Jeremia 3:9 - ŊWÀʼ NYÙY

⁹ Wù yòʼ‑oò lo yen jay Isray wù wáa meé e kinyò, wù nèn bìvír nsay, mo wù ŋwáy mo, ghán, cu vilán wùn à vicí ví.

Jeremia 3:9 Referans Kwoze

Jeremia 2:27

Ven vin, vèn yoŋ e kicí kí jii, ‹À dzə̀ tàr wor,› yoŋ e kilán ki jii, ‹À dzə̀ yè wor wo wù‑uù dzəən ver.› Vèn yòʼ wiy fo mǒ wùn, vèn kù sí bin a dzə̀ ndzə̀m e mò. Yii bèy, ŋgeʼ si nəə, vèn nèn a toŋ ji m wiy, e sə̀ ven.

Jeremia 3:2

«Nàn sí yée, e lèéy vitú ve agwan vi. Kirə́ʼ kí dzə̀ shó ke bó à yoʼ bìvír e visàkì vé vi á? À lo, à wàa teʼ aŋgàa viŋkar vé e ghaŋ se dzəə, a teʼ mo ŋgaà kimfaàsì tèʼ mbèʼŋkùm e woʼ. À bìvír ne nsay e visàkì vi, liì wò kisaŋ yiì ne, nsay fóy.

Aysaya 57:6

Vèn lì ne ji vèn wáa cù tíy se lerìsìn seé sar se koŋ ji anyùy vén. Vèn sər meluʼ e nsay ji vèn cu anyùy vìn sho, li vifá ve yi, cu áwune shó. Vèn kwaʼ ji m shéʼri kinyo ke vèn mumè à?

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Jeremia 2:7

M ku lì ven, e wìy sho e nsay njòŋ, e wìy sho ji vèn wáa bòn a vifá ve juŋ ve ví fəə́ fo fo. Vèn nəə́ fó, e nèn bìvír nsay yem bívírín, e yiì, nsay yem kfə́n ji ye *kifàn.

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.

Hosea 4:12

Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.

Esiker 23:10

Á nèn sòr ndzə̀y fó wùn wó, wù gòʼ kilor. Á kuúy wón və́ vee vilum wùn à vee vikìyí, e nèn seè wun e nyùy rə̀r. Mo lòné nəən wun bèy, vikìy nèn lì yír rə́ é shuù, virə́ʼ vidzə̀m, ji shaàshèʼ.

Esiker 16:17

À sii kfə̀n lì vifá ve sùsù vee kisha ke mbàm ke baar kí, à ke fəvír kí, ve mò‑oò foon e wò, e fèr mebvə̀m sho e njà vilum, a dù viŋkar fo áwuné wùn.

Matio 5:32

Yii bèy, m nén a dùŋrì kém ke duŋrì mo jii, a wìr lòo dzə, e fə̀ə́r wiíy və, la wáa dzə ji wù kì ghán viŋkar, wù du, e nə̀ə́ e wìr lav, bo wù yiì ne, wiiy və dú a dzə̀ viŋkar. Wír wo wù wayin é lav lí sá a dzə̀ wiiy wìr.

Jeremia 16:18

M wíy tombìy màʼ ŋgeʼ aáwuné kitu, e kfə̀n dzə̀sì ji vilaʼày vév vé yiì ye bií wùn à vé ajay vi. Áwune bìvír ne nsay yem e mebvə̀m mè, vifá, a ví kóʼoyì, a bó ví yòʼ ŋeʼè, mè kù dzə̀ moo dzə́n sí. Áwune rùnér ne nsay ye mò‑oò shavin ji yéem e vifá ve ví kóʼoy mo ví.»

Esiker 23:3

Á nèn lò, a yiì visàkì e wòŋ woo Ejiv, fo vé‑eè dzə́, aá dzə̀ə́ wónlè, e nèn màʼtì vilum wáa tay vín yév, a yí rúnkír ne.

Esiker 23:21

Á bèy, wù ku nèn a kuumé, a yiì joonè wo wù‑uù kér e Ejiv e ghan sé viŋgòn se vé‑eè caàcàn wun, e tày vín rə́ é wo, a yí rúnkír runkín.

Hosea 2:2

«Yii bèy, lèn və̀n, vèn roome Isray woo yè won. Bó wù yòʼ dzə̀ə́ yeè lav wom, a m yòʼ dzə̀ə́ lúm və. Vèn ku roòmè ji wù yar á liì joònè, e yàr viŋkar ve wù gháné.

Aysaya 57:3

«Yii bèy, ven vee wón aŋgàa səm, ven vee rám vé kinjàŋ wùn aàsàkìi, vèn kóʼtí fen, e yuùrí kinyo ke m yoŋ ki.

Joel 1:19

Éè Nyùy Tàr, m tóŋ a dzə̀ e wò. Və́yí laàr ne kwáʼ nyàm, e tòn vicí ve ví dzəə̀n é kwaʼ vidzə̀m.