Jeremia 39:2 - ŊWÀʼ NYÙY

² Kiyá ki meé ji nshòv mòʼón e ghvə̀m mo Tsədekiya‑aà saʼan ne vifon, á nèn bvə̀ʼ kay yeé ŋkàlaʼ, e tòsín, e sùm fó. A yì‑iì dzə̀ é kishiíy kee bvə̀ʼə̀, e ŋwee woo kweè.

Jeremia 39:2 Referans Kwoze

Tsəfaniya 1:10

Wíy lòo dzə e kishiíy kee shooy, é tóŋe wáa koʼ fo shùu kày wo á yoŋ ji wó sə. Shirəə́ shi wíy a koʼ fo mvə̀mlaʼ ye fíy, aá wáa yu kiléŋléŋ ké lav se sí keesì fo gwan. Suuy mo woo Nyùy Tàr.

Esiker 33:21

Yì‑iì dzə̀ é kishiíy kee tàn, e ŋwee woo ghvə̀m, e kiya ke kí‑iì sí mee ji nshòv sibaà e ghvə̀m, mo vèr‑iì siìn é kwaʼ nsàm, wìr wùmòʼ léʼ fó Jerusalem, e wìy, e tiìsí e mò ji ŋkàlaʼ gbù a ne.

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Jeremia 1:3

Wù kfən sùŋnín e wun e ghan se Jehoyiakim‑eè yiin ne ntaʼ tàr wov woo Fòn Josia woó Juda. Wù kú a suŋnín bèy, e dù, e mèé e ŋwee woo tàn e kiya kee nshòv mòʼón e ghvə̀m mo vé‑eè siiyin, e kòʼór Tsədekiya wo dzəə̀n sá wan Fòn Josia. Wù màysì, e sàʼ vifon veé Juda, a sì é ghan se vé‑eè koorin wír veé Jerusalem, e fəə̀ shó fo wòŋ.

Jeremia 32:1

Nyùy Tàr‑iì sùŋnín e Jeremia, a Tsədekiya sáʼ ne vifon e Juda kiyá e ghvə̀m, a dzə̀ sá kiyá ke kí‑iì meen ne ji nshòv waamé e ghvə̀m mo Nebukadnessar‑iì saʼan ne vifon və́ é Babilon.

Jeremia 34:22

Vèn yuúri yù, m wíy fo sáʼ, é vé rər veé Babilone kfə́n, e nə̀ə́ ŋkàlaʼ rə̀n e rə́r sí, e sùm fó, e tòn e və́yí. M wíy laàr sa ŋkà se laʼ seé Juda, é fóo du é vifə̀m, é la kiŋkwir ke wìr ki yòʼ a kùm fo. Suuy mo woo Nyùy Tàr.»

Jeremia 37:8

Aá ló kfən, é wír veé Babilone siir ŋkfənèr, e nə̀ə́ ŋkàlaʼ rə̀n e rə́r sí, e faàsì fó, e tòn a e və́yí.

Esiker 4:3

À yii, áà nèn lì kikáŋ kee kisha, e tìír moo kirə́v ké kày, é kí wáa dzə e vèn à ŋkàlaʼ ntìntìn. Kú a tuytí síi e ŋkàlaʼ wùn, kù moo ji á gìm a ne bèy, a kù gim wò. Kee shooy ki sì kisəəm fo wír veé Israyi.

Esiker 5:2

Vishiíy ve á faasin ŋkàlaʼ vi mayì, à lì kintóʼ kee kimòʼón ki fo vee vitaár vi, e tòn e ntìntìn nsáŋti ŋkàlaʼ. Lì kintóʼ kímóʼ kí, e neèr, e kaàrí ŋkàlaʼ sho, e shètì e nyùy rə̀r. Maysì kintóʼ kímóʼ kí, áà táʼár é shwer, é m shóʼ nyùy yem rə̀r fó kiburúʼ, e shèm shó fo bàm.

Sekariya 8:19

ke suuy Nyùy Tàr woo Taà Mànjòŋ ki dzə̀ á jii, «Ven vee wír veé Juda, jíŋ ye vèn‑eè lem e ŋwee woo kweè, kfə̀n lem e tàn ŋwee, lem sa e saàmbà ŋwee, e bóo lì yeé ŋwee woo ghvə̀m, wíy a dzə lèn ŋkàʼ sé kisheʼrì wùn à sé vijùŋ si fo vèn. Kí nén a dzə jii, vèn kú a tiy e suuyrú, a tiy a dzə̀ é nyaáŋ.»