Jeremia 27:3 - ŊWÀʼ NYÙY

³ Tsə́nsí ntum e fòn woó Edom, e tsə̀nsí e fòn woó Moav, e tsə̀nsí e woó Ammon, e tsə̀nsí e woó Taya, e lì woó Sidon. À kù yíi a tsənsí, a tiisí a dzə̀ e vév vé ntum ve á wìyìn é Jerusaleme, ji á bun Fòn Tsədekiya woó Juda.

Jeremia 27:3 Referans Kwoze

Amos 1:9

Nyùy Tàr suuy jii: «Abaày, wír veé Tayàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè tòn kitúm, e yèr wir dzə̀m fo fo, e dù, e fiìnè e wír veé Edome ji akwàn. Á yòʼ kfə̀n‑eè kuúme *mensaŋ me viŋkar me wùn áwune‑eè gwàrìn.

Esiker 29:18

«Wàn wìr msòŋ, Fòn Nebukadnessar woó Babilon‑eè yiì, shúu rər vəə́ yén ŋgeʼ e Taya bàm é ŋàŋ. Vé‑eè bèʼèy vifá ŋkóŋkóŋ, nə́ŋ si feésí fo vé rərí kitu adzə̀m, mbèʼ sév sí kfən sòrkìr, a bó áwune yòʼ fə̀m‑eè ló a ker séʼ wo vé‑eè diy fo Taya ji vilaʼày vé ŋgeʼ ye vé‑eè yenen.

2 Wòŋ 36:13

Fòn Tsədekiya nèn lò, e mèŋ sáʼ Fòn Nebukadnessar, a Fòn Nebukadnessar‑iì yiì ne, Tsədekiya lìʼ e Nyùy yir ji wun yíi a neŋ a e wun sar saʼ. Tsədekiya kú a tav kitú tavín, e tèn fó bìnèr shilív sə́, e kfən fo Nyùy Tàr woo Nyùy wìr veé Isray wùn.

Aysaya 23:4

Éè wìr veé Sidon, vèn wáa woomé, ven ve kirə́ʼ kén ke tavín kí dzəə̀n a dzə̀ é ghaa rìbà ndzə̀v. Rìbà ndzə̀v mèŋ ne ven, a yiì mo súŋnin wír, a suúy jii, «Kí sì moo ji bó m yòʼ‑oò ghàn ne lùm wán, jòkìnyàʼ, e bóo dzəə́, a dzə moo ji bó m yòʼ‑oò ghàn ne lìy wón vee vilum, e bóo lìy vee vikìy.»

Jeremia 27:4

Suúy aáwune ji á du, e tiìsí aàtàr véví á ji Nyùy Tàr woo Taà Mànjòŋ, woo Nyùy wìr veé Isray suuy a jii,

Jeremia 27:12

Kù dzə̀ sáʼka wo mò‑oò fèrìn sá e Fòn Tsədekiya woó Juda. Mò‑oò sùúy shó jii, «Fòn wùn à kitúm kfə́ kí wáa yunín a fon woó Babilon, a lìm a fo wùn à wír vəə́, é wùn à kitúm kfə́ kí nèn waà wìy lùŋ.

Jeremia 28:1

Yì‑iì dzə̀ é kiya foo fèy, e ŋwee wo wú meen ji tàn, a kiyá kìn ki dzə̀ ke kí‑iì meen ji kweè mo Tsədekiya‑aà kèʼèn, a saʼ vifon e Juda, Hananiya wo yì‑iì dzəə̀n ji ŋgaà ntum Nyùy wùmòʼ wìy, e sùŋnín e Jeremia, a Jeremia dzə̀ é lav cù wùn aàtàá cùu, à wír ámóʼó anín. Hananiya‑aà dzə̀ wan Asur, a wù ló fó Gibeon. Wù‑uù sùúy ji