Jeremia 26:6 - ŊWÀʼ NYÙY

⁶ bo m lo, e lovtí e lav cù rə̀n mo mò‑oò lovtin e Shilo, é vitúm veé kitu ke nsay vi wáa lì yír ŋkàlaʼ rə̀n ji liy ye á kuu wíri shó.› »

Jeremia 26:6 Referans Kwoze

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

2 Afòn 22:19

e yù á kinyo ke wun suŋnin kibiíbí kùm Jerusalem wùn à wír vee fóo, ji dzə̀ kirə́ʼ, a kí wíy lày a làyìn kisáŋ, aá wáa kuù kuùn. Mo wù səəsin jí sìn e shilív she juŋ shi, e lì kitú kfə́ kitérí, a neŋ e wun sar, e kfə̀n saàsì ndzə̀y sə́, a toŋ e wun si, wun woo Nyùy Tàr nén a suúy e wun a jii, wun yù á ne tóŋ rə́.

Jeremia 25:18

Mò‑oò nòór Jerusalem wùn à ŋkà se laʼ seé Juda si, aàfone, à vé saʼa, e nòór ji fóo du é vifə̀m, e lày kisáŋ. Wíri lóo leéy, é wúné wáa beemé, aá wáa ndzəə, a lì fó ji liy, mo kí dzəə̀n e shem lán.

Aysaya 65:15

Wír ve m shoʼoné wíy lì yír yén ji lòn, a ròʼ aŋgaà vév vibàn shó. Mo woo Nyùy Tàr woo Taà Ndzə kù wíy yiì, é vèn kpú kpú mensəə. Yii bèy, ké aŋgàa lìm vém ve ruú, m wíy kuvsín yír yév, e fo ye səné.

Malakay 4:6

Wù wíy wìy, é wù yii, áàtàr wùn à wóné tár shuu, fo kí koóy ji m yiì wìy, e laàr kitúm kén.»

Daniel 9:11

Rúrú, wír veé Israyi shòʼór ne nsər yè adzə̀m, e bìn ndzə̀m, e làa yòʼ dzə́ə a yunín jí yè. À nen lò, e màʼ lòn e věr kitu, bìʼ fo vèr jayin ne e wò, a kù dzə̀ lòn wo vé‑eè yiin kilìʼ, e lèm e Ŋwàʼ Nsər wo Mooser woo ŋgaà lìm wò‑oò saŋen.

Jeremia 44:22

Mo bó yòʼ‑oò dzə̀ Nyùy Tàr wàa kòmèr liì won kisaŋ wùn à vinyo ve joònè ve vèn yii, nsay yen nèn lày kisáŋ, a dzə kinjúm, e kfə̀n ji kifá ke liy ki, a dzə là wír, kù mo yì dzəə̀n lán və̀n.

Jeremia 42:18

Nyùy Tàr woo Taà Mànjòŋ, wun woo Nyùy wìr veé Isray kfə́n a yòŋ jii, «Mo dòʼshwíiy wom‑eè koʼon, kí nyár mo, m màʼ ŋgeʼ e wír veé Jerusalemé kitu, á mo vèn yíi dù e Ejiv, é kí koóy sá ven bey. Vèn wíy a dzə vé lòné, wíri lóo leéy ven, é wúné wáa beemé áwune, é yír yéné kfə́n ji liy, aá wáa jàʼ ven jáʼan, a vèn yòʼ dzəə́ wìy yen nsay rə̀n.»

Jeremia 29:22

Bìʼ bey, wír ve vé‑eè koon fó Juda, e dù sho e Babilone wíy lòo kuù wír, aá wáa yòŋ ji Nyùy Tàr ku lòvtí a sho mo vé‑eè lovtin e Tsədekiya wùn Ahav ve fòn woó Babilone‑eè tònèn é və̀y atin.

Aysaya 43:28

Bìʼ bey, m wíy shoór vilìmbìy vén vee mǒ lav cù, e laàr rám Jakov moo wír ve á shwiin mo shó ji m ku laàr ŋkuuŋkùŋ, é wíri wáa nyè sèʼsì e kibér ke wìr veé Isray ki.»

Joshua 18:1

Wìr dzə̀m woó Isray nèn lò, e bànén e Shilo, e tùúy *kibàn ké ntàsín fó. Mo á fə̀m‑eè tònèn ne woŋ, a nsay néŋ e mboʼ,

Sekariya 5:3

Wù suúy e mò jii, «Ŋwàʼ və̀ne ghán ndzə e dzə̀m, a wú kér lòn. Á sàŋ lǒn ashòŋ é mbìv yìmòʼ, e sàŋ lǒn wìr ve á bóʼti kimboʼtì, kan yír Nyùy kisáŋ, e yìmòʼ yee mbìv. Lòné koó wír, á fə̀ə́r ŋwèrín fo wírí mvəm.

Jeremia 29:18

M yíi nəə́ áwune e rə́r sí wùn à jiŋ, à kifə̀ʼ ki, é vitúm vidzə̀m vi wáa leéy, é wúné wáa beemé, aá wáa ndzəə. Wír adzə̀m vee fo m wíy jùm áwune, aá duú wíy a lì áwune ji kifá ke liy ki, e kfə̀n a beèmè áwune béemen, a kèŋ, a sheʼ.

Yòvdìy 2:15

Wìr dzə̀m wo wù shaa e dzəə, sí jaʼ wò jáʼan. Á shaa, sheŋ kitú, shéʼ ŋgònjuù yee Jerusalem. Á shéʼ, yoŋ jii, «Ábaáy, á ŋkàlaʼ ye vé‑eè yoŋ ji yì bòŋ à? Á ŋkàlaʼ ye yì‑iì bòŋèn, e shaà ŋkà se laʼ sidzə̀m à? Á ŋkàlaʼ ye wìr dzə̀m woó kitu ke nsay shéʼri à?»

Yòvdìy 2:16

Aŋgaà vé vibàné mvə̀ʼ ne shuu, e lèm e rə́, e tàtí, a te lám e wò wùn. Áwune ŋèytí ne sóŋ, a sheʼ, a suúy jii, «Vèr laàr ne wun. Àjwè, kin ki dzə̀ kishiíy, a vèr‑iì shiyì, a kí wìy ne lèn, vèr yén.»