Jeremia 3:16 - ŊWÀʼ NYÙY

¹⁶ Wíy lóo dzə, a vèn kúʼ ne e wòŋ, é la wíri yòʼ dzə́ə a yòŋ kinyo kee kùm ŋkùv mensàŋ Nyùy Tàr. Kí yòʼ fə̀m dzəə́ wìy a dzə aáwuné vifii, kìn ji áwune wáa kuumé, a bó wù yòʼ fə̀m wíy a dzə e shií, kìn ji á wáa fèr wo sən. Suuy mo woo Nyùy Tàr.

Jeremia 3:16 Referans Kwoze

Esiker 37:26

M wíy gwàr *mensaŋ vèr áwune mee ji á wáa ker dzəʼə̀m yee nyaáŋ, a wíy a dzə mensaŋ me mè gòʼòn ne ŋkuuŋkùŋ. M wíy yiì, aáwune tuúy é wòŋ, a dzə nyanyày, é m wìy tìír lav yem aáwuné ntìntìn, é yì goʼ fó ŋkuuŋkùŋ.

Aysaya 65:17

Nyùy Tàr suuy jii: «M sí bóm yúv wo fíyi wùn à nsay ye fíy, a bó wìr yòʼ kfə̀n wíy a kuumé vinyo veé yuv wo mvəə́, kìn ji veé nsay ye mvə ví wáa wìy e wun vifii.

Matio 3:9

Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.

Jeremia 31:8

Vèn leéy ri, e yèn, mo woo Nyùy Tàr, m wíy wìy aáwune fó vitum veé mbìv yee kuy, e baʼtí áwune fó buu se ndzə. Áwune wíy a wìy aàmfìri shó, aàntèŋe, a wìy, à vikìy ve á nyoor wóné, à ve á lúmée. Ŋkfə̌n wìri wíy a kfən fèn e gháʼán.

Jeremia 30:19

Yòv vibeèrì wíy a koʼ fo áwuné mvəm, é léŋ kisheʼrìi wáa koʼ sa fo fo. M wíy səə̀vì áwune, aá kuʼ, e làa yòʼ a dzə ashàr. M wíy yiì, aá wáa ghvəm áwune, e làa yòʼ a kay.

Aysaya 61:4

Áwune kfə̀n wíy bàʼrì virə́ʼ vév ve ví‑iì siìn é vifə̀m, e siìr fo. Virə́ʼ, a vé‑eè yiì ne laàr fo yàŋgùʼ. Á kfə̀n wíy naŋsín ŋkà se laʼ se vé‑eè laàrìn ne. Kifá kidzə̀m ke vé‑eè laàrìn ne fo yàŋgùʼ, á kfə̀n wíy naŋsín.

Aysaya 60:22

M wíy yiì, é láʼ wìr ye yí dzəə̀n e shàri táʼám, e kfə̀n ji rám ye kuʼùné. Wír vén ve á dzəə̀n là ndzə̀né wíy kfən ji kitúm ke wiy kí. Wíy yiì mo woo Nyùy Tàr vinyo vìn. Ghán sí wíy gheén, é m yii, é ví koóy nsənnsən.

Tsəfaniya 3:11

«Ven veé Jerusalem, wíy lòo dzə e ghan fóo fèy, bó vèn yòʼ dzəə́ wìy a woomé mo vèn‑eè woóme, bìʼ vinyo vidzə̀m ve vèn‑eè yii, sə́ kóy vèsən. M wíy fəə́r wír ve á ŋaʼ, kfə̀n kóʼor wún fo věn mvəm. Vèn yòʼ dzəə́ wìy a gùynìn e mǒ gwan wo ranén.

Amos 9:9

«Rúrú, m yíi fo sáʼ, áàŋgàa vibàné nyoori wír veé Isray, aá sìkìr e vitúm ví mvəm. A dzə̀ jii, m yíi cèkèrèʼ áwune mo á cèkèrèʼ kibán, e fəə́r wír ve bií fo áwuné mvəm, a bó woo mòʼón yòʼ yíi tum e nsay.

Jeremia 31:27

Nyùy Tàr kfən lò, e sùúy jii, «Á yuúrí, e yù, ghán sí wiyì se m lo, e yiì, é wíri wùn à nyám si wáa tsəə̀tìn tsəə̀tìn é nsay Isray, à ye Juda.

Jeremia 7:4

Lá vèn yòʼ tìír vifií é vinyò ve á rə́si goʼ jii, «Á lav cù Nyùy Tàr, á lav cù Nyùy Tàr, a bó yòʼ dzə̀ kinyo ki sə̀ʼ.» Kee shooy ki dzə̀ kimboʼtì.

Jeremia 3:17

Wíy lòo dzə e ghan see shooy, aá nèn a yòŋ Jerusalem ji kàvàʼ Nyùy Tàr, é vitúm vidzə̀m vi wáa baʼtí fo, a cù mo woo Nyùy Tàr. Áwune yòʼ dzəə́ wìy a yiì vinyo ve kisaŋ ve melív mev mè koŋè.

Esiker 15:5

Feyì feyì, tám və̀n‑ee dzə́ là shwí, aá luŋ fo fo e gha? Wú kfən màysì, e shwì, e kàʼáy, é bo nòshìndzə̀v və kfən yiì a dzə ka?