Jeremia 3:6 - ŊWÀʼ NYÙY

⁶ Yì‑iì dzə̀, a Josia sáʼ ji fon woó Juda, Nyùy Tàr suúy e mò jii, «À dzə̀ a yén mo Isray ŋwayin ne mo, a yiì a? Wù kòʼ ne e vitu ve agwan ve dáa adzə̀m, e kfə̀n ghànén e sar se vici ve rəŋsìn ví vidzə̀m, ghán, yii visàkì fo.

Jeremia 3:6 Referans Kwoze

Esiker 23:11

«Fə̀m mo jèmèr rə yee Oholiba‑aà yenen vinyo ve Ohola bèn, və́ vee visàkì vi ku siì tìŋ tìŋèn. Wù kú a baŋrí vilum báŋrín, a tuŋ visàkì, a shaà fə́r və sháan.

Esiker 20:28

Mò‑oò lì áwune, e dù sho e wòŋ wo mò‑oò kàʼàn áwune shó. Á meé fó, yén gwan wo da, kìn kicí ke rəŋsìn kí, á nèn dù, a cù anyùy fo. Vé‑eè yii cu vifa ve yi, yii yé melùʼ, ton kiláy, tínsin mo shó.›

Esiker 16:31

Wò‑oò tùy lav se visàkì e wáynjáŋ, e bàʼrì vifá màwày e dzə̀m, yii bèy, a bó shii wò yòʼ fə̀m‑eè dzə̀ mbàm moo sàkì woo fó tèr.

Jeremia 17:2

Wír véné yii cu e kiy se cù, kfə̀n yii fo wúr sé nyùy woo *Ashera si dzəə̀n. Á cu e sar se vici ve rəŋsìn ví vidzə̀m, cu e vitu ve agwan ve darkìné,

Jeremia 7:24

Yii bèy, la áwune yòʼ yù, aáwune yòʼ fə̀m‑eè ló a gwàrìr. Á lò, e nèn a jùmrì kinyo a dzə̀ ke vifií vév ví tíy sho, à ke melív mev mè koŋ ki, e nèn lò, a kfən kfənén é bàm, e làa yòʼ a dù duùn fó mbìy.

Jeremia 3:8

M lò, e fò ŋwàʼ njàvsìn e Isray wo wù‑uù ŋwayin mo, e fə̀ə́r wun bìʼ visàkì ve wù‑uù yii vidzə̀m. M lòo leéy, e yèn ji bó fər və Juda woo wir kisaŋ yoʼ yèn á bèy, a fàn gheéy, wù kù fəə̀ sáa visàkì.

Aysaya 57:7

Vèn sàŋrì ne vikún vé joònè é vitu ve virùmèn, fo vèn du ji á du, a cù anyùy.

1 Afòn 14:23

Áwune‑eè bàʼrì virə́ʼ vév vé cù, e tùúy sə́y se anyùy, e fèr wúr sé nyùy woo Ashera, e tìír aàgwan ve darkìné adzə̀m, e kfə̀n tìír e sar se vici ve rəŋsìn ví.

2 Wòŋ 34:1

Vé‑eè kòʼór Josia ji fon, a wù dzə̀ kiyá waamé. Wù sáʼ kiyá nshòv mòʼón e mtaár, a wù dzə́ e Jerusalem.

Jeremia 1:2

Wáa dzə, a Fòn Josia woo wan Amon sáʼ ne e Juda kiyá nshòv sitaár e ghvə̀m, Nyùy Tàr lò, e sùŋnín e Jeremia.

Jeremia 5:11

Rám Isray wùn à yé Judàa dzə́ bèn, aáwune mèŋ ne mo ŋkuuŋkùŋ. Suuy mo woo Nyùy Tàr.

Jeremia 11:10

Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.

Jeremia 31:22

Éè làykìsáŋ ŋgònjuù, à wíy tùʼtìn bèn, e jòʼsì e le? Nyùy Tàr sí keʼ kinyo ke fíy ki é kitu ke nsay, moo kinyo ke wiíy wo wù lo, a kìŋsìn lumèn.»

Esiker 23:4

Woo ŋgàywìr‑iì dzə̀ Ohola, bám rəə́ wáa dzə Oholiba. M nèn lò, e wày áwune é lav, vèr áwune dzəə́ wón. M yoŋ Ohola bèn a dzə̀ Samaria, a Oholiba dzə̀ Jerusalem.

Hosea 4:13

Áwune cu mebvə̀m e vitu ve agwan, yii cu ye tonèné aàŋkoŋ. Cu anyùy e sar vici vee *oak, à vé *popar vi, à vé *terebint vi. Aá cu bèy, yú vijuŋ ve kindzə̀ə́ndzəm kee fó. «Á bèy, wìr vem, wón vén vee vikìyí lò ne, e kfə̀n ji asàkì, a vikǐy won véné fəə́, ghán viŋkar.

Hosea 11:7

Wír vém veé Israyi wày ne wáyín ji á kù‑úù tín kiwuú fo mǒ bàm. Áwune wíy a toŋ, a kàn Nyùy woo Taà Vitu, yii bèy, é la wù yòʼ nàn áwune.

Atǎr Nsaʼ 2:17

Yii bèy, bó wír veé Israyi yòʼ‑oò lo fò vituʼùr é kinyò ke atǎr nsaʼ véví‑iì suuyì. Áwune kù‑uù maʼày Nyùy Tàr máʼayin, du, ghvə́m anyùy ámóʼó, cu áwune. Atàr véví‑iì ló a yunín Nyùy Tàr, yii bèy, ŋgwàʼ ye fíy rə̀n ku lò kév, e nèn tèn ténén fó a yunín.

Nsùyrì Nyùy 106:39

Áwune lór vitú vév e liì wov kisaŋ, liì wov wáa beemé e Nyùy si, kù moo wo sàkì.

Aysaya 57:3

«Yii bèy, ven vee wón aŋgàa səm, ven vee rám vé kinjàŋ wùn aàsàkìi, vèn kóʼtí fen, e yuùrí kinyo ke m yoŋ ki.

Esiker 16:35

Àbaày Jerusalem, vifǔmbèʼ, yuúrí kinyo ke Nyùy Tàr yoŋ ki.