Jeremia 24:3 - ŊWÀʼ NYÙY

³ Nyùy Tàr nèn dzə̀r e mò jii, «Jeremia, à yèn a dzə̀ ka?» M bìnèr jii, «M yèn a dzə̀ fig. Fig, a wo juŋ bóŋ féyì, a wo bi bír ne feyì e dzəə ye bó yòʼ dzə̀ wìr kfə̀r.»

Jeremia 24:3 Referans Kwoze

Amos 8:2

Wù dìn bèy, e dzə̀r e mò jii, «Amos, à yèn a dzə̀ ka?» M bínér e wun jii, «M yèn ŋkaà baŋ se vici, a dzə̀ se á yii koy, a ghán sé ŋkav vifa si báŋrín ne.» Á bèy, Nyùy Tàr nèn tòʼ e mò jii, «Rúrú, ghán sí bàŋrìn ne lèn, a m lo, e màʼ ŋgeʼ e wír veé Israyí kitu. M yòʼ kfə̀n dzəə́ yìi kuvsín ntaŋ wom, e yàr fóo màʼ ŋgeʼ rə̀n.

Sekariya 4:2

Yì dzə́r e mò jii, «À yèn a dzə̀ ka?» M bìnèr jii, «M yèn kitiir ke làm, aá fér e *kisha ke mbàm ke baar kí, a mbìʼí dzə̀ fó yuv, a dzə̀ wó meŋgvə̀r me làm. Lame dzə̀ saàmbà e kitiìr, a wo mòʼón mòʼóne kér shuu se kfəə̀ saàmbà,

Amos 7:8

Nyùy Tàr nèn dzə̀r e mò jii, «Amos, à yèn a dzə̀ ka?» M bìnèr e wun jii, «M yèn a dzə̀ kfəə̀ kimbom.» Nyùy Tàr nèn sùúy e mò jii, «M kér kfəə̀ və̀n ji m din e wír vémé ji áwune dzə̀ moo kirə́v ké lav ke kí teemen. Bìʼ bey, bó m yòʼ dzəə́ kúvsin kwaʼtì yém. M kù‑úù maʼ ŋgeʼ aáwuné kitu.

1 Samuel 9:9

Yì‑iì dzə̀ é wòŋ Isray fo ŋgùʼ, wìr‑iì lóo tàʼ e kiíy kinyo fo Nyùy, wù nèn a suúy ji wun‑éè du á fo ŋgaà si, bìʼ fo vé‑eè yoŋ *ŋgaà ntum Nyùy e ghan fen ji ŋgaà si.

Sekariya 5:2

Nshìylav Nyùy rə̀y dzə́r e mò jii, «À yèn a dzə̀ ka?» M nèn bìnèr jii, «M yèn kiŋkur ke ŋwàʼ, a kí féŋé. Vida və́ ví dzə̀ kóy e tàn, a mbvə̀ʼ rə dzə̀ kóy e baà e kintoʼnìn ki.»

Jeremia 24:4

Nyùy Tàr nèn yòŋ e mò jii,

Jeremia 29:17

Nyùy Tàr woo Taà Mànjòŋ suuy jii, «Vèn yuúrí, e yù, m yíi tsənsí rə́r wùn à jiŋ, à kifə̀ʼ ki, e yiì, é wír veé wòŋàne wáa dzə moo *fig wo wù birin ne e dzəə ye bó yòʼ dzə̀ wìr kfə̀r.