Jeremia 26:9 - ŊWÀʼ NYÙY

⁹ Yiì ka, é bo à wáa fìʼtì ji Nyùy Tàr yoŋ ji lav cù rə̀n yíi a dzə moo Shilo, é ŋkàlaʼ rə̀n du é vifə̀m, a dzə là wír?» Wìr dzə̀m nèn lò, e gìm Jeremia e maàndzə yeé lav cù, e kaàrí, e tàr.

Jeremia 26:9 Referans Kwoze

Lim Aŋgàa Ntum 22:22

Mo wír vee shooyi yuúri kinyo ke Por, wù yiì lò, e fə̀ə́r kin fo shuù, á nèn lò, a waamé jii, «Á ku yùyrí wír woo ben yúyrín. Wù yoʼ ghèén feyì, a dzə sho.»

Lim Aŋgàa Ntum 21:30

Á rəə́mé bey, mvə̀mlaʼ nèn lò, e bvəə̀rí e dzə̀m, wíri nyéŋkír, e wìy. Á kaáy Por, e sə̀ŋ, e fəə̀ shó fo lav cù fèy, á ku nèn a sətí shúu kishem fo bàm.

Lim Aŋgàa Ntum 13:50

Yii bèy, wír veé Judàa nèn lò, e bàyír vikǐy wìr ve kuʼkìn ámóʼó ve vé‑eè wiy sa e ŋgày bùnrì, e ŋàʼár melív me atǎr ntèʼ, á wáa bàn Por wùn Banabar, a jùmjùm fo áwuné ntèʼ.

Lim Aŋgàa Ntum 6:14

Vèr‑iì yù, a wù suuy jii, Jesus woó Naasarer və̀y wíy kèr lav cù rə̀n, e kfə̀n kuvsín liì wòsən wòŋ wo Mooser‑iì lèmèn e dzə̀m.»

Lim Aŋgàa Ntum 5:28

«Bó vèr yòʼ‑oo lo kàntì ji lá vèn yòʼ dzə́ə a yeʼéy wír kinyo ke Jesus à? Vèn yén ri kinyo ke vèn yiìn kí. Vèn sàmèr ne yéʼéy yén Jerusalem e dzə̀m, a tàʼ ji wíri wáa bashí ver ji vèr kì fo Jesus kpu.»

Joon 8:59

Áwune yú kee shooy, e nèn tàyrí tíy ji á yúyri wun sho. Yii bèy, Jesus bìn, e lày, e fəə̀ fó maàndzə lav cù fèy.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Maak 15:11

Yii bèy, vitú ve atàá cùu kú a bayír màŋgòŋ və̀y ji á wáa lon a ji wù fəə́r a dzə̀ Barabar, e fò aáwune.

Matio 27:20

Mo Payler dzərin bey, vitú ve atàá cù wùn à vé wòŋe nèn a bayír màŋgòŋ və̀y jii, á wáa lon a ji wù fəə́r a dzə̀ Barabar, e yùy Jesus.

Matio 21:23

Jesus kfən kfə̀n é lav cù fèy, e lòo yeʼéy wíri, vitú ve atàá cù wùn aàtǎr wòŋe wìy, e yèn wun, e dzə̀r shó jii, «Vinyo ve wò‑oò mùmèn é lav fèn vìy, wò‑oò yii moo la? Fò la wò dzə́ə?»

Mayka 2:6

Á bèy, wír ve vé‑eè yuurí kinyo kémé nèn lò, e sàyín ji m bér á njèʼèr. Lá m dzəə fìʼtì a kfə́ə kinyò kee bey. Bó yòʼ dzə̀ Nyùy yiì màʼày ver ji vèr wáa woomé.

Amos 5:10

Wír veé Isray, vèn ban wír ve á tínen kinyo e nsànloŋ, nyaysì wír ve á suuy suuyrú.

Jeremia 9:11

Nyùy Tàr suuy jii, «M yíi yiì, é Jerusalem kfə́n é vikfər vikfər, e dù ji kirə́ʼ kee fo kuúrá yii shiiyì. M yíi yiì, é ŋkà se laʼ seé Juda si kfə́n ji vifə̀m. Kirə́ʼ ke bó wìr yòʼ yii dzə́ fo.»

Aysaya 29:21

Wír ve bi víne nəə e làv nsaʼ, á wàa suúy vinyo ji á bívír ámóʼó shó, du e mvə̀mlaʼ, á wàa way vitám ve wìr ve á mum ji á wáa tinén kinyo e nsànloŋ. Á lóo tàʼ ji á tínén kinyo ke alànjò é nsànloŋ, áwune wàa tinér.

2 Wòŋ 25:16

Kú a dzə, a ŋgaà ntum Nyùy dzəə́ súŋninè, Fòn Amatsiya nèn shèr jí rə jii, «Lèm la wò ji ŋgaà ntir fòn? Sə́tí shuu wóo, bo wò‑óò kpú.» Ŋgaà ntum Nyùy nèn sə̀sín, e bóo lò, e suúy jii, «M yèn ne ji Nyùy wày ne ji wun kù‑úù laar wò. À kì yiì ne jay, m lóo fo ntir lèn, à tén yú.»

Lim Aŋgàa Ntum 3:11

Wìr və̀y ku nèn a ghan e Pita wùn Joon bàm. Wìr dzə̀m wáa yen, a ker gháʼ, a nyeŋ, a dù, a banén aáwuné ghaŋ e ŋgày ye á yoŋ ji ye Solomon.

Lim Aŋgàa Ntum 5:12

Aŋgàa ntum Jesuse wáa yiì viŋgaʼnìn ve vinyò vinín e wírí mvəm, á wáa yen vitaáví vé Nyùy. Wùn aŋgàa biimé adzə̀me kfə́n a tarnín e lav cù, a dzə̀ʼə̀m e ŋgày ye á yoŋ ji ye Solomon.

Joshua 18:1

Wìr dzə̀m woó Isray nèn lò, e bànén e Shilo, e tùúy *kibàn ké ntàsín fó. Mo á fə̀m‑eè tònèn ne woŋ, a nsay néŋ e mboʼ,

Jeremia 32:3

Fòn Tsədekiya woó Juda‑aà fin wun e lav, sáʼ jii, wù sà ghán, fiʼtì ntum Nyùy ye wù fiʼtì ji ka á? Wù fiʼtì ji Nyùy Tàr suuy a jii, wun sí wáy a ŋkàlaʼ rə̀n e fòn woó Babilon kiwo, é wù koó wíri, e fəə̀ shó.

Jeremia 33:10

Nyùy Tàr suuy jii, «Mo wíri yoŋ ji kirə́ʼ kin ki lày ne kisáŋ, a bó wíri, kìn nyám si yòʼ dzə̀ fó, dzə̀ rú. Ŋkà se laʼ seé Juda wùn à dzə́ə seé Jerusalem si dzə̀ lèn ji làykìsáŋ kirə̀ʼ, bó wíri kìn nyám si yòʼ kum fo. Yii bèy, aá kù kfə̀n wíy a yu

Jeremia 36:29

Sáŋé, à yòŋ ké wun woo Fòn Jehoyiakim woó Juda ji Nyùy Tàr suuy a ji wù‑uù ton ŋwàʼ və̀n, fáŋnin a ji Jeremia sà yèe, e bó a saŋ ji fòn woó Babilon yíi wìy, e bvəʼə́y ŋkàlaʼ rə̀n, e yuyrí wíri wùn à nyám si á?

Yòvdìy 4:13

Kí‑iì kòóy bey, bìʼ jay aŋgàa ntum Nyùy vee fó, e kòóy, bìʼ vinyo ve atàá cùu‑uù buʼtì. Áwune‑eè yúyri alànjò aáwuné mvəm, wíri, a dzə̀ vee Nyùy mbòv.