Jeremia 26:2 - ŊWÀʼ NYÙY

² Wù‑uù sùúy jii, «Dù tìím e maàndzə yeé shùu lav cù Nyùy Tàr, e sùŋnín e wìr dzə̀m wo wù wìyìn fó ŋkà se laʼ seé Juda ji wun yii cu e Nyùy Tǎr lav. Tiísí kinyo kidzə̀m ke m suuyin e wò ki aáwune, é la kfəʼ yòʼ tùm fó fo.

Jeremia 26:2 Referans Kwoze

Remrí 4:2

Vèn kú a lèm a dzə̀ nsər se Nyùy Tàr woo Nyùy wòsən se m yoŋ e vèn sí. Lá vèn yòʼ dzə̀sì kifá e vinyò ve m yoŋ e vèn, lá vèn yòʼ shòʼór kifá fo fo.

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Jeremia 19:14

Jeremia yiì dù, e kfə̀n é bàm fó Kiwoóy ké Tofet, fo Nyùy Tàr‑iì tumen wun, wù dù, e tiìsí ntum. Mo wù wìyìn, e tìím e maàndzə yeé lav cù, e sùúy e wìr dzə̀m jii,

Jeremia 1:17

«Fo ké ki lèn, kúr ndzə̀y sé si, é sí táv. Tsəə́m, a fìʼtì vinyo vidzə̀m ve m suuy e wò vi. À lóo tiy aáwuné si, lá à yòʼ a yàʼ, fo m yii, áà maysi, a yàʼ yàʼàn.

Lim Aŋgàa Ntum 20:20

A vèn kfə̀n kì sá kijuŋ ji mò‑oò rə́si yéʼey ven kinyo ke Nyùy e virə̀ʼ vé kintatì, kfə̀n ghán, yéʼey e melav, e làa yòʼ a lìtì kinyo ke dzə̀ kí sə̀ ven gheéy.

Lim Aŋgàa Ntum 5:42

Áwune dù bèy, e kù nèn a yeʼéy wíri vishiíy vidzə̀m e lav cù, e kfə̀n a yeʼéy e melaʼ, a fìʼtì sáʼka wo juŋ ji Jesus dzə̀ á *Mfə̀ə́r.

Joon 18:20

Jesus nèn bìnèr jii, «Mò‑oò fiʼtì kinyo kém e wìr dzə̀m a dzə̀ fó meranén. Mò‑oò rə́si yéʼey wíri é ŋgày se bùnrì, kfə̀n yéʼey e *lav cù fo wír veé Judàa‑aà báʼti adzə̀m. A bó m yòʼ‑oò yéʼey wíri, ghán, woóne woònén.

Esiker 3:10

Nyùy Tàr kú a suúy e mò jii, «Wàn wìr msòŋ, yuúrí kinyo ke m yoŋ e wò ki kidzə̀m, a rə̀tì sho.

Jeremia 36:10

Kù‑uù dzə̀ kishiíy kin ke Baruk‑iì duùn é lav cù, a yòŋ kinyo ke Jeremia‑aà suuyin fó ŋwàʼ, wìr dzə̀m wáa yuurí. Wù‑uù nə̀ə́, e tìím a dzə̀ e Gemaria shùu lav, a lav rə̀n dzə̀ é maàndzə yee fó yuv, e dzəə ye yì nəə e lav cù fo Shùu Kày wo Fíyi. Gemaria və̀n‑eè dzə̀ wan Shafan woo ŋgaà saŋ wo kuʼùn.

Jeremia 23:28

Á bèy, ŋgaà ntum wo shiin njèm wun kú a fìʼtì a dzə̀ njèm rə, é ŋgaà ntum wo tumen mo wun kú a fìʼtì kinyo kém mo kí dzəə̀n. Vishaárín vi kfə̀n tàtí ka lèn e mvə̀m sàŋ? Suuy mo woo Nyùy Tàr.

Jeremia 7:2

«Tiím é shùu kày wo wú du e Nyùy Tǎr lav, a fìʼtì sáʼ yémé fó jii, á yuúrí á ntum Nyùy Tàr. Wìr dzə̀m woó Juda wo wù nəə kay ji wun cu Nyùy Tàr ku waà yuùrí.

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Ŋgaà Yen 22:19

Wìr fəə́r kifá fo jì se Nyùy tiisin é ŋwàʼ fèn, bo Nyùy yíi fəə́r kilíŋ ke ŋgaàŋ kì yíi a ker e wùn mvə̀mlaʼ fèy, é la wù yòʼ dzəə yùtí kicí ke á yoŋ e ŋwàʼ fèn ji wìr yí, wù wàa ker dzəʼə̀m yee là may.

Lim Aŋgàa Ntum 5:25

Wìr ku nèn tò fó ndzə, e sùúy jii, «Wír ve vèn‑ee fìnèn é lav vìyi vìsə lèn, aá tíy e lav cù, yéʼey wíri.»

Joon 8:2

Ndzə bvəə́shí, e jàv, wù kfən dù e lav cù. Wíri báʼtí e wùn ghaŋ adzə̀m, wù nèn dzə̀ʼə̀m fo nsay, a yeʼéy áwune.

Ŋwàʼ Luk 19:47

Jesus ku nèn a yeʼéy wíri é lav cù fèy vishiíy vidzə̀m. Vitú ve atàá cù wùn à wír ve vé‑eè duŋrì nsər Nyùy, à vé wòŋe wáa woóy ji á yúyrí á wun.

Jeremia 42:4

Jeremia nèn bìnèr aáwune jii, «M yù ne, a m yíi a lon rú Nyùy Tàr woo Nyùy won mo vèn suuyin. Wù suuy kinyo kidzə̀m ke wù suuyin, é m ku nèn fèr e vèn, e làa yòʼ ber kímóʼ kí gheéy.»

Remrí 12:5

Vèn kù wíy a tàʼ a dzə̀ kirə́ʼ kee shó ke Nyùy Tàr woo Nyùy won wíy shoʼ fo rám sén sí nsay, e lèm ji kfə́ ke á wáa cù wun fo. Ghán se vèn wiy e wun si, a cù wun, vèn kù dù a dzə̀ fó.

Jeremia 7:27

Nyùy Tàr suúy bey, e nèn yòŋ e mò jii, «Jeremia, à yíi naàrì kinyo kìn kidzə̀m aáwune, aá yòʼ yíi biimé. À yoŋ wír fo áwuné mvəm, é la wù yòʼ fə̀m ghày.

Esiker 33:7

«Ké lèn ki, wàn wìr msòŋ, m lèm ne wò ji ŋgaà ŋkiy wìr veé Isray. Aà yù kinyo fo mǒ shuù ji à kanti wír vìn sho, à kù nèn kàntì bèy.

Esiker 40:4

Wìr və̀y suúy e mò jii, «Wàn wìr msòŋ, leéy, e yèn, e yuùrí, e yù. Ku wày vifií ví é kinyò ke m lo, e dìn e wò ki kijuŋ. Á wìy e wò fèn ji m din á vinyo vìn e wò. Ku naàrì kinyo kidzə̀m ke à yenen kí e wír veé Israyi.»

Joshua 8:35

Bó jì yòʼ‑oò lo gòʼ fo nsər se Mooser‑iì foon, ye Joshua yòʼ‑oò lo yòŋ e màŋgòŋ woó Isray, e lì vikìy wùn à wóné, à viŋgwìy ve ví‑iì dzə́ aáwuné mvəm ví.

Jeremia 1:7

Yii bèy, Nyùy Tàr suúy e mò jii, «Lá à yòʼ a yòŋ kitú ké ji wánlè. À kù yíi dù, e yen wir dzə̀m wo m yíi tum wò ji à yén, yéné, áà fiʼti kinyo kidzə̀m ke m yíi a suúy e wò.

Jeremia 25:2

M nèn a fìʼtì e wìr dzə̀m woó Juda, a fìʼtì e wìr dzə̀m wo wù dzə́ e Jerusalem jii,

Jeremia 28:5

*Ŋgaà ntum Nyùy woo Jeremia nèn sùúy kfə́ kee kinyo e Hananiya wo yì‑iì dzəə̀n sá ji ŋgaà ntum Nyùy. Wù‑uù suuyì, aàtàá cù wùn à wìr dzə̀m wo wù‑uù dzəə̀n e Nyùy Tǎr lavi tíy fo si.