Jeremia 3:8 - ŊWÀʼ NYÙY

⁸ M lò, e fò ŋwàʼ njàvsìn e Isray wo wù‑uù ŋwayin mo, e fə̀ə́r wun bìʼ visàkì ve wù‑uù yii vidzə̀m. M lòo leéy, e yèn ji bó fər və Juda woo wir kisaŋ yoʼ yèn á bèy, a fàn gheéy, wù kù fəə̀ sáa visàkì.

Jeremia 3:8 Referans Kwoze

Remrí 24:1

A tàm kí kòóy ji wìr wáy wiíy e lav, e yiì lò, e tàn shíi və, bìʼ kinyo kímóʼ kí ke kí kor shilív sə́. Wù nèn lò, e sàŋ ŋwàʼ njàvsìn, e fò shó, e fə̀ə́r fo wun lav.

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Aysaya 50:1

Nyùy Tàr nén a suŋnín, a suúy jii: «A fèn dzə̀ rú ji mò‑oò fə̀ə́r yè won woo Jerusalem, vèn dìn ri ŋwàʼ woo ji mò‑oò jùm wune. Wìr wo wù kaá mo, é bo m wáa fiìnè ven ji m laʼ kaá dzə̀ la? Vèn yuúrí, vé‑eè koòrí ven, e dù sho e kitum kímóʼ kí, a kù dzə̀ bìʼ vinyo vén ve bi ví. Rúrú, kù‑uù yiì liì won kisaŋ, é bo á koórí ven.

Esiker 23:9

«M nèn lò, e wày wun e ŋkar sə́ sé visàkì sí wo, áwune vee wír veé Assiriya ve wù‑uù diy bèn e mbòŋ.

Esiker 16:47

Bó à yòʼ‑oò lo bìʼnìn a dzə̀ liì wov kisaŋ cáʼcáʼ, yii bèy, à ló ké fo fo, e fòy fòyìn ji wòʼ, kinyo kidzə̀m.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Remrí 24:3

wìr woo shooy du, e kfə̀n tàn shií fo wun, e siì sàŋ ŋwàʼ njàvsìn, e fò shó, e fə̀ə́r fo wun lav, kìn dzə̀ ji woo shooy lò, e kpù kpuún,

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Jeremia 33:24

«Bó à yoʼ yù kinyo ke wír vìne suuyì à? Á yoŋ ji Nyùy Tàr mèŋ á ne rám yee baà ye wù‑uù shavin ji á wáa saʼ a mbìv wòŋ yee Juda, à yee Isray. Áwune yoŋ bèy, nèn ŋwáy wír vém ŋwáyín, e làa yòʼ dzə́ə a yen áwune ji kitúm.

Esiker 16:46

Jemèr yè yee ŋgàywìr dzə̀ Samaria, wo wù dzə́ wùn à wón vəə́ e mbìv yee kuy. Jemèr yè yee wánlè dzə̀ Sodom, a wù dzə́ wùn à won vəə́ é mbìv yee tsə́n.

Esiker 16:51

«Wír veé Samariàa yoʼ fə̀m bùʼtì kintoʼnìn ke vinyò ve vèn bùʼtìn. Vèn bùʼtì vinyo ve joònè ví é ŋàŋ, e shaà áwune, e nèn yiì, jemèr sén sí wáa yensín là ajay.

2 Wòŋ 21:11

Fòn Jehoram kfə̀n‑eè bàʼrì virə́ʼ vé anyùy aàgwan veé Juda, e nèn yiì, wír veé Jerusalem, à veé Judàa máʼáy Nyùy Tàr, a cù a dzə̀ anyùy.

Jeremia 5:7

Nyùy Tàr suuy jii: «A dzə̀ m làysìn ajay vén é le? Wón véné màʼtì ne mo. Á sí kan a dzə̀ anyùy kisaŋe. M yìír áwune, á kúr, e kù cì kwán a dzə̀ é kinjàŋ, du, dzə́ a dzə̀ wùn aàsàkìi.

Esiker 23:44

Yii bèy, á ku nèn a shiíy e vikìy víne réŋréŋ mo vilum shìíy aàsàkìi. Vilum vìne ku nèn shaà fo mbìy, a shiíy e Ohola wùn Oholiba, vikìy vin, a dzə̀ ambùʼtìvìnyò.