Jeremia 26:10 - ŊWÀʼ NYÙY

¹⁰ Atǎr ntoʼ veé Judàa yú kinyo kìn, e nèn lò fo ntoʼ, e kòʼ é shùu lav cù, e dzə̀ʼə̀m aáwuné kirə̀ʼ, e shùu kibùʼ wo á yoŋ ji Wo Fíyi.

Jeremia 26:10 Referans Kwoze

Jeremia 36:10

Kù‑uù dzə̀ kishiíy kin ke Baruk‑iì duùn é lav cù, a yòŋ kinyo ke Jeremia‑aà suuyin fó ŋwàʼ, wìr dzə̀m wáa yuurí. Wù‑uù nə̀ə́, e tìím a dzə̀ e Gemaria shùu lav, a lav rə̀n dzə̀ é maàndzə yee fó yuv, e dzəə ye yì nəə e lav cù fo Shùu Kày wo Fíyi. Gemaria və̀n‑eè dzə̀ wan Shafan woo ŋgaà saŋ wo kuʼùn.

Esiker 22:27

Vilìmbìy vév ví dzə̀ moo koosàʼ wo wù koon nyám, a sàʼ, mensə́ mè wáa cùrkìr. Áwune nen kfə̀n a laàr wíri, e shií ji á wáa kuúy séʼ.

Esiker 22:6

« ‹Vilìmbìy vén veé Isray vi dzə̀, a wìr lo, wù lì vitaáví ve wù kérí, a laàr wír sho láarin.

Jeremia 36:25

Fə̀m mo Elnatan wùn à Delaya, à Gemaria‑aà bun fon ji nyàr káʼ, lá á dzəə tòn a ŋwàʼ və̀y, fòn yòʼ‑oò ló a yuurí.

Jeremia 34:19

Rúrú, m wíy lovtí bèy e vilìmbìy veé Juda wùn à veé Jerusalem vi, aàtǎr ntoʼ véví, aàtàá cùu, e lì wir dzə̀m wo wù‑uù shaàn é kintìntìn ke viwàŋ ve nyàm ye vé‑eè toʼnin rə̀y.

Jeremia 26:24

Ké Jeremia ki nén a dzə, a Ahikam woo wan Shafan‑eè tòm wun, la á yòʼ dzəə lì wun, e fò ji á yúyrí.

2 Afòn 15:35

Yii bèy, wù yòʼ‑oò lo kètì virə́ʼ vé anyùy. Wíri nèn kù a yiì cu si fó, e kfə̀n a tòn kiláy. Wù‑uù bòm shúu kày woó dzəə ye yì nəə e Nyùy Tǎr lav fo kùy.

Jeremia 26:21

Fòn Jehoyiakim wùn à vé rər vəə́, à vé saʼ adzə̀me‑eè yù kinyo kìn, fòn nèn a shweʼ dzə́ə yée laàr Uria sho. Wù yú, a fàn, e nèn nyèŋ, e dù e Ejiv.

Jeremia 34:10

Vilìmbìy vidzə̀m, à wìr dzə̀m wo wù‑uù lìʼìn nèn biìmé ji á lo, e màʼtì a akwàn vév vee vilum wùn à vee vikìyí, e làa yòʼ dzə́ə wìy siìr a e vikwàn. Á biímé bey, e nèn màʼtì.

2 Wòŋ 27:3

Wù‑uù bòm shúu kày woó dzəə ye yì nəə e Nyùy Tǎr lav fo kùy, e kfə̀n bònen bòm kirə́v ké kày ye á yoŋ ji Ofel.

Jeremia 20:2

Mo wù yuun bey, e nèn yòŋ, á dzə́v Jeremia woo *ŋgaà ntum Nyùy, e wày é kibuʼ ke kí‑iì dzəə̀n é shùu kibùʼ wo á yoŋ ji wó Benjamin, a wú dzə̀ é kirəv ké lav cù kee kuy.