Jeremia 26:11 - ŊWÀʼ NYÙY

¹¹ Atàá cù wùn aàŋgàa ntum Nyùy vìyi nèn sùúy aàtǎr ntoʼo, e sùúy e wìr dzə̀m jii, «Kí ghèén ji á laar á jwè və̀n láarin, bìʼ fo wù tiisin ne lǒn ŋkàlaʼ rə̀n, a wíri dzə̀ a yú e vituʼùr vév ví.»

Jeremia 26:11 Referans Kwoze

Jeremia 38:4

Vé saʼ vìne nèn dù, e bùn fon jii, «Á ku lì a jwè və̀n, e dù sho a e kisəə. Wù semèr a kóy vé rər ve á berin á e ŋkàlaʼ fèn e vinyo ve wù táŋri vi, kfə̀n semèr a wó wìr dzə̀m. Bó kfə́ kí yòʼ dzə̀ á ji wun sə́ wíri, wù bá kfə́ a dzə̀ á menàŋ.»

Matio 26:66

Vèn tìnén kén ji ka?» Á bìnèr adzə̀m jii, «Á yúy yuyín.»

Remrí 18:20

Yii bèy, a ŋgaà ntum wìy lò, e fəə̀, a suúy kinyo ji kí lò a fo mò, a bó m yoʼ yòŋ ji wù suúy, kìn wù súŋnin a dzə̀ é vitaaví vé anyùy kisaŋe, bo á kù yúyri woo shooy.›

Lim Aŋgàa Ntum 22:22

Mo wír vee shooyi yuúri kinyo ke Por, wù yiì lò, e fə̀ə́r kin fo shuù, á nèn lò, a waamé jii, «Á ku yùyrí wír woo ben yúyrín. Wù yoʼ ghèén feyì, a dzə sho.»

Joon 19:7

Wír veé Juda vìyi bìnèr jii, «A dzə̀ mo yéer yee nsər suuyì, bo wìr və̀n kù kér fó kpu, bìʼ fo wù yoŋ kitú kfə́ ji Wan Nyùy.»

Joon 18:30

Á bìnèr jii, «A wù kì bùŋ njò, bo bó vèr yoʼ lò a wìy sho ji à sáʼ.»

Jeremia 18:23

Éè Nyùy Tàr, à kì menàŋ me áwune kár e mǒ bàm ji á yúyrí mo. Lá à yòʼ làysìn ajay vév. Lá à yòʼ màʼày vinyo vév ve bi ví. Ku yiì, áàŋgàa vibàné ton áwune. Ku nə̀ʼsì áwune é ghan se dòʼshwiiy wò koʼon.

Jeremia 26:16

Atǎr ntoʼ wùn à wìr dzə̀m nèn sùúy aàtàá cù wùn aàŋgàa ntum Nyùy vìyi jii, «Wìr və̀n yoʼ yiì kinyo ke dzə̀ á yùyrí wun. Wù tiìsí kinyo e vèsən a dzə̀ ntum ye Nyùy Tàr woo Nyùy wòsən tumen wun sho.»

Atǎr Nsaʼ 6:30

Wír veé ŋkàlaʼa nèn wìy, e ghàr Joash jii, «Fəə́r wan wò cér, é vèr yúyrí. Wù kèr ne kíy cù Baal, e kfə̀n gwàtì wúr Ashera wo wú tíy e ghaŋ wo.»