Jeremia 3:2 - ŊWÀʼ NYÙY

² «Nàn sí yée, e lèéy vitú ve agwan vi. Kirə́ʼ kí dzə̀ shó ke bó à yoʼ bìvír e visàkì vé vi á? À lo, à wàa teʼ aŋgàa viŋkar vé e ghaŋ se dzəə, a teʼ mo ŋgaà kimfaàsì tèʼ mbèʼŋkùm e woʼ. À bìvír ne nsay e visàkì vi, liì wò kisaŋ yiì ne, nsay fóy.

Jeremia 3:2 Referans Kwoze

Jeremia 2:20

«Isray, e kèʼ fo kèʼ, à kù‑uù mèŋ ne sáʼ yém, e tèn fó a neŋ e mǒ sar. Wò‑oò kinèn ji bó yòʼ dzə̀ à yù kinyo kém, e lò fo fo, e shòʼ a dzə̀ virə́ʼ vé anyùy. Wò‑oò ghán vitú ve agwan vidzə̀m, du e sar se vici ve rəŋsìn ví, néŋ fo, yii visàkì vé.

Jeremia 2:7

M ku lì ven, e wìy sho e nsay njòŋ, e wìy sho ji vèn wáa bòn a vifá ve juŋ ve ví fəə́ fo fo. Vèn nəə́ fó, e nèn bìvír nsay yem bívírín, e yiì, nsay yem kfə́n ji ye *kifàn.

Kèʼlo 38:14

Wù yú bey, e shòʼtí ndzə̀y sé kpu se wù‑uù maʼà, e sə̀tí sí rə́ e ndzə̀y sí ji lá wìr yòʼ kìíy a wun, e nèn dzə̀ʼə̀m e dzəə ye yì nəə e Enayim, tósin, du e Timnaa. Wù‑uù yii bèy, bìʼ fo wù‑uù kiiyin ji wan Juda bàm woo Shela kùy á ne, kitàr kí tén fo wù lem wun.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Remrí 12:2

Kí dzə̀ jii, vèn ku laàr virə́ʼ vidzə̀m vi, vee vé vitum ve vèn du, e tòn, e yòv woŋ wóv, virə́ʼ vidzə̀m ve áwune yii cu anyùy vév fó, e laàr bèn ŋkuuŋkùŋ. Á cu anyùy e vitu ve agwan ve dáa, cu e vitu ve aŋkoŋ, cu e sar se vici ve rəŋsìn ví vidzə̀m.

Ŋwàʼ Luk 16:23

Wù dù aàŋkfəə́ wòŋ, a yen a dzə̀ ŋgeʼ ye biibí fó. Wù wìy lò, e màʼ sí, e yèn Abraham kwaʼda, a Laasaror dzə́ e wùn ghaŋ.

Esiker 16:16

À ló fó fo, e lì ndzə̀y sé símóʼ sí, e tàm kiláʼáy ké ke à naŋsin, e bàʼrì, a yiì visàkì vé fo, kfə́ə ve bó ví yòʼ‑oò siìn, e kèʼ fo ŋgwàrìn wòŋ, a bó ví yòʼ wíy siíy a dzə.

Jeremia 7:29

Vèn kóm vitú vén ví, e màʼày nə́ŋ si. Vèn wáa yòv lúŋ kpuu, a dìy e vitu ve agwan. Nyùy Tàr mèŋ ne ven, e màʼày ŋgwàʼ ye yì koʼorin dòʼshwíiy və rə̀n.› »

Jeremia 3:21

Á ku yù mo tóŋe wiy fo kitu ke agwan, a dzə̀ wír veé Isray mo á diy, búʼ wó, bìʼ fo áwune làysìn ne Nyùy Tàr woo Nyùy wov, e nèn jày dzə́ə.

Jeremia 3:9

Wù yòʼ‑oò lo yen jay Isray wù wáa meé e kinyò, wù nèn bìvír nsay, mo wù ŋwáy mo, ghán, cu vilán wùn à vicí ví.

Jeremia 2:23

«A dzə̀ à ghàn é le, e bó a yòŋ ji à yoʼ lòr kitú ké, e kfə̀n a yòŋ ji à yòʼ kóyti mebvə̀m me Baal? Leéy mo wò‑oò lóvti e kiwoóy, e yèn kinyo ke wò‑oò yiìn kí. Leéy mo à léʼnin, du e mbìy, léʼnin, kfə́n e bàm moo *kamer woo wiíy, kamer wo wù jòyìn, a tàʼ lúm.

Ŋgàn 23:28

Wù lo, wù lìr, a teʼ vilum moo shóŋ, a yiì, vilum wàa bvəə́r melav mev.

Ŋgàn 7:11

Wiíy, a wù táv kitú, yii kinyo là dzə̀rkìtu, a bó wù yòʼ bésin e lav.

2 Afòn 23:13

Wù kfən bvə̀ʼə́y sa virə́ʼ vé cù ve Fòn Solomon‑eè bomen é Jerusalem, e mbìv Gwan Vicì vé Oliv yee tsə́n, ji á wáa cù anyùy vitum fo, vee *Ashtoret woo nyùy wìr veé Sidon wùn à *Kemosh woo nyùy wìr veé Moav, à *Molek woo nyùy wìr veé Ammon, aànyùy vìn adzə̀me kù‑uù dzə̀ kifá ke koʼoyín kí e Nyùy Tǎr si.

1 Afòn 11:3

Wù nèn lò, e wày vikìy ve dzəə̀n wón ntoʼ e lav ghií saàmbà, e kfə̀n cèm ve ceméné ghii taár. Vikìy víne ku nèn a yiì, wù wáa fəə́r shilív sə́ fo Nyùy wùn.

Esiker 20:28

Mò‑oò lì áwune, e dù sho e wòŋ wo mò‑oò kàʼàn áwune shó. Á meé fó, yén gwan wo da, kìn kicí ke rəŋsìn kí, á nèn dù, a cù anyùy fo. Vé‑eè yii cu vifa ve yi, yii yé melùʼ, ton kiláy, tínsin mo shó.›

Nsùyrì Nyùy 106:38

Áwune‑eè yúyri wón vév, yúyri, a bó wóné yòʼ kér njò, li áwune, cu mebvə̀m meé Kanan sho. Á bèy, kinjuyrìwìr kìn ki yií, nsay bír.

Jeremia 3:13

Ku biìmé a dzə̀ liì kisaŋ wo wò‑oò yiìn. Wò‑oò táv kitú vèn Nyùy Tàr woo Nyùy wò, ghvə́m anyùy a dzə̀ vé vitum, du, cu e sar se vici ve rəŋsìn ví vidzə̀m, e làa yòʼ a yunín mo gheéy. Suuy mo woo Nyùy Tàr.

Jeremia 12:12

Vé rərí sì é vitu ve agwan veé woʼ adzə̀m. Rə́r se mo woo Nyùy Tàr tsənsin sí lo, e teè woŋ, e kèʼ fo buu fèn, e dù, e bàʼ e və́səə, a wìr dzə̀m yíi a shwikír shwikín.

Hosea 2:5

Yè wov dzə̀ sàkì, a wù yòʼ kér dzə̀rkìtu, bóŋ bvəm e ndzə, là woómé. Wù lo, wù wàa sevtí jii, ‹M kér fó a jùmrì vilum ve á koŋ mo, aáwune wáa geʼ e mò, a fo viyíkìr, a fo mendzə́v, a fo ndzə̀y wùn à meŋgvə́r me *oliv mè, é m kfə́n a koóy bàr kifa wó a bàʼ shuu sho.›