Jeremia 26:16 - ŊWÀʼ NYÙY

¹⁶ Atǎr ntoʼ wùn à wìr dzə̀m nèn sùúy aàtàá cù wùn aàŋgàa ntum Nyùy vìyi jii, «Wìr və̀n yoʼ yiì kinyo ke dzə̀ á yùyrí wun. Wù tiìsí kinyo e vèsən a dzə̀ ntum ye Nyùy Tàr woo Nyùy wòsən tumen wun sho.»

Jeremia 26:16 Referans Kwoze

Lim Aŋgàa Ntum 23:29

Á tàr, m yén ji á tóy wun a dzə̀ é mbìʼ woo kùm nsər sév. A bó wù yòʼ‑oò lo jày kinyo kímóʼ kí ke dzə̀ á yùyrí, kìn ke dzə̀ á wày é sháŋ.

Lim Aŋgàa Ntum 23:9

Fóo nèn kfə̀n màysì, e bvəə̀rí bvəərín. Aŋgàa yeʼéy veé mbìv Farasi ámóʼó túm é yuv, a shaʼnín kitávín jii, «Vèr yoʼ yèn kinyo ke wìr və̀n jayin gheéy. Ghanmóʼ rú, bo nshìylav Nyùy kìn kiyoy kímóʼ kí‑iì lo sùŋnín sho.»

Lim Aŋgàa Ntum 25:25

A bó m yòʼ yén kinyo ke wù jayin ke dzə̀ á yùy. Wù‑uù lì ne nsaʼ rə fó mbìy fo Fòn woó Rom, m nèn yèn sá ji bòŋ ji m tsə́nsí wun fo.

Jeremia 36:25

Fə̀m mo Elnatan wùn à Delaya, à Gemaria‑aà bun fon ji nyàr káʼ, lá á dzəə tòn a ŋwàʼ və̀y, fòn yòʼ‑oò ló a yuurí.

Jeremia 36:19

Vé saʼa nèn yòŋ e Baruk jii, «Dù, é vèn Jeremia lir, a yen fó yiì, é wìr kiíy fo vèn dzəə̀n.»

Ŋwàʼ Luk 23:47

Kitú ke vé rər ke kí‑iì tíy fo ki yén kinyo ke kí kooyin, a sùyrì Nyùy, a suúy jii, «Dzə̀ rú, wìr və̀n‑eè dzə̀ là njò.»

Ŋwàʼ Luk 23:41

Wòsò kpù kesò a dzə̀ fó lǒn vinyò ve wòsò‑oò jayin, a bó wìr və̀n yoʼ jày kinyo gheéy.»

Matio 27:54

Mo Jesus kpuun, kitú ke vé rər wùn à wír və́ ve vé‑eè shiy fo vé‑eè taan Jesus e kintame yú mo nsay səʼ bèy, e kfə̀n yèn vinyo ve ví‑iì kooy vidzə̀m, shuu wóví yúm, á wáa suúy jii, «Wìr və̀n‑eè dzə̀ rú Wan Nyùy.»

Jeremia 26:11

Atàá cù wùn aàŋgàa ntum Nyùy vìyi nèn sùúy aàtǎr ntoʼo, e sùúy e wìr dzə̀m jii, «Kí ghèén ji á laar á jwè və̀n láarin, bìʼ fo wù tiisin ne lǒn ŋkàlaʼ rə̀n, a wíri dzə̀ a yú e vituʼùr vév ví.»

Ŋgàn 16:7

Yíi wìri lóo gheén Nyùy Tàr, wíri wàa gbù e wùn wó, fə̀m aàŋgaà və́ vibàné shó.

Esta 4:14

Á bèy, aà gòʼ kisə́sə e ghan fen, bo dzəə̀ yìmòʼ kù‑úù fəə́sín ye dzə̀ wír veé Judàa keèrí sə́ fo fo, e bòy fo á laar áwune. Yii bèy, aá yíi laàr vèn à kfə́ə tàr woné láarin. Àshè, yòʼ kì la, a wò‑oò kóʼ ntaʼ viyaà é ntoʼ fèn ji kí kooy bèn, áà fiʼ bòyìr wír veé Juda, bo taaka lèn wo rə́mrə́m kinyòo gbuùn ne aáwuné kitu.»

Jeremia 34:10

Vilìmbìy vidzə̀m, à wìr dzə̀m wo wù‑uù lìʼìn nèn biìmé ji á lo, e màʼtì a akwàn vév vee vilum wùn à vee vikìyí, e làa yòʼ dzə́ə wìy siìr a e vikwàn. Á biímé bey, e nèn màʼtì.

Jeremia 37:15

Kilòŋ kí‑iì shwìíy áwune bìʼ Jeremia, á nèn yòŋ, á dzə̀v wun, e fìn e Jonatan woo ŋgaà saŋ lav, a vé‑eè binèr ne ji lav vé sháŋé.

Nsùyrì Nyùy 94:16

Wìr wóo sə mo fo wír ve bií dzə̀ shó à? Wìr wo wù fəər mo fo áwuné wo dzə̀ la?