Jeremia 26:5 - ŊWÀʼ NYÙY

⁵ e kù a ten fó a yunín jí se aŋgàa lìm vém ve m túm fo věn wùn akàŋ akàŋ,

Jeremia 26:5 Referans Kwoze

Jeremia 11:7

Ku fìʼtì ji m yoŋ a jii, ‹E kèʼ mo mò‑oò fəərin atàr vén fó nsay Ejiv, a kàntì áwune akàŋ akàŋ, m kù dzəə́ kantì ven, e wìy shem lán ji vèn wáa yunín a mo.

Jeremia 7:25

E kèʼ mo atàr véné‑eè fəən fó nsay Ejiv, e wìy shem lán və̀n, m kù rə́si tsə́nsi vé lìm vém vee aŋgàa ntum, aá wiy, yén ven mo kishiíy kí dzəə̀n,

Jeremia 7:13

Mo woo Nyùy Tàr, m nén a kàʼ ven jii, mo vèn yiìn ne vin vee vinyo, m súŋnín e vèn akàŋ akàŋ, la vèn yòʼ yuùrí, m jáŋ ven, la vèn yòʼ biìmé,

Esra 9:11

ye wò‑oò tumen aŋgàa lìm vé, á wìy, e fò e vèr. Vé‑eè sùúy e vèr ji nsay ye vèr‑iì du e yòv dzə̀, a vé nsayi‑iì bìvír á ne e joonè wóví. Liì wov joònè sùm a ne fó, e kèʼ fo buu fèn, e dù e meé a e və́səə.

2 Afòn 9:7

À yíi yuyrí tàr won woo fon, wo dzəə̀n wan Ahav, é m fiʼ siìr ŋkfə́tir mensə me aŋgàa ntum vém wùn à me aŋgàa lìm vémé adzə̀m ve Jesebel‑iì yuyrin.

Ŋgaà Yen 11:18

Wír veé ndzə fène‑eè lò, a taŋ sáʼ yé, a ghán sí ghèén ne lèn, à dín áwune mo wo woo dòʼshwiíy dzəə̀n. A sì ghán se à yíi koʼór aŋkfə fo si, e tinén vinyo vév. Kfə́n a dzə ghán se à yíi laamé aŋgàa lìm vé ve vé‑eè tiísi ntum yè, e kfə̀n laamé wír vé adzə̀m, áwune ve á ghvə́m yír yé, kìn dzə̀ wo kùʼùn, kìn dzə̀ wo terí. Kfə́n a dzə sa ghán se à yíi laàr wír ve vé‑eè ghán, bívir ndzə.»

Ŋgaà Yen 10:7

Nshìylav rə ye yì meen ji saàmbà yíi toŋ rə́ yee sóŋ, é vinyo ve Nyùy‑iì yiìn ne sìysì fo ŋgùʼ, la wìr yòʼ kìíy vi wàá koóy vidzə̀m, réŋréŋ mo wù‑uù tóʼti aàŋgàa lìm və́ ve vé‑eè tiísi kinyo kfəə́.

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Amos 3:7

Rúrú, Nyùy Tàr woo Taà Ndzə yòʼ yii yii kinyo kfə́, a bó wù suúy áàŋgàa ntum vəə́.

Esiker 38:17

Ke mo woo Nyùy Tàr woo Taà Ndzə suuy ki dzə̀ jii, ‹Dzə̀ wò ŋgaà wo mò‑oò súŋnin e ghan símóʼ sí fó ŋgùʼ kùm wun, túm aŋgàa lìm vém, aá tiísi e Isray. Vé‑eè rə́si tiísi viyá viyá ji m wíy lì wò, e nəə́ a áwune shó.›

2 Afòn 24:2

Nyùy Tàr nèn tsə̀nsí ŋgoo vé rərí fó Babilon wùn à fó Siiria, à fó Moav, à fó Ammon ji á wiy, e nə̀ə́ a Jehoyiakim e rə́r sí, e laàr a Juda mo Nyùy Tàr‑iì yòŋèn, e shaà fo aŋgàa lìm və́ ve dzəə̀n aŋgàa ntum vəə́.

2 Afòn 17:23

Kù bey, kù bey, e dù, e meé mo Nyùy Tàr‑iì jùmèn wír veé Isray fo wun si, kù mo wù‑uù yiìn, aŋgàa lìm ve yì‑iì dzəə̀n aŋgàa ntum vəə́ wáa fìʼtì fo ghan. Á bèy, Nyùy Tàr nèn fə̀ə́r wír veé Isray fo áwuné nsay, e dù sho e Assiriya, á wáa dzə fo e kwaʼ nsàm, e wìy shem lán.

2 Afòn 17:13

Nyùy Tàr‑iì ló a kàntì wír veé Isray wùn à veé Judàa, a shaà fo aŋgàa ntum vəə́, kfə̀n shaa fo ve á yén vinyóo. Wù‑uù kantì, suuy jii, «Vèn maʼti liì kisaŋ, a lèm nsər sém wùn à ntir sém sí, se sí dzəə̀n é Ŋwàʼ Nsər wo mò‑oò foon áàtàr véné. Mò‑oò fò ŋwàʼ və̀n, e shaà a dzə̀ fo aŋgàa lìm vémé, áwune vee aŋgàa ntum vém.»

Jeremia 29:19

A kí yíi koóy áwune bey, a dzə̀ bìʼ fo á yòʼ yuúri kinyo kém, a mò‑oò rə́si tsə́nsi vé lìm vém vee aŋgàa ntum, aá wiy, súŋnin aáwune akàŋ akàŋ. Suuy mo woo Nyùy Tàr.

Jeremia 32:33

Áwune bìn ne ndzə̀m e mò, e laà yòʼ bìnkìr, a leéy a dzə̀ mo. Yii bèy, a m kù rə́si yéʼey áwune, la á yòʼ yuùrí kinyo kém, aá yoʼ sə̀ ntir.

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Jeremia 35:17

Á bèy, mo woo Nyùy Tàr woo Taà Mànjòŋ, mo woo Nyùy wìr veé Isray nén a suúy jii, vèn yuúri yù, m lo, e màʼ ŋgeʼ ye mò‑oò yòŋèn e dzə̀m e wír veé Juda wùn à wìr dzə̀m woó Jerusalem kitu, a dzə̀ bìʼ fo m suŋnin aáwune, la á yòʼ yuùrí. M jáŋ áwune, á tén fó biimé.»

Jeremia 44:4

Vé‑eè yii bèy, a m kù rə́si tsə́nsi vé lìm vém vee aŋgàa ntum adzə̀m fo áwuné wùn, kán wún jii, ‹Éè mò, la vèn dzə́ə a yiì vinyo ve joònè ve vèn yii, a ví bír mo vin.›