Jeremia 27:6 - ŊWÀʼ NYÙY

⁶ Lèn və̀n, m fò ne vitúm vidzə̀m e ŋgaà lìm wom woo Fòn Nebukadnessar woó Babilon, e kfə̀n fò nyám se kwaʼ sho, sí wáa lìm sa fo wun.

Jeremia 27:6 Referans Kwoze

Jeremia 28:14

Nyùy Tàr woo Taà Mànjòŋ, mo woo Nyùy wìr veé Isray suuy jii, ‹M yíi neèr kimbùŋ ké kishà ki e vitúm vìn vidzə̀m ví mbèʼ, aá wáa beʼ. Áwune yíi a lìm fo Fòn Nebukadnessar woó Babilon. M yíi yiì sa, é nyám se kwaʼ si wáa lìm fo wun.› »

Jeremia 25:9

bo m yíi tsənsí vitúm veé mbìv yee kuy wùn à kilìmbìy kév kee Nebukadnessar, wo dzəə̀n fon woó Babilon, a wù dzə̀ ji ŋgaà lìm wom. M yíi tsənsí, aáwune wiy, e kìʼ woŋ wón e rə́r sí, e tatí wir dzə̀m wo wù dzə́ fo, à vitúm vidzə̀m ve ví kaarin fó vi. M yíi bvəʼə́y fó ŋkuuŋkùŋ, é fóo wáa beemé, wíri lóo leéy, aá wáa ndzəə, é vèn wáa dzə kifá ke nshéʼmé ki, e wìy dù, e mày. Suuy mo woo Nyùy Tàr.

Jeremia 43:10

Suúy aáwune ji Nyùy Tàr woo Taà Mànjòŋ, wun woo Nyùy wìr veé Isray suuy a jii, ‹Vèn leéy, e yèn, m yíi wìy e ŋgaà lìm wom woo Nebukadnessar woo fon woó Babilon, e tuúy kàvàʼ və é kitu ke tiy ye m yòŋèn, á wáyrí rən, é wù tám kibeey kfə́ ké vifòn e kitu wo.

Aysaya 44:28

M suuy kee kùm Sayrus jii, kù dzə̀ wun wo m liìn ji wù wáa dànèr wír vém, a wù kù wíy a yiì vinyo vidzə̀m ve m kér e mǒ kwàʼtì. Wù wíy yòŋ kee kùm Jerusalem jii, á kfən bàʼrì a fó, e yòŋ kee kùm lav cù jii, á neer á kinsə̀ŋ kfə́.»

Jeremia 24:1

Fòn Nebukadnessar woó Babilon‑eè wìy é Jerusalem, e koò Fòn Jehoyiacin woó Juda, a yì‑iì dzə̀ wan Fòn Jehoyiakim. Wù‑uù tàtí, e koò wùn aàtǎr ntoʼ veé Judàa, à vé fèri, à vé kilàme, e dù sho e Babilon. Kee shooy ki shaà, Nyùy Tàr ghém ndzə, m yén ŋkaà se *fig sibaà e njà kinjeenjèm, aá tiír é shùu lav cù.

Jeremia 21:7

M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Jeremia 22:25

M yíi fo wò e wír ve á wooy dzəʼə̀m yée, áwune ve à fanè. M yíi way wò e Fòn Nebukadnessar woó Babilon wùn à vé rər vəə́ kiwo.

Jeremia 49:30

Éè wìr veé Hasor, kén kí nén a dzə jii, ‹Vèn léʼ cér, e dù kwaʼda, du, á làáy é mbvə̀ʼ. Fòn Nebukadnessar woó Babilon bà ne ntaŋ kùm ven. Wù sìysì ne kinyo ke wù lo, e yiì e vèn.› Suuy mo woo Nyùy Tàr.

Esiker 29:12

M wíy siìr woŋ Ejiv ji vifə̀m moo woŋ símóʼ sí se sí siìn sá e vifə̀m. Ŋkà se laʼ sév sí kù wíy kfən e vifə̀m moo seé vitum vímóʼ ví. M wíy bvəə́r wír veé Ejiv, e taʼár, aá du, e sàŋrí e vitum.

Daniel 4:12

Vav sə́ sí‑iì səə́ne bèn ji lìŋ, báŋ si kfən kòóm sho sinín, a kí kér viyíkìr ve yì‑iì dzə̀ ví yìír wir dzə̀m. Nyám se kwaʼ sidzə̀m si kù‑uù bee a dzə̀ é sar wo, a menə́n mè kù baʼrì a dzə̀ é tam si wó. Kifá ke ŋeʼèn kí kidzə̀m ki kù‑uù yíkir a dzə̀ fó fo.

Daniel 4:22

Éè bvərə̀ʼ, kicí ke vé‑ee yenen é njèm kìn ki dzə̀ á wun woo fon. Dzə̀ á wun mo sáʼ rəə́ kuyin, a ker vitaáví é ŋàŋ. Vikuʼùy və́ ví kóʼ, e dù mèé e yuv. Woŋ wo fòn sáʼáa kúʼ ben, e dù mèé a fo nsay jòʼsìn.

2 Afòn 25:28

Fòn Evil‑Merodak ku nèn a ker wun kijuŋ, e nèn fò wun ntaʼ wo kuʼùn, e shaà mo wù‑uù foon áàfon ámóʼó ve vé‑eè koon sá wùn áwune, e wày é sháŋ é Babilon.

2 Wòŋ 36:23

Wù‑uù sàʼ jii, «Nyùy Tàr woo Nyùy woó yuv fò ne vitúm vidzə̀m veé kitu ke nsay ji m wáa saʼ, e kfə̀n shòʼ mo ji m baʼri lav rə é Jerusalem, e wòŋ woo Juda. Kí nén a dzə jii, ven ve dzəə̀n wír Nyùy Tàr adzə̀m, a dzə̀ vèn wàa kfən. Vèn lóo dù, é Nyùy Tàr woo Nyùy won kú a dzə vèn áwune.»

Esiker 30:24

M yíi fo vitaáví e fòn woó Babilon, e way nyùy yem rə̀r e wun kiwo, a ké Farao, m kù yíi beʼtí kóy sə́, é wù wáa dzə̀m e fòn woó Babilon si moo wír wo á lemerin, ye tàm wù kpù.