Jeremia 3:12 - ŊWÀʼ NYÙY

¹² Dù ri, a fìʼtì ntum yem e Isray, kitúm, a dzə̀ keé mbìv yee kuy ji m suuy a jii: « ‹Isray, wò wo à ŋwayin mo, ku kfə̀n é bàm, e mǒ wùn. Suuy mo woo Nyùy Tàr. M yòʼ dzəə́ yiì a shwiíy kilòŋ wòsò, mo m dzəə̀n ŋgaà nshámmé. Kù suuy mo woo Nyùy Tàr. Bó m yòʼ kù wíy gòʼ, a shwiíy kilòŋ wòsò.

Jeremia 3:12 Referans Kwoze

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Nsùyrì Nyùy 86:15

Yii bèy Nyùy Tàr, à dzə̀ ké, aà yii shám wíri shámén, kér mendzən, lo ji weè e dòʼshwiíy, din koŋ yé ye ghaʼáné e wír vée, tíy e wò ŋkàʼmé.

Jeremia 33:26

bo m wíy meŋ rú rám Jakov wùn à yé Davir woo ŋgaà lìm wom, e làa yòʼ wìy shoʼ wír fo wun ram ji wù wáa saʼ a rám Abraham wùn à Aysi, à Jakov. M wíy siìr vijuŋ vév fó, a sham áwune.»

Jeremia 31:20

Nyùy Tàr suuy jii: «Bó rám Efrayime yòʼ dzə̀ ji wán wo m kòŋèn a? Kí m tìír vifií é wùn wó feyì? Fə̀m mo m lo, m wàa suŋnín e wùn wó, m kù dzəə́ kér shíi və. M lo, m kù a yar jíŋ rə, a m kù wíy sham mendzən mvə.

Jeremia 3:22

Nyùy Tàr yóŋ jii, «Éè wǒn kisaŋe, vèn binkir, é m yiì màyìr liì won kisaŋ.» Wíri bínsí jii, «Vèr sí kfə́n, e yen wò, kù dzə̀ wò Nyùy Tàr woo Nyùy wor.

Jeremia 3:18

Ghán sin si dzə̀, a wír vén vee rám Juda wùn à vee rám Israyi wíy tatí, e fəə fo vitum veé mbìv yee kuy, e kfən e nsay ye mò‑oò foon áàtǎr ram véné ji vitsə́ʼ.› »

Jeremia 30:11

M dzə̀ vèsən, a m wíy sə ven. Suuy mo woo Nyùy Tàr. M wíy səʼsí vitúm vidzə̀m sə́ʼsín ŋkuuŋkùŋ, vitúm, vee fo mò‑oò taʼarin ven, á dùkìr. Yii bèy, fo kén kí, m yòʼ wíy səʼsí ven ŋkuuŋkùŋ. M wíy nyèr ven é dzəə yee weè, yòʼ dzə̀ m màʼtì ji vèn du, a bó m máʼ ŋgeʼ e věn kitu.»

Jeremia 23:8

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo vitum veé wòŋ kùyi, e fə̀ə́r fo vitum vidzə̀m ve wù‑uù jùmèn áwune, á dù, a dzə sho.› Aá wáa kàn bèy, e kù a dzə a dzə̀ e yéev yee nsay.»

Jeremia 4:1

«Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.

Jeremia 3:5

A dzə̀ tàr wor kù wìy a shwiíy rú a dzə̀ kilòŋ a? A dzə̀ wù kù wìy a màʼ ŋgeʼ e mò, e dù, e mày à?› Isray, á mo à yoŋrì mo ben, kù buʼtì a dzə̀ vinyo ve bi ví mo à kòŋèn.»

Nsùyrì Nyùy 145:8

Nyùy Tàr yii shám wíri, kér mendzən, lo ji weè e dòʼshwiíy, din koŋ rə́ ye ghaʼáné e wíri.

Nsùyrì Nyùy 86:5

Rúrú, Nyùy Tàr, à dzə̀ e juŋ. À yòʼ yar fó a làysìn ajay wíri. À yòʼ yar fó a dìn koŋ yé e wír ve á bunrì wòo.

2 Afòn 18:1

Vé‑eè kòʼór Hesekiya woo wan Ahas ji fon woó Juda, a Hoshea woo wan Ela sí sáʼ e Isray ji viyá vitaár.

2 Afòn 17:23

Kù bey, kù bey, e dù, e meé mo Nyùy Tàr‑iì jùmèn wír veé Isray fo wun si, kù mo wù‑uù yiìn, aŋgàa lìm ve yì‑iì dzəə̀n aŋgàa ntum vəə́ wáa fìʼtì fo ghan. Á bèy, Nyùy Tàr nèn fə̀ə́r wír veé Isray fo áwuné nsay, e dù sho e Assiriya, á wáa dzə fo e kwaʼ nsàm, e wìy shem lán.

Remrí 30:2

A vèn kuùmé bèy, vèn à wón véné lo, e kfə̀n é bàm, a yunín Nyùy Tàr woo Nyùy won shilív shidzə̀m, e fò kitú kén shó, a lèm nsər sə́ se m fó e vèn lán sìn,

Hosea 6:1

Wír veé Israyi nèn lò, e sùúy jii: «Vèsən kfə́n é bàm e Nyùy Tǎr wùn. Wù sàʼtì ne vèsən, yii bèy, a wù yíi fèr. Wù lèmér ne vèsən, yii bèy, a wù yíi kur vileémé vesən.

Esiker 39:25

«Á bèy, ke suuy Nyùy Tàr woo Taà Ndzə ki dzə̀ jii, m sí yìi siìr vijuŋ ve rám Jakov fo, e dìn mo m koŋ wír veé Isray adzə̀m, shám áwune. M kù wíy a kiyrí yír yém ye ranéné fo á wáa shoór.

Jeremia 31:8

Vèn leéy ri, e yèn, mo woo Nyùy Tàr, m wíy wìy aáwune fó vitum veé mbìv yee kuy, e baʼtí áwune fó buu se ndzə. Áwune wíy a wìy aàmfìri shó, aàntèŋe, a wìy, à vikìy ve á nyoor wóné, à ve á lúmée. Ŋkfə̌n wìri wíy a kfən fèn e gháʼán.

Jeremia 3:14

« ‹Wónen, ven ve á ŋwayin mo, vèn kfə́n é bàm e mǒ wùn, kù kér mo ven. Suuy mo woo Nyùy Tàr. Vèn kfə́né, é m shóʼtí wir mòʼón mòʼón fo ŋkàlaʼ, e shòʼtí fo kfəə abaà abaà, e lì, e dù sho e Gwan Sion.

Jeremia 3:7

M wáa ki ji wù yíi ghan, yii vinyo vìn bèn, é wù kfə́n, e yèn á mo, la wù yòʼ kfə̀n, a jemèr rə yee Juda woo wir kisaŋ kù yén vinyo və́.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Aysaya 44:22

M làysìn ne ajay vén, e sə̀ʼsí, á ŋeémé, e lày, kù moo mbàʼ ye shwéri jùmèn. M shàʼàr ne vinyo vén ve bi ví, ví máy, kù moo kintòn ke shùy lóo ban, kí mày. Vèn kfə́n é bàm, e kòʼtí e mǒ mentsə̀m, mò‑oò yùn ne ven, e làʼ.

Ŋgàn 28:13

Wìr lóo lìtì ajay və́ lítin, bo bó yòʼ dzə̀ wù kùy. Wìr tuúne ajay və́, bin ndzə̀m shó, Nyùy shàm mendzən mvə.

Nsùyrì Nyùy 103:17

Yii bèy, ké wìr ve á ghvə́m Nyùy Tàr kí dzə̀, a wù din koŋ rə́ ye ghaʼáné aáwune, du joʼsì, din kinyo kfə́ kee tìítiy e ŋgwàʼ sév sí sidzə̀m.

Nsùyrì Nyùy 103:8

Nyùy Tàr kér mendzən, kfə̀n shám wíri, lo ji weè e dòʼshwiíy, din koŋ rə́ ye ghaʼáné e wíri.

Nsùyrì Nyùy 79:5

Éè Nyùy Tàr, à wíy shwiíy kilòŋ, e dù, e meé e le? À kù wíy a shwiíy kilòŋ, e dù, e jòʼsì à? À kù wíy a leéy ver e sí ye baarí a?

2 Wòŋ 30:9

A vèn lòo dzə, e bìnkìr, e kfə̀n e Nyùy Tǎr wùn, bo wù yíi yiì, é wír ve á koorin afə́r vén, wùn à wón véné shám mendzən mev, e siìr áwune é nsay fèn. Nyùy Tàr woo Nyùy won dzə̀ ŋgaà mendzə̀n, a kfə̀n dzə̀ ŋgaà nshámmé. Bó yòʼ dzə̀ wù bìn ndzə̀m e vèn, a vèn fen kfə̀n é bàm é wùn wó.»

2 Afòn 17:6

Wáa dzə, a Fòn Hoshea sí sáʼ ji kiyá bvə̀ʼə̀, wír veé Assiriyàa nèn tòn Samaria, e kùúy wír veé Isray, e dù sho e Assiriya, e lèm ámóʼó é Hala, e lèm ámóʼó é Gosan e ghaa ndzəv yee Habor, ámóʼó é ŋkà se laʼ seé Media.

2 Afòn 15:29

Yì‑iì dzə̀ é ghan sé Fòn Peka woó Isray sìn, Tiglat‑Pileser woo fon woó Assiriya wìy, e faàsì ntèʼ see Ijon, Abel‑Bet‑Maaka, Janoa, Kedesh, e lì Hasor, e kfə̀n faàsì ŋgvən seé Gilead, wùn à seé Galeli, à seé Navtali si sidzə̀m. Wù faàsì bèy, e koòrí wíri, e dù sho e Assiriya.

Kèʼlo 4:7

Aà kì yiì réŋ, m wàa ten wò vèn à cu yée á? Kinyo ke bi kí dzə wuú yé, a kí yíi ghaʼ wò, aà ben dzə̀ là fóo bàʼàr, a yiì a dzə̀ kinyo ke réŋ kí.

Cù 26:40

«Yii bèy, aáwune fen tuùné vinyo vév ve bi ví, à vé atàr véví, atàr vév ve vé‑eè ŋwayin mensaŋ mem, e mèŋ mo,

Nsùyrì Nyùy 103:9

Wù yòʼ yii sáʼ wír və́ fó fó, a bó wù yòʼ yii shwiiy kilòŋ, du, joʼsì.

Jeremia 11:6

Nyùy Tàr kfən yòŋ e mò jii, «Dù, a fìʼtì kinyo kém kí é ŋkà se laʼ seé Juda, e kfə̀n a fìʼtì sa e dzəə seé Jerusalem, aá fiʼ yuùrí ntò se mensàŋ mem, a yiì mo sí dzəə̀n.

Jeremia 12:15

M shaʼàr vitúm bèy, é m kfən wìy shàm áwune, a lì kitúm kimòʼón kimòʼón, a kfən sho aáwuné nsay fo vitsə́ʼ vév ví dzəə̀n.

Yòvdìy 3:22

Koŋ ye Nyùy Tàr koŋ wír vəə́ yòʼ wíy mày, a wù kù wíy a sham áwune, e dù, e jòʼsì.

Esiker 11:17

Á bèy, áà suúy e veé kwaʼ nsàmé jii, ke Nyùy Tàr woo Taà Ndzə suuy ki dzə̀ jii, ‹M wíy banén ven fo vitúm ví mvəm, fo á taʼrin, e dùkìr, e kfə̀n siìr nsay yen yeé Isray e vèn.›

2 Wòŋ 29:10

«Ké lèn ki, m taʼ ji vèsən yii ŋkàʼmé vèsən à Nyùy Tàr woo Nyùy wìr veé Isray, é la wù yòʼ dzə́ə a shwiíy kilòŋ vèsən áwune.

Aysaya 31:6

Éè wìr veé Isray, vèn ku bìnkìr, e kfə̀n e Nyùy Tǎr wùn, wun wo vèn tunen sáʼ rə́ é dzəə̀ kisaŋ.

Jeremia 31:21

«Éè ŋgònjuù, wò woo Isray, túyrí vifá vi, a səə̀m dzə́ə shó. Yiì visəəm ví é ghaŋ se dzəə, é ví wáa sə wò. Á kuumé dzə́ə kijuŋ, dzə́ə ye wò‑oò fəən shó, a kfən. Á kfən e bàm e wò ŋkà se laʼ.

Sekariya 1:4

Lá áwune yòʼ a tav a kitú mo atǎr ram véví‑iì táví. Aŋgàa ntum vém vee fó mbìyi‑iì kantì áwune ji mo woo Nyùy Tàr woo Taà Mànjòŋ‑eè suuy a jii, á biner á melív mev, e yàr fó a yiì liì kisaŋ. Yii bèy, áwune tén fóo yunín mo. Kù suuy mo woo Nyùy Tàr.