Jeremia 32:5 - ŊWÀʼ NYÙY

⁵ Fòn woó Babilon wíy lì Tsədekiya, e dù sho e Babilon. Wù du, é wù kú a dzə fo, e meé mo wún wómé wíy bòŋ. A Tsədekiya fə̀m lò, a fùnèn wír veé Babilon, bo wù yòʼ‑óò só áwune. Suuy a Nyùy Tàr.

Jeremia 32:5 Referans Kwoze

Esiker 17:15

Yii bèy, fòn və̀y nèn wìy lò, a nə̀r kóy, e tsə̀nsí vé ntume é Ejiv ji wun koóy á shúu rər fó fo nyanyày, wo wú kér nyám se ŋkòʼ. A kù yòʼ dzə̀ wù tàm á? A bùʼtì wír vinyo bèn, wù kù yòʼ lèʼ kpú a? A wù yàʼáy kilìʼ ké mensàŋ, wù kù yòʼ nyèŋ á?›

Jeremia 39:7

Wù‑uù fə̀tí sí se Tsədekiya, e nèn tàŋsìn wun aàsháŋé, e lì, a dù sho e Babilon.

Jeremia 33:5

Yii bèy, a wír ve á búʼ ji á sə́ vitú vév víne kù yíi kpu rə́r, é fóo rún e dzə́n sé wíri sí. Á kù yíi kpu bìʼ dòʼshwíiy wom wo wù koʼon é ŋàŋ. M yíi rəʼ sí yém fó ŋkàlaʼ fèn, a dzə̀ bìʼ vinyo ve kisaŋ vi vidzə̀m ve áwune yii.

Jeremia 27:22

«Vifá vee shoon vi dzə̀, aá wíy lì, e dù sho e Babilon, é ví goʼ fó, e wìy dù, e meé mo m wíy kòŋ ji m siir é bàm, é m nèn lì, e kfə̀n shó e bàm, e lèm e kirə̀ʼ fen. Suuy mo woo Nyùy Tàr.»

Esiker 12:13

Á bèy, é m nèn sàŋrì lálán wom, e koò shó moo kitám bèy, e lì, e dù sho e Babilon e nsay Kaldea, é wù kpú fó, a bó wù yoʼ yèn nsay yee shooy e sí rəə́.

Jeremia 37:10

A fə̀m lò a dzə ji vèn gháʼ vé rər veé Babilon ve vèn áwune maʼ rə́r, é bér ve á lemkin, a neŋnín e tàv sí, bo á kù lo, e nànèn, e tòn ŋkàlaʼ rə̀n e və́yí.› »

Jeremia 2:37

Vèn wíy lò sa fo fo, e wóo kitu. Mo woo Nyùy Tàr mèŋ ne wír ve vèn tiirin vifií e wùn wó, a bó yòʼ dzə̀ áwune sə̀ ven gheéy.»

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

2 Wòŋ 24:20

Á bèy, Kiyoy ke Nyùy ki nèn dànèr Sekariya woo wan Jehoyiada woo taà cù, wù tiím e wírí mbìy, e sùúy jii, «Ke Nyùy Tàr suuy ki dzə̀ jii, vèn tèn fó yunín nsər se Nyùy Tàr, e jàŋ lòn e věn kitu bèn bìʼ ka? Vèn bìn ne ndzə̀m e Nyùy Tàr, wù nen bìn ndzə̀m e vèn.»

2 Wòŋ 13:12

Vèn leéy, Nyùy dzə̀ vèr áwune, a shém wun mbìy. Atàá cù vəə́ dzə̀ kibáʼtín fó toŋ sóŋ, é vèr nəə́ ven e rə́r sí. Ven veé Isray, lá vèn yòʼ a fùnèn Nyùy Tàr wo dzəə̀n Nyùy atàr vén, bìʼ fo vèn yòʼ yíi so.»

Kintaŋ 14:41

Mooser dzə́r jii, «Vèn káy jí Nyùy Tàr ji ka? Kí yòʼ yíi dù.

Jeremia 32:6

Nyùy Tàr nèn yiì lò, e sùŋnín e mò woo Jeremia, e sùúy jii,

Jeremia 32:24

«Leey, e yèn, wír veé Babilone yàvtí ne vikfə́r ve tiy, e kaàrí ŋkàlaʼ sho ji á nəə́, e sùm. Á bèy, a rə́r wùn à jiŋ, à kifə̀ʼ ki lo, e way áwune áàŋgàa vibàn ve á taáme áwuneé wo, aá sum. Kí à yén ji kinyo ke wò‑oò suuyin kidzə̀m ki sí kooyì.

Jeremia 39:5

Yii bèy, vé rər veé Babilone wáa jùm áwune, e koò Tsədekiya e mboʼ yeé Jeriko. Mo á koon bey, e nèn lì, e dù, e fò e Fòn Nebukadnessar woó Babilon, a wù dzə̀ é Ribla, e nsay Hamat. Wù nèn tìnén mo á yii e Tsədekiya.

Yòvdìy 1:14

«Nyùy Tàr bàʼtí ne nyanyày ajay vém, e kùr é kimbùŋ e wó rəə́. Wù neèr ne e mǒ mbèʼ, m wéʼ. Wù wáy mo áàŋgaà vém vibàné wo, a bó yòʼ dzə̀ m bòy fo áwuné wo.

Esiker 12:12

Taà saʼ wo wù sáʼ áwune wíy tur vibam və́, e deèvì e mbèʼ, a ndzə sí sə́né, a tùr sho fo mbìy. Áwune wíy bùʼ shuu e kirəv ké lav, é wù meé fó fo, a wù sə́tí sí rə́ fó a yen woŋ mo wù du.

Jeremia 39:4

Vé‑eè lóo sùm fó, Tsədekiya woo fon Juda wùn à vé rər və́ adzə̀me yén, a wír veé Babilone sí nəə, á nèn sàm fó ŋkàlaʼ vitsə́ʼə́, a leʼ, a dù dzə́ə fo fòn sum, e shaà fo nsàn virə̀v vé kày vee vibaà, e nèn a dù e mbìv Araba.