Jeremia 39:3 - ŊWÀʼ NYÙY

³ Mo á sùmèn Jerusalem bèy, vé saʼ fòn woó Babilone nèn dù, e màʼ antaʼ vév é Shùu Kày Kintìntìne. A vé‑eè dzə̀ jii, Nergal‑Shareser, Samgar‑Nebo, Sarsekim woo kitú kév, à wùmòʼ woo Nergal‑Shareser woo kitú kév kímóʼ kí, e bóo lì vé saʼ ámóʼó.

Jeremia 39:3 Referans Kwoze

Jeremia 38:17

Jeremia nèn yòŋ e Tsədekiya ji Nyùy Tàr woo Taà Mànjòŋ, wun woo Nyùy wìr veé Isray yoŋ a jii, «A fòn lòo dzə, e lì kitú kfə́, e dù, e shwì vilìmbìy ve fòn woó Babilon sho, bo fòn yíi lùŋ, é la á yòʼ dzəə yiì tòn a ŋkàlaʼ rə̀n e və́yí. Bo fòn wùn à kfə́ə rəə́ wàa yíi gòʼ atin.

Jeremia 21:4

«Vèn du, á sùúy e Fòn Tsədekiya ji Nyùy Tàr woo Nyùy wìr veé Isray sùúy a jii, ‹Vèn leéy, e yèn mo fòn woó Babilon wùn à vé rər vəə́ gìŋèn ŋkàlaʼ yen, e kaàrí, e tàr. Vèn yíi fəə e vifá ve rər ví, taáme áwune shó, é m biner ji kifá kisáŋ. Rúrú, m yíi lì aŋgaà vén vibàn, e nəə́ sho e ntìntìn ŋkàlaʼ fèn.

Jeremia 39:13

Á bèy, Nebusaradan woo mfòóme anshìy fòn wùn à vitú ve saʼ vee ji Nebushasban wùn Nergal‑Shareser, à kibér ke vé saʼ fòn woó Babilon ki

Jeremia 1:15

Kú a kiíy jii, m sí lo, e toóy vitúm veé mbìv yee kuy vidzə̀m. Afon véví yíi wìy, e màʼ akàvàʼ vév é shuù se kày seé Jerusalem. Á yíi nəə́ Jerusalem e rə́r sí, e bvəʼ kay yév e dzə̀m, e kù yiì bèy ŋkà se laʼ seé Juda sidzə̀m. Suuy mo woo Nyùy Tàr.

2 Afòn 17:30

Wír veé Babilone fèr shibvə̀m she nyùy woo Sukkot‑Benot, veé Kutàa fér shibvə̀m she nyùy woo Nergal, wír veé Hamati fér shibvə̀m she nyùy woo Ashima.

Esiker 26:10

Nyám sév sé ŋkoʼ si wíy a dzə nyanyày, e koʼór kibvər ke dzə̀ kí sùm ven. Á wíy bvəʼ kay, fòn wùn à vé rərí lóo sheemé e ŋkàlaʼ wùn à nyám se ŋkoʼ si, à viténtén vé rər ví, é njèʼèr wáa koʼ, é virə́v vé kày vi wáa sə̀ʼ.