Jeremia 26:3 - ŊWÀʼ NYÙY

³ A tàm é ghanmóʼ, aáwune yuúrí, é wìr wáa kuvsín fo wun yiì kisaŋe. Á bèy, é m lo, e kùvsín kwaʼtì yém, e làa yòʼ dzə́ə màʼ ŋgeʼ ye m báʼti ji m wiy sho bìʼ vinyo ve kisaŋ ve áwune yii.

Jeremia 26:3 Referans Kwoze

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Jeremia 36:7

À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»

1 Afòn 21:29

«À ku yòʼ yèn mo Ahav gbuùn ne mo á? Mo wù gbuùn ne mo ben, bo m yòʼ dzəə́ lò e màʼ ŋgeʼ e wun kfəə lèn, a wù dzə̀ə́ sho. M wíy màʼ, a sì é ghan se sí sáʼ wán və.»

1 Afòn 21:27

Fòn Ahav yuúrí ntum Elija, e saàsì ndzə̀y sə́, e lò, e màʼ vinsàʼ ve ndzə̀y, e nèn a lèm jíŋ, a shiíy e vinsàʼ ve ndzə̀y ví wùn, a ghan mendzən mendzən.

Jeremia 26:13

Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

Esiker 12:3

Bo dzə̀ jii, wàn wìr msòŋ, báʼ vifá vi moo vé ŋgaà nsàm bey, a dù e kwaʼ nsàm, kù e shùy bèn, aáwune yéné. Ku yiì, é wìr dzə̀m yén mo à lo fo wò kirə̀ʼ, a dù fomóʼó, réŋréŋ moo wír wo wù du e kwaʼ nsàm. Ghanmóʼ, é wír vìne yén, e səə̀m kinyo, fə̀m mo á dzəə̀n antavkìtu bèn.

Hosea 11:9

Bó yòʼ dzə̀ m laàr ven mo dòʼshwiíy wo wù kív mo dzəə̀n. Feyì feyì, m yòʼ yíi bìnkìr, e laàr Isray ŋkuuŋkùŋ. M dzə̀ Nyùy, a m yòʼ dzə̀ moo wir msòŋ. Dzə̀ mo Ŋgaà wo Ranén, a m dzə́ e věn mvəm. M yòʼ‑óò li dòʼshwíiy wom, e wìy, e kìʼ ven shó.

Joel 2:14

Yòʼ kì la, a Nyùy Tàr yíi kuvsín kwaʼtì rə́, e səə̀vì ven, e yiì, é vifá vi kfə́n a kuy e sum. Səəvì, é vèn kfən kòóy vifá vé a cù Nyùy Tàr woo Nyùy won shó, a cù wun e vifá ve yi vi, a cù e meluʼ mè.

Jeremia 26:19

«Mayka‑aà lo tiìsí bèy, Fòn Hesekiya woó Juda yúyrí wun a? Wìr woó Juda‑aà lo yùyrí a? Bó Hesekiya yòʼ‑oò fàn Nyùy Tàr, a mùm ji wun yii, é kí boŋ Nyùy à? Bó Nyùy Tàr yòʼ‑oò kùvsín kwaʼtì rə́, e làa yoʼ dzə́ə màʼ ŋgeʼ se wù‑uù kàʼàn áwune shó à? A vèsən dzə̀ là fó a yen, bo á bèn sí jaŋ a dzə̀ ŋgeʼ ye tavín e vèsə́n kitu.»

Esiker 18:21

«Yii bèy, a mbùʼtìvìnyò lò, e bìn ndzə̀m é vinyò ve wù bùʼtìn vidzə̀m, a yu sáʼ yém, a yiì vinyo vee tìítiy, a ker yii yee réŋ, bo wù kù yíi a dzə sho e tin, e làa yòʼ kpu.