Jeremia 32:1 - ŊWÀʼ NYÙY

¹ Nyùy Tàr‑iì sùŋnín e Jeremia, a Tsədekiya sáʼ ne vifon e Juda kiyá e ghvə̀m, a dzə̀ sá kiyá ke kí‑iì meen ne ji nshòv waamé e ghvə̀m mo Nebukadnessar‑iì saʼan ne vifon və́ é Babilon.

Jeremia 32:1 Referans Kwoze

Jeremia 25:1

Viyá vi‑iì mèé vikweè mo Jehoyiakim woo wan Josia‑aà yiin vifon e Juda, Nyùy Tàr nèn sùŋnín e mò woo Jeremia kùm wír veé Juda adzə̀m. Kiyá kee shooy ki‑iì dzə̀ ké mbìy ki ke Nebukadnessar‑iì yiin vifon e Babilon.

2 Wòŋ 36:11

Vé‑eè kòʼór Tsədekiya ji fon woó Juda, a wù dzə̀ kiyá nshòv mòʼón e mbaà, wù sáʼ vifon kiyá nshòv mòʼón e ghvə̀m, a wù dzə́ e Jerusalem.

Jeremia 21:1

Nyùy Tàr kfən lò, e tiìsí ntum rə e mò, a ghán sin si‑iì dzə̀, a Fòn Tsədekiya woó Juda tsə́nsí ne Pashur woo wan Malkia, wùn taà cù Tsəfaniya woo wan Ma‑Aseyia ji á wiy, e yèn á mo woo Jeremia ji

Jeremia 27:1

Tsədekiya woo wan Josia‑aà yì vifon e Juda, shintàm shi lòo dàr, Nyùy Tàr súŋnín e mò woo Jeremia.

Jeremia 34:1

Yì‑iì dzə̀, a Fòn Nebukadnessar woó Babilon wùn à vé rər vəə́, à vitúm veé kitu ke nsay ve ví dzəə̀n e wun sar saʼ vi tátí, a fùnèn wír veé Jerusalem wùn à ntèʼ seé ghaŋ wo si, Nyùy Tàr súŋnín e Jeremia.

Jeremia 52:29

Wáa dzə a wù sí sáʼ ji kiyá nshòv waamé e ghvə̀m, wù kuúy ámóʼó fó Jerusalem wír nshòv sibaà e mtaár e ghiì waamé (832).