Jeremia 3:11 - ŊWÀʼ NYÙY

¹¹ Nyùy Tàr nèn lò, e sùúy e mò jii, «Mo Isray fə̀m ŋwayin mo, kfə́ kí kù dzə̀ kiwóvrín, e shaà ké làykìsáŋ jèmèr rə yee Juda.

Jeremia 3:11 Referans Kwoze

Esiker 23:11

«Fə̀m mo jèmèr rə yee Oholiba‑aà yenen vinyo ve Ohola bèn, və́ vee visàkì vi ku siì tìŋ tìŋèn. Wù kú a baŋrí vilum báŋrín, a tuŋ visàkì, a shaà fə́r və sháan.

Hosea 11:7

Wír vém veé Israyi wày ne wáyín ji á kù‑úù tín kiwuú fo mǒ bàm. Áwune wíy a toŋ, a kàn Nyùy woo Taà Vitu, yii bèy, é la wù yòʼ nàn áwune.

Hosea 4:16

«Wír veé Israyi táv kitú moo wan nàʼ wo wù yóʼ ne dzə̀ə́. Mo áwune sí gháʼ mo, a dzə̀ m kfə̀n ghàn é le, e bóo yiír áwune moo bvə́y se sí sí ján janén?

Esiker 16:47

Bó à yòʼ‑oò lo bìʼnìn a dzə̀ liì wov kisaŋ cáʼcáʼ, yii bèy, à ló ké fo fo, e fòy fòyìn ji wòʼ, kinyo kidzə̀m.

Jeremia 3:22

Nyùy Tàr yóŋ jii, «Éè wǒn kisaŋe, vèn binkir, é m yiì màyìr liì won kisaŋ.» Wíri bínsí jii, «Vèr sí kfə́n, e yen wò, kù dzə̀ wò Nyùy Tàr woo Nyùy wor.

Jeremia 3:8

M lò, e fò ŋwàʼ njàvsìn e Isray wo wù‑uù ŋwayin mo, e fə̀ə́r wun bìʼ visàkì ve wù‑uù yii vidzə̀m. M lòo leéy, e yèn ji bó fər və Juda woo wir kisaŋ yoʼ yèn á bèy, a fàn gheéy, wù kù fəə̀ sáa visàkì.

Jeremia 3:7

M wáa ki ji wù yíi ghan, yii vinyo vìn bèn, é wù kfə́n, e yèn á mo, la wù yòʼ kfə̀n, a jemèr rə yee Juda woo wir kisaŋ kù yén vinyo və́.

Jeremia 11:10

Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.