Jeremia 24:6 - ŊWÀʼ NYÙY

⁶ M yíi a leéy áwune kijuŋ, e wìy lì áwune, e kfən sho e nsay fèn. M wíy baʼtí áwune, e làa yòʼ taʼár taʼarín. M wíy dzə̀ʼə̀r áwune, e làa yoʼ tsə̀ʼ.

Jeremia 24:6 Referans Kwoze

Jeremia 42:10

‹A vèn lòo dzə, e gòʼ e wòŋàn, bo m yíi bàʼrì ven, e làa yòʼ sàʼtì. Bo m yíi tuúy ven, e làa yòʼ shoʼóy shoʼoyín. M kér mendzən feyì bìʼ ŋgeʼ ye tavín ye mò‑oò nəən ven shó.

Jeremia 29:10

Nyùy Tàr kú a suúy jii, «Kiyá kee msaàmbà ke á lèmèn ji ké vifòn veé Babilon ki wíy shaà, é m nèn bìnkìr, e lèéy ven, e yiì kinyo ke mò‑oò kàʼàn ven shó, e lì ven, e kfən sho e věn wòŋ.

Jeremia 33:7

M wíy siìr vijuŋ ve Juda wùn à vé Isray vi fó, e tuúy áwune, aá wáa dzə mo vé‑eè yii dzə́ fo mbìy.

Jeremia 32:41

M wíy a ker áwune é shiliv she juŋ shi, a geʼ sho. M wíy tuúy áwune é nsay fèn ŋkuuŋkùŋ, a leéy fo fo shilív shém shidzə̀m, à vitaáví vém ví vidzə̀m.»

Jeremia 12:15

M shaʼàr vitúm bèy, é m kfən wìy shàm áwune, a lì kitúm kimòʼón kimòʼón, a kfən sho aáwuné nsay fo vitsə́ʼ vév ví dzəə̀n.

Jeremia 1:10

Leéy, m lèm ne wò lán ji à wáa leéy woŋ wùn à vitúm vi, e lèm ji à shaʼar vitúm, e kètì fó, à ji à bvə́ʼə́y fó, e laàr, e kfə̀n bàʼrì fó, e tùúy.»

Jeremia 32:37

Vèn yuúrí, e yù, m wíy jùm wír veé ŋkàlaʼ fèn, aá du é vitum, é m kfən wìy bàʼtí áwune fó fo, e siìr fèn. A m kù wíy baʼtí fo vitum vidzə̀m, fo kilòŋ kí‑iì shwiiyin mo, dòʼshwíiy wom wo tavín kóʼ, kí nyár mo, m jùm áwune, á dùkìr. M siir áwune é nsay fèn, é m nèn a kìŋsìn, aá wáa dzə kijuŋ,

Nsùyrì Nyùy 34:15

Nyùy Tàr yii shiy wír ve á yúnin wun, shiy áwune, yuúri bunrì yév.

1 Pita 3:12

Bìʼ fo Nyùy yii yén wír ve á yii vinyo ve ru ví, yuúri bunrì yév, kor sí fo wír ve á yii vinyo ve bi ví.»

Esiker 36:24

«Kí dzə̀ jii, m wíy baʼtí ven fó virə̀ʼ, e fəə́r fo vitúm ví mvəm, e lì ven, e dù sho e yéen yee nsay.

Jeremia 23:3

Mómò kitú kém, m yíi baʼtí kibér ke wìr vém fó vitum, fo mò‑oò jùmèn, á táʼrí, e dùkìr. M yíi siìr áwune é nsay ye dzəə̀n yéev, aá wáa dzəə́, a kùʼ, a dzə aneénín.

Nehemia 5:19

Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

2 Wòŋ 16:9

Nyùy Tàr kíyri kitú ke nsay kidzə̀m, ji wun tóm á wír ve á ghán tìítiy mo wù taʼà, e tom bèn e mbòŋén. À lò ne, e yiì a dzə̀ kiyúŋ. Kèʼ fo lèn, rə́r sí kù sí wìy a ghiʼ wò ghíʼín.»

Remrí 11:12

Dzə̀ nsay, a Nyùy Tàr woo Nyùy won géʼ sho. Wù kíyri ghán sidzə̀m mo kiyá ki keʼè, e dù, e meé mo kí ndzəyì.

Jeremia 21:10

M kù wày ne wayín ji m maʼ a ŋgeʼ e ŋkàlaʼ fèn, é la réŋ yòʼ a dzə fo. Suuy mo woo Nyùy Tàr. M lo, e way ŋkàlaʼ rə̀n e fòn woó Babilon kiwo, é wù laar e və́yí.»

Nsùyrì Nyùy 44:2

Wò‑oò jùm vitúm e vitaáví vé vi, e dzə̀ʼə̀r atàr vér aáwuné nsay. Wò‑oò màʼ ŋgeʼ e vitúm vìn vi, e yiì, atàr vérí táʼám fó.

Jeremia 16:15

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo wòŋ kùyi, à fó vitum ve wù‑uù jùmèn áwune, á dù, a dzə sho.› E ké ru kí, m wíy siìr áwune e yéev yee nsay ye mò‑oò foon áàtàr véví.»

Jeremia 31:4

Éè Isray, à dzə̀ ŋgònjuù yem, m kfə̀n wíy bàʼrì wò, áà kfə́n, a dzə e baʼrìn. À kfə̀n wíy lì menshùm mè, e fəə sho, a cèŋ, a yu vijuŋ.

Jeremia 31:28

Yì‑iì dzə̀ é ghan se sí‑iì shaàn, mò‑oò kìyrí áwune, e lò, e mèn fo fo, e kèr fó, e kfə̀n nə̀ə́, e tòn fó, e sə̀ʼsí, e màʼ ŋgeʼ ye tavín fó. Kù dzə̀ sá mo m wíy lì ghán lèn, e bàʼrì fó, e tuúy. Suuy mo woo Nyùy Tàr.

Jeremia 33:9

Ŋkàlaʼ rə̀n wíy a fo mo vijuŋ wùn à kishéʼrì ki, à ghvə́me, é wáa dzə kiŋkoʼòrwùn kém e vitúm ví si. Vitúm vidzə̀m veé kitu ke nsay vi wíy lòo yu vinyo ve juŋ ve m yii e wír vémé, à mo m səəvì ŋkàlaʼ rə̀n, aá wáa fàn, a yàʼ.»

Amos 9:14

M yíi siìr wír vém veé Isray fo kwaʼ nsàm, aá kfə́n aáwuné nsay, kfə́né, aá náŋsín ŋkà se laʼ sév se sí‑iì gbùkìn ne, a dzə sho. Áwune wíy bìy vitiír vé vayin, a fèr meluʼ e báŋ sə́ sí, a no, a bonén, a lìm viboó vév, a bòn vifá ve á lìmèn shó.

Kèʼlo 44:21

Taàtá wom nen yòŋ aàkwàn vəə́ á ji vèr du, e lì a wun, e sə̀y shó fèn, é taàtá wom yén á wun e sí rəə́.

Aysaya 14:1

Kí dzə̀ jii, Nyùy Tàr wíy sham mendzən me rám Jakov, e kfə̀n lì áwune vee wír veé Isray ji wír və́ ve wù shoʼon. Wù wíy siìr áwune é bàm, aá kfən tùúy aáwuné nsay. Vitúm vi wíy a wìykìr, a tatí áwune vee rám Jakov, é wùn áwune wáa dzə wír amòʼón.

Aysaya 60:21

Wír vén adzə̀m veé Israyi wíy a ghan e Nyùy mbòv. Áwune wíy yòv nsay ji vitsə́ʼ vév ŋkuuŋkùŋ. Áwune wíy a dzə moo kitiír ke m bìyìn. Dzə̀ wír vém féyì feyì, a bòm mo áwune e wó yémé. M yiì bèy ji wíri fíʼ a burí mo.

Jeremia 39:12

«Dù, e lì Jeremia, a leéy fo fo kijuŋ, e làa yòʼ a nyàvrì sho. Kú a yiì e wun mo wù yíi a yòŋ.»