Jeremia 30:3 - ŊWÀʼ NYÙY

³ Leéy, e yèn, ghán sí sí gheenè se m wíy siìr vijuŋ ve wìr vém veé Isray wùn à veé Judàa. M yíi siìr áwune é nsay ye mò‑oò foon ne aàtàr véví, aáwune nèn yì vitsə́ʼ vév.»

Jeremia 30:3 Referans Kwoze

Jeremia 29:14

é m yii, é vèn yén. Suuy mo woo Nyùy Tàr. M wíy siìr vijuŋ vén e vèn. M wíy baʼtí ven fó vitum vidzə̀m, à fó virə̀ʼ ve mò‑oò taʼarin ven, á dùkìr sho vi, e nèn lì, e kfən sho e kirə̀ʼ kee fo mò‑oò jùmèn ven, é bo vèn du, a dzə e kwaʼ nsàm.» Suuy a wun woo Nyùy Tàr.

Jeremia 16:15

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo wòŋ kùyi, à fó vitum ve wù‑uù jùmèn áwune, á dù, a dzə sho.› E ké ru kí, m wíy siìr áwune e yéev yee nsay ye mò‑oò foon áàtàr véví.»

Esiker 20:42

Á bèy, é vèn wìy kìíy ji m dzə̀ á Nyùy Tàr, a m lí ne ven, e dù sho e wòŋ woo Isray, woŋ, wo mò‑oò kàʼàn atàr vén shó.

Jeremia 30:18

Nyùy Tàr suuy jii: «Vèn leéy, e yèn, m sí yìi rər mendzən me rám Jakov, e siìr vijuŋ ve laʼ sév fó. Á wíy bàʼrì ŋkàlaʼ yev fo yì‑iì dzəə̀n, é ntoʼ yev kú a dzə sa fo yì‑iì dzəə̀n.

Tsəfaniya 3:20

Rúrú, m wíy baʼtí ven é ghan see shó, e siìr ven e věn melaʼ. M wíy siìr vikuʼùy vén fó, é vèn yén e sí yéné. M wíy yiì, é vitúm vidzə̀m vi wáa yòŋ yír yén. A yòŋ bèy, kitú ke nsay kidzə̀m, a burí ven.» Á mo Nyùy Tàr suuyin.

Jeremia 33:26

bo m wíy meŋ rú rám Jakov wùn à yé Davir woo ŋgaà lìm wom, e làa yòʼ wìy shoʼ wír fo wun ram ji wù wáa saʼ a rám Abraham wùn à Aysi, à Jakov. M wíy siìr vijuŋ vév fó, a sham áwune.»

Jeremia 32:44

Wíri kù wíy a fətí mbàm, a yun sho, a saŋ aŋwàʼ njun, áànjene wáa wayrí wó sho, a fìnèr. Á kù wíy a yiì bèy e nsay Benjamin, a yiì bèy e ntèʼ se sí kaarin Jerusalem, a yiì bèy e ŋkà se laʼ seé Juda, à se sí dzəə̀n é mbìv wòŋ yee agwan, à se sí dzəə̀n é mbìv Shefela, à seé Negev si, a dzə̀ bìʼ fo m wíy siìr woŋ wóv aáwune. Suuy mo woo Nyùy Tàr.»

Hibru 8:8

A Nyùy‑iì lo yèn sá ji mè gháʼ a wíri, bìʼ fo wun woo Nyùy Tàr‑iì suuyin jii: «Ghán sí wíy gheén, é m gwar mensaŋ me fíy mè vèr à wír veé Israyi, à veé Judàa.

Joel 3:1

Nyùy Tàr suuy jii: «Rúrú, wíy lòo dzə e ghan see shooy, é m siir vikuʼùy vé wìr veé Juda fo, à vé Jerusalem vi.

Esiker 36:24

«Kí dzə̀ jii, m wíy baʼtí ven fó virə̀ʼ, e fəə́r fo vitúm ví mvəm, e lì ven, e dù sho e yéen yee nsay.

Nsùyrì Nyùy 53:6

La Nyùy sí ri yiì, é luŋ wìr veé Israyi lo fó Sion a. Rúrú, Nyùy Tàr wíy lòo siìr vikuʼùy vév, é rám Jakovi wáa sheʼrí, é wír veé Israyi wáa sàvnìn.

Ŋwàʼ Luk 21:6

«Vèn léŋri vifá vìn bèn, a kishiíy kí wíy gheén, aá ker vidzə̀m, é la tíy yímóʼó yòʼ gòʼ e yímóʼó kitu.»

Ŋwàʼ Luk 19:43

Ghán sí wíy gheén, áàŋgaà vén vibàné wiy, e bòm kay, e gìm láʼ yén, e tàr, e sə̀tí ven.

Ŋwàʼ Luk 17:22

Wù nèn a suŋnín lèn a dzə̀ e wón və́ lìme jii, «Ghán sí wíy gheén se vèn wáa ker shií fó kfə̀n yen ŋgaà wo yírí dzəə̀n *Wanwìr, a fə̀m dzə̀ kishiíy kimòʼón, e làa yòʼ yen.

Esiker 47:14

Kibér, áà jav réŋréŋ. Mò‑oò lo kàʼ atàr vén e nsay rə̀n, á bèy, sì vitsə́ʼ vén.

Jeremia 32:37

Vèn yuúrí, e yù, m wíy jùm wír veé ŋkàlaʼ fèn, aá du é vitum, é m kfən wìy bàʼtí áwune fó fo, e siìr fèn. A m kù wíy baʼtí fo vitum vidzə̀m, fo kilòŋ kí‑iì shwiiyin mo, dòʼshwíiy wom wo tavín kóʼ, kí nyár mo, m jùm áwune, á dùkìr. M siir áwune é nsay fèn, é m nèn a kìŋsìn, aá wáa dzə kijuŋ,

Jeremia 31:38

«Vèn leéy, e yèn, ghán sí wiyì, se á kfə̀n wíy bom ŋkàlaʼ Jerusalem ji ye Nyùy Tàr, e kèʼ fo Kirùmèn ke Hananel, e dù, e bàʼ e Shùu Kày woó Kimbvən. Suuy mo woo Nyùy Tàr.

Jeremia 31:31

Nyùy Tàr suuy jii, «Vèn leéy, e yèn, ghán sí wíy gheén, é m gwar *mensaŋ me fíy mè vèr à wír veé Israyi, à veé Judàa.

Jeremia 31:27

Nyùy Tàr kfən lò, e sùúy jii, «Á yuúrí, e yù, ghán sí wiyì se m lo, e yiì, é wíri wùn à nyám si wáa tsəə̀tìn tsəə̀tìn é nsay Isray, à ye Juda.

Jeremia 30:10

Éè rám Jakov, vèn dzə̀ ji aŋgàa lìm vém, lá vèn yòʼ a fàn. Éè wír veé Isray, lá vèn yòʼ a yàʼ. Suuy mo woo Nyùy Tàr. M wíy bòyìr rú vèn à rám yéné fo vitúm veé ndzəywoŋ ví wo, vitúm, fo vé‑eè koon ven, e dù sho, á wáa rèŋ vikwàn. Rám Jakovi wíy kfən e bàm, a dzə dzə́ yee nyaáŋ, a dzə akiŋsìn, wìr wó a bemér áwune yòʼ wíy a dzə.

Jeremia 27:22

«Vifá vee shoon vi dzə̀, aá wíy lì, e dù sho e Babilon, é ví goʼ fó, e wìy dù, e meé mo m wíy kòŋ ji m siir é bàm, é m nèn lì, e kfə̀n shó e bàm, e lèm e kirə̀ʼ fen. Suuy mo woo Nyùy Tàr.»

Jeremia 27:11

Yii bèy, a kitúm ke kí wíy a yunín fon woó Babilon, a lìm fo wun, m wíy màʼtì, é kí wáa dzə e rə́ə yee nsay, a lìm fó.› » Á kinyo ke Nyùy Tàr suuyin.

Jeremia 23:5

«Vèn leéy, e yèn, ghán sí wiyì, se m wíy yiì, é tám woo réŋé fəə́ e Davir ram, é m kóʼór ji fon. Wù wíy a saʼ vifon və́ é dzəə yee réŋ, a tinén vinyo tìítiy, a yiì a dzə̀ vinyo ve ru ví é wòŋ. Suuy mo woo Nyùy Tàr.

Esra 3:12

A ŋgày sé wìr se sí‑iì yenen lav cù yee ye mbìy si‑iì dzə̀ fó. Ámóʼó‑oò dzə̀ atàá cù, ámóʼó, wír veé ram Levi, é bo ámóʼó wáa dzə atǎr kfəə. Áwune yén, aá kfən wày kinsə̀ŋ ke lav cù wáyín, kùʼùn wìr vee shooy nèn bùr kév a dzə̀ tóŋ. Yii bèy, a màŋgòŋ kù‑uù shéʼri kév sheʼrín.

Esra 3:8

Wáa dzə e ŋwee woo baà fó kiya ke kí‑iì meen ji baà mo áwune‑eè kfənen é Jerusalem, e kirə̀ʼ ké lav Nyùy, á nèn kèʼ lim ji á kfən bàʼrì a lav Nyùy fo. Wìr dzə̀m wo wù‑uù kfənen é Jerusalem tátí, a lìm, e kèʼ fo Serubbabel woo wan Shealtiel wùn Jeshua woo wan Josadak, e lì atàá cù wùn à wír veé ram Levi adzə̀m. Áwune‑eè lèm wír veé ram Levi vee kèʼ fó kiya mbaà, a koʼ koʼón ji á wáa leéy a kibaʼrì ke lav Nyùy Tàr ye á kfə̀n baʼrì rə̀n.

Esra 3:1

Mo wír veé Israyi kfənen, wáa dzə e ŋwee woo saàmbà, a wìr dzə̀m dzə́ʼə́m ne e wun kirə̀ʼ, á nèn wìy e Jerusalem wír adzə̀m, e bàʼtí ji wír amòʼón.

Remrí 30:3

bo Nyùy Tàr woo Nyùy won wíy rər mendzən men, e baʼtí ven fó vitum vidzə̀m vee fo wù‑uù tsənsin ven. Báʼti, é wù siir vikuʼùy vén fó.

Jeremia 31:23

Nyùy Tàr woo Taà Mànjòŋ, wun woo Nyùy wìr veé Isray suuy jii, «M wíy siìr wír veé Juda fo kwaʼ vikwàn. Á wíy a yòŋ, à ve á dzəə̀n é ntèʼ sií shó jii: « ‹Nyùy Tàr ku səə̀vì gwan wun woo Nyùy wo ranén, kirə́ʼ ke dzəə̀n ké vinyò ve ru ví.›

Remrí 30:5

Nyùy Tàr woo Nyùy won wíy siìr ven é nsay ye atàr véné‑eè kérí, é vèn yov, a wù wíy bùʼ ven, é vèn wáa ker bùʼ e ŋàŋ, e kfə̀n a dzə wír nyanyày, e shaà mo atàr véné‑eè dzəə̀n.

Jeremia 3:18

Ghán sin si dzə̀, a wír vén vee rám Juda wùn à vee rám Israyi wíy tatí, e fəə fo vitum veé mbìv yee kuy, e kfən e nsay ye mò‑oò foon áàtǎr ram véné ji vitsə́ʼ.› »

Jeremia 29:10

Nyùy Tàr kú a suúy jii, «Kiyá kee msaàmbà ke á lèmèn ji ké vifòn veé Babilon ki wíy shaà, é m nèn bìnkìr, e lèéy ven, e yiì kinyo ke mò‑oò kàʼàn ven shó, e lì ven, e kfən sho e věn wòŋ.

Jeremia 30:4

Kinyo ke Nyùy Tàr‑iì suuyin kùm Isray wùn Juda ki dzə̀ jii:

Jeremia 31:16

Nyùy Tàr yoŋ e wun jii, «Sə́sín, lá à yòʼ dzə́ə a dìy, sòr mensíy mè fo wò si. M wíy laamé wò bìʼ wón vé ve wò‑oò lìyìn. Áwune wíy kfən e bàm fo aŋgàa vibàné nsay. Suuy mo woo Nyùy Tàr.

Jeremia 51:60

Jeremia‑aà sàŋ kiŋkur ke ŋwàʼ, e naàrì ŋgeʼ sìn sidzə̀m se sí lo, e gbù e Babilon kitu. Wù‑uù sàŋ vinyo vidzə̀m ve Nyùy Tàr‑iì yòŋèn e wun kùm Babilon.

Nsùyrì Nyùy 126:4

Éè Nyùy Tàr, ku siìr lèn vikuʼùy ve vèr‑iì kér vi e vèr, ku siìr réŋréŋ mo à lo, à siìr ndzə́v é kirə̀ʼ ké woʼ keé Negev.

Esiker 34:13

M wíy fəə́r áwune fó vitum, e baʼtí fo wòŋ see shooy, e kfən sho aáwuné nsay. M wíy a yiír áwune áàgwan veé Isray, a yiír e ŋguùŋè si, e kù a yiír e virə̀ʼ ve wíri yii dzə́ sho e nsay foo fèy.

Tsəfaniya 2:7

Wír veé Juda ve á wíy beri wíy yòv ŋguùŋè rìbà ndzə̀v. Áwune wíy a yiír nyám si fó, ndzə sə́né, aáwune shiíy é lav se wìr veé Ashkelon. Nyùy Tàr woo Nyùy wov wíy kuumé áwune, e siìr vikuʼùy vév fó.