr wóo ndzəmér yòʼ a dzə.»

Jeremia 3:14

« ‹Wónen, ven ve á ŋwayin mo, vèn kfə́n é bàm e mǒ wùn, kù kér mo ven. Suuy mo woo Nyùy Tàr. Vèn kfə́né, é m shóʼtí wir mòʼón mòʼón fo ŋkàlaʼ, e shòʼtí fo kfəə abaà abaà, e lì, e dù sho e Gwan Sion.

Aysaya 31:6

Éè wìr veé Isray, vèn ku bìnkìr, e kfə̀n e Nyùy Tǎr wùn, wun wo vèn tunen sáʼ rə́ é dzəə̀ kisaŋ.

Joshua 24:14

Joshua nèn sùúy lèn jii, vèn wáa ghvəm a dzə̀ Nyùy Tàr, a cù wun rúrú, e kfə̀n a tiy tìítiy e wun kinyò. Vèn maʼti anyùy ve atàr véné‑eè cu e Mesopotamia, à ve vé‑eè cu e Ejivi. Vèn kú a cù a dzə̀ Nyùy Tàr.

Remrí 27:15

« ‹Lǒn Nyùyi ku koò wír wo wù fèrìn shibvə̀m, a wooné, a ghvəm, kìn dzə̀ shibvə̀m she semén shí, kìn shé kishà shi. Kifá, a fér wír e wóo ji nyùy, a dzə̀ joonè e Nyùy Tǎr si.› «Á yoŋ bèy, é wìr dzə̀m ku nèn bìnsí jii, ‹Kí kú a dzə bèy.

Remrí 4:30

Vinyo vee shoon vi wíy lóo koóy ven, ŋgeʼ ye tavín nəə ven, é vèn nèn bìnkìr, e kfə̀n e Nyùy Tàr woo Nyùy wón wùn, a yunín wun.

Jeremia 7:3

Nyùy Tàr woo Taà Mànjòŋ, wun woo Nyùy wìr veé Isray suuy jii, ‹Vèn kúvsín liì won, e kùvsín yii yéné, é m yiì màʼtì, é vèn wáa dzə e nsay fèn.

Jeremia 7:5

« ‹Ké ru kí, a vèn lòo dzə, e kùvsín liì won, e kùvsín yii yén, e làa yòʼ a loʼ rú afə́r vén,

Jeremia 7:7

bo m yíi màʼtì ven é nsay fèn, ye mò‑oò foon ne aàtàr véné, e kèʼ fo yàŋgùʼ ji yéev ŋkuuŋkùŋ.

Jeremia 15:19

Á bèy, Nyùy Tàr nen bìnèr jii, «Aà lòo dzə, e kùvsín, bo m yíi lì wò, áà wáa lìm fo mò. Aà lòo dzə, a suúy a dzə̀ vinyo ve ví kér mvə́m, e yàr kiyúŋsì, bo à yií a dzə ŋgaà ntum wom, é wír vìne nèn kfə̀n é bàm, e yèn wò, é la yòʼ dù wò, e yèn áwune.

Jeremia 18:11

Á bèy Jeremia, bo dzə̀ lèn ji à yoŋ e wír veé Juda wùn à ve á dzə́ e Jerusaleme ji Nyùy Tàr suuy a jii, ‹Vèn leéy, e yèn, m sí siysì ŋgeʼ ye m lo, e kìʼ ven shó, báʼti mo m lo, e nəə́ ven shó. Wìr mòʼón mòʼón kú a kuvsín liì və, a màʼtì liì və wo bi, e màʼtì yíi kisaŋe.›

Sekariya 1:4

Lá áwune yòʼ a tav a kitú mo atǎr ram véví‑iì táví. Aŋgàa ntum vém vee fó mbìyi‑iì kantì áwune ji mo woo Nyùy Tàr woo Taà Mànjòŋ‑eè suuy a jii, á biner á melív mev, e yàr fó a yiì liì kisaŋ. Yii bèy, áwune tén fóo yunín mo. Kù suuy mo woo Nyùy Tàr.

2 Wòŋ 34:33

Fòn Josia nèn lo, e laàr kinyo kee ji anyùy fo wír veé Israyí nsay, e nèn a banrí áwune, á wáa cù a dzə̀ Nyùy Tàr woo Nyùy wov. Yì‑iì dzə̀ e wun ghan sé saʼ, bó wíri yòʼ‑oò lo ghàn yàr fó a cù Nyùy Tàr woo Nyùy atàr vév.