Jeremia 3:10 - ŊWÀʼ NYÙY

¹⁰ Vinyo vìn vidzə̀m vi‑iì kòóy ben, la wìr kisaŋ woo Juda wo dzəə̀n jemèr Isray yòʼ kfə̀n é bàm, e yèn mo shilív sə́ shidzə̀m. Wù ku kfə̀n a dzə̀ e kiloʼ ki. Suuy mo woo Nyùy Tàr.»

Jeremia 3:10 Referans Kwoze

Hosea 7:14

Áwune yòʼ‑oò tóŋ e mò é shiliv she juŋ shi. Á kù tóŋ kév, dzə́ŋri a dzə̀ é vikun, lón vifá ve yi wùn à meluʼ mè, jàʼtì wún wóv, a mensə́ mè fəə́, kù moo wír ve á mbaa a dzə̀ anyùy. Yii bèy, aá kù sə́ a dzə̀ kóy vèr áwune.

Jeremia 12:2

Kí yii wò, é bo gháŋ yéví wáa tuúy, aáwune wáa kuy, a koóm. Áwune yòʼ shóʼ wò fo shuù, yii bèy, melív mev mè yòʼ tíy e wò wùn.

Aysaya 10:6

M tsə̀nsí ne wír veé Assiriya ji á du, e fùnèn wír ve á méŋ yéʼéy yém. M tsə̀nsí ji á du, e ghìʼ wír ve á ŋáʼar dòʼshwíiy wom vin. M tsə̀nsí ji á du, e shòŋ áwune, e kfə̀n faàsì vifá vév, e nyèŋrì áwune mo á nyèŋrì mfəə̀rì si é dzəə.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Nsùyrì Nyùy 18:44

Áwune yú jí yem, á kù yùnín yunín, vitúm vi wáa neŋ, a yàʼ e mǒ si.

2 Wòŋ 34:33

Fòn Josia nèn lo, e laàr kinyo kee ji anyùy fo wír veé Israyí nsay, e nèn a banrí áwune, á wáa cù a dzə̀ Nyùy Tàr woo Nyùy wov. Yì‑iì dzə̀ e wun ghan sé saʼ, bó wíri yòʼ‑oò lo ghàn yàr fó a cù Nyùy Tàr woo Nyùy atàr vév.

Aysaya 31:6

Éè wìr veé Isray, vèn ku bìnkìr, e kfə̀n e Nyùy Tǎr wùn, wun wo vèn tunen sáʼ rə́ é dzəə̀ kisaŋ.

Jeremia 11:10

Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.

Amos 4:9

«Dzə̀ akàŋ anín ve m lo, m laàr vifá fo věn viboo, e laàr fo věn sum sé vitiír vé *vayin. M lo, m fə̀ə́r shwér wo wú tonnìnè wùn à koʼòr sí, vifá vi wàa yovrí. M lo, m fə̀ə́r ŋguùmé, sí yì vicí vén vé *fig wùn à vé oliv vi. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Malakay 2:11

Ven vee wír veé Judàa bìn ne ndzə̀m e Nyùy Tàr, e bùʼ rə́mrə́m kinyò e Jerusalem, e kù bùʼ bèy nsay Isray e dzə̀m. Á bìvír ne kirə́ʼ ké cù ke Nyùy Tàr kòŋèn é ŋàŋ. Áwune sí táti vijín wùn à vikìy ve á ghvə́m anyùy kisaŋe.