Jeremia 24:7 - ŊWÀʼ NYÙY

⁷ M wíy fo áwune shilív she á kiíy ji m dzə̀ á Nyùy Tàr, aáwune nèn a dzə wír vém, é m wáa dzə Nyùy wov. Áwune wíy kfən e mǒ wùn shilív shév shidzə̀m.

Jeremia 24:7 Referans Kwoze

Hibru 8:10

Yii bèy, ghán sé mensàŋ me mvə mè si wíy shaà, é mensaŋ me m gwar vèr à wír veé Isray mè wáa dzə jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

Jeremia 30:22

Vèn wíy a dzə wír vém, é m wáa dzə Nyùy won.»

Esiker 37:23

Áwune yòʼ dzəə́ wìy a lor vitú vév e mebvə̀m me vé‑eè ghvə́m mè, kìn e vifá ve joònè vímóʼ ví, a bó á yòʼ dzəə́ wìy a tsəy kóy vèr áwune. M wíy yiì, é la áwune yòʼ dzəə wìy a kfənrí wuú, a bùʼtì vinyo ve vé‑eè rə́si buʼtì. M yii bèy, é m *kfə́mrí áwune, aá rán fó *kifàn ke vé‑eè liìn, e nèn gheén e wìr vém, é m wáa dzə Nyùy wov.›

Sekariya 8:8

M fəərì, é m siir é Jerusalem, aá wáa dzə fo, a dzə wír vém, é m wáa dzə Nyùy wov, a leéy áwune e suuyrú, a leéy e dzəə yee tìítiy.»

Ŋwàʼ woó Rom 6:17

A m beerì Nyùy feyì, bìʼ fo vèn‑eè dzə́ fo mbìy, reŋ vikwàn fó vinyò ve bi ví. Á wìy yèʼéy ven kinyo ke dzəə̀n ke ru kí, vèn biímé, e wày é shiliv, a yiì mo kí dzəə̀n.

1 Samuel 7:3

Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»

Esiker 37:27

Kirə́ʼ kém ké dzə ki wíy a dzə aáwuné ntìntìn, é m wáa dzə Nyùy wov, aáwune wáa dzə wír vém.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Jeremia 3:10

Vinyo vìn vidzə̀m vi‑iì kòóy ben, la wìr kisaŋ woo Juda wo dzəə̀n jemèr Isray yòʼ kfə̀n é bàm, e yèn mo shilív sə́ shidzə̀m. Wù ku kfə̀n a dzə̀ e kiloʼ ki. Suuy mo woo Nyùy Tàr.»

Aysaya 51:16

Sion, à dzə̀ ji ŋgaà lìm wom. M tiìsí ne ntum ye m taʼ, é wìr dzə̀m yú a dzə̀ e wò. M kìŋsìn ne wò, kù mo wìr kìŋsìn kifá e kiwó ki. Kù‑uù sàŋrì mo yúv fo wú dzəə̀n, a kù‑uù wày mo kinsə̀ŋ ke nsay. Ké lèn ki, m suuy e vèn veé Sion jii, ‹Vèn dzə̀ wír vém.› »

2 Wòŋ 6:38

aá tóŋ bèy, kiʼ nsay rə̀n ye wò‑oò foon áàtàr véví, kfə̀n kiʼ ŋkàlaʼ ye wò‑oò shoʼon, à lav ye m bàʼrìn ji á wáa cù wò fo rə̀n, aáwune fen kùvsín rú kwaʼtì yév e dzə̀m, à shilív shév shí shidzə̀m, e wòŋ vikwàn fóo fèy,

Hibru 11:16

Ke kí dzəə̀n kí dzə̀ jii, áwune‑eè taʼ a dzə̀ á woŋ wo wú shaàn woo fen, a woo shooyi dzə̀ woó yuv. Mo vé‑eè sí yú a dzə̀ fo Nyùy, bo bó yòʼ‑oò dzə̀ wù wàa woomé fo áwune wáa yòŋ wun ji Nyùy wov. A dzə̀ á wàa yòŋ, bìʼ fo wù‑uù lo nàŋsín rú láʼ, e lèm aáwune.

Nsùyrì Nyùy 119:2

Bòŋ ké wìr ve á yúnin vinyo ve Nyùy foon, diy shilív shidzə̀m ji á yii á mo ví dzəə̀n.

Jeremia 7:23

Mò‑oò yòŋ aáwune a dzə̀ jii, ‹Vèn wáa yunín mo, é m nèn a dzə Nyùy won, é vèn wáa dzə wír vém.› M kfən yòŋ jii, ‹Vèn wáa ghan a dzə̀ e mǒ mbòv, é vinyo vén ví nèn a dù kijuŋ.›

Jeremia 11:4

ntò se mò‑oò foon áàtàr véví, e ghan se mò‑oò fəər áwune fó wòŋ Ejiv, fo vé‑eè yén ŋgeʼ mo á ton a dzə̀ kilam. Mò‑oò yòŋ ji áwune wáa yu jí yem, a yiì kinyo kidzə̀m ke m suuyin, aá nèn a dzə a wír vém, é m wáa dzə Nyùy wov.

Jeremia 29:10

Nyùy Tàr kú a suúy jii, «Kiyá kee msaàmbà ke á lèmèn ji ké vifòn veé Babilon ki wíy shaà, é m nèn bìnkìr, e lèéy ven, e yiì kinyo ke mò‑oò kàʼàn ven shó, e lì ven, e kfən sho e věn wòŋ.

Esiker 14:11

M yii bèy, é la wír veé Israyi yòʼ kfə̀n wìy a nyàʼ mo, e bày wún, e lòr kitú e mvə̀m joònè wo áwune lo, yii e dzə̀m, e lì *kifàn. Aáwune kú a dzə ji wír vém, é m wáa dzə Nyùy wov. Suuy mo woo Nyùy Tàr woo Taà Ndzə.»

Esiker 16:62

M wíy yùŋrì mensaŋ mem wòsò, é bo à kiíy ji m dzə̀ á Nyùy Tàr.

Esiker 39:22

Á bèy, é wír veé Israyi nèn kù a kiíy ji m dzə̀ á Nyùy Tàr woo Nyùy wov, e kù kiíy e kèʼ fo kishiíy fóo fèy, a dù duùn fó mbìy.

Esiker 11:17

Á bèy, áà suúy e veé kwaʼ nsàmé jii, ke Nyùy Tàr woo Taà Ndzə suuy ki dzə̀ jii, ‹M wíy banén ven fo vitúm ví mvəm, fo á taʼrin, e dùkìr, e kfə̀n siìr nsay yen yeé Isray e vèn.›

Hosea 2:22

Nsay wíy yu bunrì vifa veé sum, e yu yé vitiír vé melùʼ, à yé vici vé meŋgvə̀r me *oliv mè, é vifá vìn vi nèn bìnsí lèn jii, ‹Jesreel, á lèn, á lèn vifá ve wayin Nyùy kitú kfə́.›