Jeremia 32:8 - ŊWÀʼ NYÙY

⁸ Fər wom Hanamel nèn yiì wìy, e yèn mo é kibùʼ ke nshèelav fo mò‑oò dzəə̀n, kù mo Nyùy Tàr kì yòŋèn e mò, e nèn yòŋ ji m yún á súm və́ wo wú dzəə̀n é Anatot, e nsay Benjamin, bìʼ á fo kér a mo ghay wóo tin kirə́ʼ kee shooy, e yun ji kém. M nèn kìíy rú ji kì sùŋnín á Nyùy Tàr e mò.

Jeremia 32:8 Referans Kwoze

Jeremia 32:7

«Leéy, e yèn, Hanamel woo wan Shallum woo fər tàr won yíi wìy, e yen wò ji à yún á súm və́ wo wú dzəə̀n é Anatot, mo dzəə̀n wò wir kfəə woo fó mentsə̀m wo a dzə̀ wù yùn.»

Jeremia 32:2

Wáa dzə e ghan fen, a vé rə́r fòn woó Babilone gím Jerusalem, e sùm fó e rə́r sí, a Jeremia woo *ŋgaà ntum Nyùy dzə̀ é Jerusalem, aá fín wun e kibùʼ ke nsheèlav ke kí dzəə̀n é ntoʼ Juda.

Jeremia 33:1

Jeremia wáa dzə e mvə̀m kibùʼ ke nshèelav fo vé‑eè fìnèn wun, Nyùy Tàr nèn kfə̀n lò sùŋnín e wun fo ji akàŋ abaà.

1 Afòn 22:25

Mikayia bìnèr jii, «À wíy kiíy a dzə̀ é kishiíy ke à wíy nəə́, a laáy e wàn lav woo fó mvəə́mvəm.»

Joon 4:53

Wù nèn kìíy ji dzə̀ á ghán se Jesus‑ee suuyin ji wàn yíi lùŋ. Wù nèn wày shilív e Jesus wùn, wír vee wùn laʼ adzə̀me wáy sá.

Sekariya 11:11

Mensaŋ mèn mè ku nèn ndzə̀ŋtí e kishiíy fóo fèy. Njiì woo wo ŋgeʼ və̀y yén, e nèn kìíy ji Nyùy Tàr súŋnin, shaa a fo kinyò ke m yiìn kin.

1 Wòŋ 6:60

E nsay rám Benjamin, vé‑eè fò áwune ŋkà se laʼ see Geba wùn à Alemet, à Anatot. Vé‑eè fó bèy, fó kwáʼ bvəy woo fó. Ŋkà se laʼ se vé‑eè jàvìn e rám Aarone mo kfə́ə sév sí dzə̀kìn, sí nén a dzə nshòv sitaár e ghvə̀m.

1 Afòn 2:26

Fòn Solomon nèn sùúy e Abiyatar jii, «Lò a dù e wò kirə̀ʼ é Anatot. À kì kér fóo kpu, yii bèy, m yòʼ‑óò yúyrí wò lèn, bìʼ fo wò‑oò béʼ ŋkùv mensàŋ Nyùy Tàr woo Taà Ndzə, aà dzə̀ vèn tàr wor Davir. À kfə̀n‑eè yén sa ŋgeʼ se wù‑uù yéné.»

Jeremia 1:1

Ŋwàʼ və̀ne dzə̀ wó vinyò ve Jeremia, a wù‑uù dzə̀ é ŋgoo atàá cù ve vé‑eè dzə́ e ntèʼ yee Anatot, e nsay rám Benjamin, a yír tàr woví‑iì dzə̀ Hilkia.

Jeremia 32:25

Àshè, Nyùy Tàr woo Taà Ndzə, kfə̀n lò ne wò lèn, e sùúy ji m fəə́r á mbàm, e yùn á súm woo shoon, a ker sa anjen fèn, aá sí lo, e way ŋkàlaʼ rə̀n e wír veé Babiloné kiwo.»

Jeremia 37:12

Jeremia nèn a fəə fo ŋkàlaʼ ji wun du e nsay Benjamin, e dù, e sə rə́ yee kéŋ aàfə́r vəə́ mvəm.

Esiker 12:7

M ku nèn yiì mo Nyùy Tàr‑iì yòŋèn ji m yii, e lì vibam vém e shùy moo vé ŋgaà nsàm. Lòo dzə e ŋkuùr, m bùʼ shuu e kirəv ké lav, e kiwó kém kí, e fə̀ə́r vifá vém dzə́ə fó fo. M ŋáʼáy, a dù e vibam vém ví mbèʼ, a ndzə sí sə́né, aá yéné.