Jeremia 26:4 - ŊWÀʼ NYÙY

⁴ «Suúy aáwune ji Nyùy Tàr yoŋ a jii, ‹A vèn dzə̀ là fó a yunín mo, a jùmrì nsər sém se m foon e vèn,

Jeremia 26:4 Referans Kwoze

1 Afòn 9:6

Yii bèy, aà lò, kìn lò wón vé, e bìn ndzə̀m e mò, a ghvəm anyùy kisaŋe, a cù áwune, e làa yòʼ dzə́ə a yu sáʼ yém, e làa yòʼ dzə́ə a yunín nsər se m foon e vèn,

Jeremia 44:10

Bó vèn yòʼ kfə́menè, e wìy shem lán, a bó á yòʼ fan mo, aá yòʼ yú sáʼ yém, a bó á yòʼ lem nsər se mò‑oò foon e vèn aàtàr véné.»

Aysaya 1:20

Yii bèy, a vèn tèn ji á yòʼ‑óò yúnín mo, e kù a tsəy a dzə̀ kóy vèsən, bo vèn kù‑úù kpú yé rər. Kù suuy mo woo Nyùy Tàr jí sìn e vèn.»

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Remrí 31:20

M wíy lì áwune, e dù sho e wòŋ wo mò‑oò kàʼàn atàr vév shó. Woŋ, a vín nàʼ wùn à vilu vi tsəətìn fo. Áwune du, e yikír, kúrí, lóo dzə kijuŋ, aá nèn bìn ndzə̀m e mò, e ŋwày mensaŋ mem, e dù, a ghvəm anyùy ámóʼó.

Remrí 11:32

vèn kù wày ŋàŋ ji á wáa lèm a nsər sidzə̀m se m neer e věn si lán və̀n, à ntò se vinyò si, a yiì mo sí dzəə̀n.»

Remrí 4:44

Yéʼéy Nyùy wùn à nsər se Mooser‑iì foon e wír veé Isray si sìne.

Remrí 4:8

A bó kitúm ki yòʼ dzə̀ shó, a kí fə̀m kùʼ e le, ke kí kér nsər se sí dzəə̀n tìítiy moo nsər sìn sidzə̀m se m fó e vèn lán.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Jeremia 22:5

Yii bèy, a vèn dzə̀ là fó a yunín vinyo vìn, bo ntoʼ rə̀n wíy dù e vifə̀m. Sùúy mo woo Nyùy Tàr e shuu wómé, e kfə̀n lìʼ.› »

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Jeremia 44:23

Ŋgeʼ sìn si‑iì nə̀ə́ ven, e wìy shem lán bèn, a dzə̀ bìʼ kiláy ke vèn‑eè ton, cu anyùy sho, nèn jáy e Nyùy Tàr. Vèn yòʼ‑oò ló a yunín Nyùy Tàr. Vèn yòʼ‑oò ló a yu sáʼ rə́, a jùmrì nsər sə́, a yu ntir sə́.»

Jeremia 7:14

bo kinyo ke mò‑oò yiìn é Shilo ki dzə̀ ke m yíi yiì e lav yee fo á cu mo rə̀n, a dzə̀ fo shilív shén shí tíyí, e kù yiì réŋréŋ bey e nsay ye mò‑oò foon e vèn aàtàr véné rə̀n.