Jeremia 3:1 - ŊWÀʼ NYÙY

¹ «A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Jeremia 3:1 Referans Kwoze

Esiker 16:26

À kù sìr‑iì dù viŋkar vèn à wír veé Ejivi, ve á dzəə̀n e wò ghaŋ, e tìnsín mo shó, wír, aá dìy vikìy, e tònén.

Jeremia 4:1

«Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.

Jeremia 2:20

«Isray, e kèʼ fo kèʼ, à kù‑uù mèŋ ne sáʼ yém, e tèn fó a neŋ e mǒ sar. Wò‑oò kinèn ji bó yòʼ dzə̀ à yù kinyo kém, e lò fo fo, e shòʼ a dzə̀ virə́ʼ vé anyùy. Wò‑oò ghán vitú ve agwan vidzə̀m, du e sar se vici ve rəŋsìn ví, néŋ fo, yii visàkì vé.

Sekariya 1:3

Á bèy, ku yòŋ e wír véné ji mo woo Nyùy Tàr woo Taà Mànjòŋ suuy aáwune á jii, ‹Vèn wáa koʼtí e mǒ ghaŋ, é m wáa koʼtí sa e věn ghaŋ.› Suuy a mo woo Nyùy Tàr woo Taà Mànjòŋ.

Hosea 1:2

Yì‑iì dzə̀ é ghan se Nyùy Tàr‑iì kèʼèn, a suŋnín e Hosea ji wù lo ntum rə, wù‑uù sùúy shó jii, «Dùu, e tàʼ wiíy, e wày é lav, lóo way, à wàa kiíy ji yeè lav wò və̀n wíy a ghan a ghán kisaŋe, e dzəə́ wón é ndzə. Kù dzə̀ kíwun ke wír vémé yii e mò. Á ŋwày ne mo woo Nyùy Tàr, e toòmé liì kisaŋ, a cù anyùy ve səné.»

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Jeremia 3:9

Wù yòʼ‑oò lo yen jay Isray wù wáa meé e kinyò, wù nèn bìvír nsay, mo wù ŋwáy mo, ghán, cu vilán wùn à vicí ví.

Jeremia 2:23

«A dzə̀ à ghàn é le, e bó a yòŋ ji à yoʼ lòr kitú ké, e kfə̀n a yòŋ ji à yòʼ kóyti mebvə̀m me Baal? Leéy mo wò‑oò lóvti e kiwoóy, e yèn kinyo ke wò‑oò yiìn kí. Leéy mo à léʼnin, du e mbìy, léʼnin, kfə́n e bàm moo *kamer woo wiíy, kamer wo wù jòyìn, a tàʼ lúm.

Atǎr Nsaʼ 19:2

Yii bèy, wiíy və̀n wáa shwiíy kilòŋ wùn wun, e nèn lò, e kfə̀n e tàr wóv laʼ e Betlehem e nsay Juda, e dzə̀ʼə̀m fo ŋwee e kweè.

Mayka 2:10

Ven vé kifàʼa, vèn lo, a dùkìr. Féne yòʼ dzə̀ kirə́ʼ kén ké meèmè, bìʼ fo vinyo vén ve bi ví yiì ne, a kirə́ʼ kin ki yíi lày, e dù e kibvə.

Jeremia 3:22

Nyùy Tàr yóŋ jii, «Éè wǒn kisaŋe, vèn binkir, é m yiì màyìr liì won kisaŋ.» Wíri bínsí jii, «Vèr sí kfə́n, e yen wò, kù dzə̀ wò Nyùy Tàr woo Nyùy wor.

Jeremia 2:7

M ku lì ven, e wìy sho e nsay njòŋ, e wìy sho ji vèn wáa bòn a vifá ve juŋ ve ví fəə́ fo fo. Vèn nəə́ fó, e nèn bìvír nsay yem bívírín, e yiì, nsay yem kfə́n ji ye *kifàn.

Aysaya 24:5

Wír ve á dzə́ e kitu ke nsayi yiì ne kitú ke nsay ki bír birín kidzə̀m. Áwune ŋwày ne yéʼéy Nyùy, e bìvír kitú ke nsay. Á jwìvrì ne sáʼ Nyùy, e yàʼáy *mensaŋ me wù‑uù gwàrìn wùn áwune ji mè kù wíy a tiy fo.

Remrí 22:21

bo á li wán, e dù sho e kitàr kí shùu lav, é vilum veé ŋkàlaʼ foo fèyi tsə́mrí e tíy sí, e yùyrí, bìʼ fo wù kì kiiyin lumèn, a wù dzə̀ə́ e tàr wóv lav, e wìy e nshoórsí e wír veé Israyí mvəm. Á ku yiì bèy, e fíʼ tuŋ liì kisaŋ, e fəə́r fo věn mvəm.

Matio 5:31

«Á kfə̀n‑eè duŋrì sa jii, ‹Wìr lóo fəə́r wiíy və, wù sàŋ ŋwàʼ njàvsìn, e fò shó.›

Nsùyrì Nyùy 106:38

Áwune‑eè yúyri wón vév, yúyri, a bó wóné yòʼ kér njò, li áwune, cu mebvə̀m meé Kanan sho. Á bèy, kinjuyrìwìr kìn ki yií, nsay bír.

Jeremia 22:20

Jerusalem, vèn kóʼ é Gwan Lebanon, a rəəmé fo. Vèn du, a toŋ e Bashan, vèn wáa fuŋ fo Abarim. Á laàr ne vé kiŋkaày vén.

Yòvdìy 1:2

Wù bur tóŋ vitsə́ʼ vifur, bur bèy, a mensíy mè sə́y, su sí. Vé viŋkar və́ adzə̀me dzə̀ lèn, a bó wìr wo wù shám wun yòʼ kfə̀n dzə̀. Ŋkar sə́ sidzə̀m si fiìnè ne wun, e kfə̀n ji aŋgaà və́ vibàn.

Hosea 2:2

«Yii bèy, lèn və̀n, vèn roome Isray woo yè won. Bó wù yòʼ dzə̀ə́ yeè lav wom, a m yòʼ dzə̀ə́ lúm və. Vèn ku roòmè ji wù yar á liì joònè, e yàr viŋkar ve wù gháné.

Jeremia 31:22

Éè làykìsáŋ ŋgònjuù, à wíy tùʼtìn bèn, e jòʼsì e le? Nyùy Tàr sí keʼ kinyo ke fíy ki é kitu ke nsay, moo kinyo ke wiíy wo wù lo, a kìŋsìn lumèn.»

Esiker 16:30

Nyùy Tàr woo Taà Ndzə nén a taŋnín, a ghay jii, ‹À sà joy yàsí gha e wò shiliv, bó a shoʼ virom ve visàkì vee ben, là dzə̀rkìtu a?

Esiker 16:35

Àbaày Jerusalem, vifǔmbèʼ, yuúrí kinyo ke Nyùy Tàr yoŋ ki.