Jeremia 26:13 - ŊWÀʼ NYÙY

¹³ Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

Jeremia 26:13 Referans Kwoze

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Jona 3:9

Siì kì la, kìn Nyùy‑íì kúvsín kwaʼtì rə́, e siìr dòʼshwíiy və wo bi və̀n e bàm, e làa yòʼ dzə́ə laàr vèsən.»

Aysaya 1:19

A vèn fèn dzə̀ kibáʼtín yé a yiì mo m suuyì, a yunín mo, bo vèn yíi a yi vifá ve yi ve ntay, ve nsay fəərì.

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

Joel 2:14

Yòʼ kì la, a Nyùy Tàr yíi kuvsín kwaʼtì rə́, e səə̀vì ven, e yiì, é vifá vi kfə́n a kuy e sum. Səəvì, é vèn kfən kòóy vifá vé a cù Nyùy Tàr woo Nyùy won shó, a cù wun e vifá ve yi vi, a cù e meluʼ mè.

Jeremia 38:20

Jeremia bìnèr jii, «Á yòʼ wíy way a fon e wír vee shooyí wo. Kí dzə̀ á ji fòn ku yùnín a dzə̀ á kinyo ke Nyùy Tàr ke m tiisin á e wun, é vinyo ve fòn vi nèn wìy a ghan a kijuŋ, é dzəʼə̀m fòne wáa dzə a e kiŋsìn.

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Jeremia 26:19

«Mayka‑aà lo tiìsí bèy, Fòn Hesekiya woó Juda yúyrí wun a? Wìr woó Juda‑aà lo yùyrí a? Bó Hesekiya yòʼ‑oò fàn Nyùy Tàr, a mùm ji wun yii, é kí boŋ Nyùy à? Bó Nyùy Tàr yòʼ‑oò kùvsín kwaʼtì rə́, e làa yoʼ dzə́ə màʼ ŋgeʼ se wù‑uù kàʼàn áwune shó à? A vèsən dzə̀ là fó a yen, bo á bèn sí jaŋ a dzə̀ ŋgeʼ ye tavín e vèsə́n kitu.»

Jeremia 26:3

A tàm é ghanmóʼ, aáwune yuúrí, é wìr wáa kuvsín fo wun yiì kisaŋe. Á bèy, é m lo, e kùvsín kwaʼtì yém, e làa yòʼ dzə́ə màʼ ŋgeʼ ye m báʼti ji m wiy sho bìʼ vinyo ve kisaŋ ve áwune yii.

Jeremia 18:8

kitúm ke m yòŋèn shó ki kúvsín liì wov wo bi, bo m sí binèr sa kwaʼtì yém, e làa yòʼ dzə́ə yiì kinyo ke m kì wayin ji m yii aáwune.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Jeremia 42:10

‹A vèn lòo dzə, e gòʼ e wòŋàn, bo m yíi bàʼrì ven, e làa yòʼ sàʼtì. Bo m yíi tuúy ven, e làa yòʼ shoʼóy shoʼoyín. M kér mendzən feyì bìʼ ŋgeʼ ye tavín ye mò‑oò nəən ven shó.

Atǎr Nsaʼ 2:18

Ghán sidzə̀m se Nyùy Tàr‑iì fó tàr nsaʼ e wír veé Israyi, wù kù a tom wun, wù wàa fəə́r wír veé Isray fo aŋgaà vév vibàné wo, á wàa dzə nyaáŋ, e meé mo tàr nsaʼ və̀n‑eè dzəə̀n shó. Nyùy Tàr‑iì lèéy ŋgeʼ se áwune‑eè yén e wír ve vé‑eè nyavrì aáwuneé sar, a rər mendzən mev.

Remrí 32:36

Fo ké wìr və́ veé Isray ki, Nyùy Tàr kù wíy bìn nsaʼ yev, e sham mendzən me aŋgàa lìm və́. Wù wíy yen, a bó wìr yòʼ dzəə́ kér kitar, yén, aá kpú ne, a mày, kìn dzə̀ kwàn, kìn wan nsay, é bo wù yii kinyo kìn.

Ŋwàʼ Fəə 32:14

Á bèy, Nyùy Tàr nèn kùvsín kwaʼtì ye wù kì sí kérí ji wun laar a wír və́, e làa yòʼ dzə́ə laàr áwune.

Jeremia 11:4

ntò se mò‑oò foon áàtàr véví, e ghan se mò‑oò fəər áwune fó wòŋ Ejiv, fo vé‑eè yén ŋgeʼ mo á ton a dzə̀ kilam. Mò‑oò yòŋ ji áwune wáa yu jí yem, a yiì kinyo kidzə̀m ke m suuyin, aá nèn a dzə a wír vém, é m wáa dzə Nyùy wov.

Jeremia 18:11

Á bèy Jeremia, bo dzə̀ lèn ji à yoŋ e wír veé Juda wùn à ve á dzə́ e Jerusaleme ji Nyùy Tàr suuy a jii, ‹Vèn leéy, e yèn, m sí siysì ŋgeʼ ye m lo, e kìʼ ven shó, báʼti mo m lo, e nəə́ ven shó. Wìr mòʼón mòʼón kú a kuvsín liì və, a màʼtì liì və wo bi, e màʼtì yíi kisaŋe.›